狗仔臨終

樓主平時點照顧佢？18歲真係好犀利

以前我隻摩天使又係18歲左右，由我細細個陪住我大，果陣個心口有個腫瘤，到最後果段日子又間中抽搐+慘叫
落晒形咁，果陣好心痛，不忍佢咁痛，就同老母抱住佢飛的去做人道，當時諗住快刀斬亂麻，打支針唔痛苦解脫就得，而我地又唔駛再擔心佢。最後交左俾獸醫就快手離開，最後一眼係望到佢想跟我地走，然後度門就關左，呢幕就係最後一面
隨後諗返就好後悔點解唔親身陪住佢走......成為一大遺憾返到屋企即刻掉左好多佢既野，以為掉左唔再望到就冇咁傷心，點知原來仲傷心，怪自己點解要咁急做決定

跟住果個月基本上都以淚洗面，後來慢慢地過返自己生活+時間過去，啲感覺先慢慢無咁強烈，如今過左咁多年，臨終果一幕都仲係好鮮明

想知+1

呢個post 好warm
狗狗可以響屋企 家人陪住走
對人嚟講其實都係最幸福
願所有愛錫寵物嘅家庭都可以陪伴到最後一刻

加油，一定要陪埋佢行最後一程路！

由細到大都係食organic乾糧 好少雜食 10歲打後食好多supplement 尤其是食一隻日本眼睛藥 所以到今日對眼都只係少少白 係有用
同埋都屬於少喺街玩嘅狗仔 我大多數帶佢返公司 坐車行商場果啲 唔知關唔關事

我果隻都14歲，有時餵藥滴眼藥都發脾氣咬人
都真係唯有無限嘅耐性同埋愛

樓主嘅情況，我諗都係陪多啲佢抱多啲
無論佢有冇腦退化，我諗佢都感受到你嘅愛

唔會覺得好創傷咩係自己懷中走咗

係會驚後悔 但唔緊要 佢知道你哋好愛佢 18歲真係唔容易 好叻

點養到18歲

樓主，有樣野好難科學解釋，
如果你同佢講：「辛苦就走，唔好擔心我地」
一啲類似放下既說話，好多時狗狗一兩日內會仙遊。

見過咁多個案，時常都會發生….唔知點解佢都會明。

或者啲狗狗，
最放不下的，就是主人。

我呢兩日都好難過 喊下做下其他嘢又喊下 呢個post有好多同路人 比到好多安慰

我個隻17歲臨走兩日好辛苦
食唔到行唔到又盲100%
痾屎尿都係訓唔到
每兩三個鐘就悲嗚一次好辛苦
所以夠鐘走既SIGNAL好明顯
最後都係要全家一齊去獸醫打針走

如果你望落佢唔辛苦訓得舒服屋企走係最好

點解唔陪住佢走

狗狗冇生離死別嘅概念
所以佢哩生都好幸福而又冇任何遺憾咁離開
嗰陣我有哩個mindset後
都好過少少
希望幫到樓主

知道的 一直同佢講

做咁耐人都陪住不止一隻寵物老死
得到既教訓係
時候到要放手
明明臨走老到郁唔到都係咁帶佢走黎走去睇獸醫
結果令佢最後時間仲辛苦

放手，是主人最難、最痛苦的課題…

睇住由細部伴到我大嘅狗仔離開，呢個畫面永遠唔會忘記多啲摸吓佢幫佢影吓相，我𠴱時好小同佢影相，到佢走想睇吓相發現好少相，好後悔

要比自己呢個諗法 佢都係百歲嘅婆婆了 好幸福咁畢業

過來人+1
二年內走左二個
果種痛同內疚仲慘過斷手斷腳
樓主保重，傷心就喊，就發洩出黎
只有時間可以幫到你

Btw 而家見到狗狗都好想再養
不過呢種痛苦我自問無辦法再承受
所以我好佩服有勇氣再養的的人

慶幸佢暫時都係舒服 就好似平時玩完好攰咁 C字形咁瞓得好舒服

的確係
簡單道理係人都明
到真係面對既時候好難接受
覺得有一絲機會帶佢食藥抽血排獸醫仲可以玩多一陣
但結果都係吊命甚至冇用令佢同自己受多兩錢苦

樓主
擁抱
有養寵物既人表示睇到呢d po不自覺眼濕濕

我個仔係隻17歲嘅貓仔，6月頭開始唔食嘢，之前試過force feed 食濕糧同食藥，佢掙扎好耐都唔肯吞，星期6開始水都唔飲了，禮拜日晚上開始彌留，唔係太郁到，我哋兩公婆一直陪住佢，我就5日冇行出家門一步，因為知道唔食嘢應該都差唔多時候。
我哋同佢講嘢，不停講我愛你，講吓我哋發生嘅開心事，叫佢攰就要瞓，唔駛擔心我哋兩個，佢已經好叻，照顧咗我哋呢兩個人類咁耐，辛苦晒你。
最後佢捱到星期一上晝叫咗一聲，有深呼吸咗10分鐘左右，就冇咗氣息，上咗彩虹橋……
好掛住佢，喊到眼盲咁滯，但盡量唔好俾佢見你喊咁多，怕佢唔捨得走，痛得更耐。
加油，陪佢到最後！