俄羅斯旅行經驗討論區（1）

食得,但你食會畀人當你唔識嘢!

當地戰爭氣氛點？定啲人無理過？因為都打唔到嚟果邊

如果你有睇頭我啲回覆,大概都知俄羅斯好安全,冇乜戰爭嘅感覺.
最新呢次制裁唔會好影響到外國人去當地,但對俄羅斯人出國就會有影響,主要係盧布換唔到美金同歐羅,相反你帶錢入去換就得!

Отлично

我個名Ви́ктор Цой

睇晒成個POST 都無想睇既野...

你саша呢個名都幾俄羅斯人

你期待有咩想睇到？

莫斯科同聖彼德堡物價點?
會唔會因為被制裁搞到D野貴左?

加咗價囉,啲外資走咗係佢哋on9.益咗本土貨!

好似有D外資改個名又繼續賣返原本D 貨

係㗎,真係走咗嗰啲on9囉.例如麥當勞咁,佢返嚟都冇市場㗎喇！

想去
唔驚烏克蘭 但之前伊斯蘭國恐襲有啲驚

支持老鐵

День 5 呢? 快D UPDATE

講起高麗人
諗起前排喺韓國遇到個講俄文但唔太識韓文嘅高麗人
嗰陣完全唔知高麗人喺蘇聯嘅歷史
以為只係俄羅斯嘅亞洲人嚟韓國做野
後來睇番先知原來佢地上幾代嘅慘痛經歷
同埋佢地近幾代都想喺番韓國生活
但我都係覺得韓國血統嘅人講俄文呢件事
好神奇+型

День 5
喺莫斯科嘅第二日,當日去咗莫斯科動物園.其實同列寧格勒嗰個分別唔大,但呢邊就有熊貓睇囉.
當日我都係開門無奈就入去,呢個位應該係成個動物園最靚嘅地方.


其實動物園有嘅動物喺列寧格勒都有,不過動物園嚟嚟去去都係咁㗎喇!



btw有啲比較獵奇啲嘅展覽要另外畀錢入去睇.

食完晏之後就出發去咗莫斯科國立大學,係俄羅斯嘅最高學府之一,全球百大大學!
呢條路係喺前往大學嘅路途上影嘅

莫斯科國立大學,經典嘅Сталинка(史達林式建築),亦都係莫斯科七姊妹之一.



其實呢個位都唔少人嚟打卡,但唔似某國際城市咁打卡都要申請,不過呢邊打完卡如果唔行埋麻雀山都幾無謂.

我發覺會喺呢度行落去下面嘅人真係冇乜,相中前面嘅就係莫斯科市中心!

呢邊見到嘅摩天大廈就係莫斯科金融區.

多數人都會選擇坐纜車到對面嘅盧日尼基體育場,而我就行落去.

落到去大概係咁,呢道用住網上面嘅圖先.(因為又行到關節痛,要坐低抖抖所以冇影到相)


喺之後我就返市中心又搵咗間格魯吉亞餐廳嚟食,聽講兩年前開嘅.
呢個係牛肉湯

食格魯吉亞菜真係好難唔點Хинкали(卡里餃)

啲味似肉醬意粉


食完之後行落紅場散步就結束咗呢一天了.

to be continued

識少少韓文都已經算好,蘇聯政府打壓佢哋淨係准佢哋官方場合講俄文(好多加盟共和國都會咁做),仲流放佢哋去哈薩克.不過佢哋可能因為民族性嘅問題,好多都同返高麗人通婚.

不過我都覺得亞洲樣識講俄文係幾型嘅事,當然我唔係為咗型而去學!

樓主成日都食格魯吉亞菜,
唔支持下俄羅斯菜

咁格魯吉亞以前都係沙俄同蘇聯嘅,即係羅宋湯咁你唔可能完全話佢係烏克蘭嘅,兩邊嘅борщ都有佢嘅分別!俄羅斯菜其實都綜合曬所有前領土嘅特色.

蘇聯其他前領土仲有咩好食菜式?

除咗格魯吉亞之外最大路都係中亞菜,除非你係都要覺得烏克蘭菜同俄羅斯菜無關囉

留名睇俄羅斯最新旅遊情況
同意巴打所講，俄羅斯文化深厚，人文同風景來講都確實好多地方值得去，但你講到連移民都揀俄羅斯就真係諗唔到有咩原因，不如你講多少少

羅宋湯係上海嘢