俄羅斯旅行經驗討論區（1）

無論係特別軍事行動又或者俄烏戰爭咩都好啦,上個月我終於可以返嚟呢個5年冇得去嘅國家旅行.

喺香港如果要買俄航機票,除非你有俄羅斯銀行卡,否則都係要經Trip.com去買.不過佢出票畀你個code 去官網搵係搵唔到,不過其實張票冇問題.唔放心可以經客服去問！


день 1
今次坐嘅係A330,比起我2019年去嗰次部機係波音777-300ER,可能關制裁事囉.


網上好多人屌SVO機場有好多問題,但冇返嚟5年覺得成個機場好似乜都唔同咗咁,5年前落機上機要坐接駁巴士,落機係經條樓梯走.今次好似喺香港咁上落機有啲失望.

但慶幸嘅係架機坐唔爆,可以霸埋個窗口位,所以冇咁難頂.不過返香港就最辛苦！


出咗機場之後就轉乘機機場快綫出市區,需時45分鐘.
或者坐巴士851坐到總站.兩條路線都可以到達白俄羅斯車站！ 機場快綫經濟位要600rub



由於我訂咗去聖彼得堡嘅夜行列車,所以落機之後就去咗列寧格勒火車站.感覺同莫斯科火車站差唔多樣！呢道喺火車站外面個境嚟！


呢架就係我要坐嘅車,訂嗰陣唔知原來係個包廂嚟,不過都係要同其他人一齊瞓.冇諗到瞓我對面嘅俄佬都話佢有去過гонконг,仲話香港очень хорошо.


book位可以用呢個網,可以收到外國卡.但我發覺買完之後印張飛出嚟冇乜用,因為護照登記咗,已經有你紀錄.
https://www.russianrailways.com/

之餘消費方面記得帶夠錢,出咗關有個位可以申請銀行卡.放心,職員識英文！


間嘢就喺вкусно и точка隔離,вкусно и точка喺特別軍事行動前係麥當勞嚟,依家畀俄羅斯企業買起咗,味道食落冇分別,btw 啲脆香雞翼好食過香港,但外表差唔多！


講住咁多先,仲會更新落去...........

至於酒店網嚟講目前係得呢個收俄羅斯國外嘅銀行卡
www.zenhotels.com

請問張銀行卡係咪一定要搞？
定係現金消費都得？

唔一定要搞,但買嘢唔使袋咁多錢同大餅方便啲,疫情之後俄羅斯人都流行電子支付!

1，有冇叫俄雞先？
2，機票價錢？

1.無去叫雞
2.6k左右,疫情前都係咁嘅價.但當時係坐波音.

短途旅行咁點? 離開又要去取消戶口?

依家俄羅斯老麥變咗就是美味

唔使取消戶口嘅,實體卡有效期5年.

Привет

как дела?好耐無「見」

День 2 上

歷時9個鐘嘅車程後,喺清晨6點左右我到咗聖彼得堡.去到酒店擺低行李之後我就展開旅程.

莫斯科火車站同我睇蘇聯電影《命運的諷刺》外境出現過個外表上冇乜點變.


呢道就係最出名嘅Невский 大街,係聖彼得堡最繁忙嘅街道.如果你下晏嚟呢度就好似彌敦道咁多人,就算係莫斯科嘅特維爾大街都冇佢咁熱鬧！


向住條街直行沿途你會經過有名嘅喀山大教堂

裏面大概就係咁,都幾多俄羅斯遊客嚟參觀,排隊嘅人喺度「親吻」耶穌同聖母幅畫.


之後我就轉戰另一個出名嘅境點,滴血大教堂.不過其實内面都唔係好大,亦都冇乜嘢睇！門票大概450Rub

都係幾多俄羅斯遊客嚟,或者唔係有太多住雙首都嘅俄羅斯人,佢哋可能比其他國家嘅人更加少嚟雙首都.但俄羅斯嘅旅遊業係可以做到內循環.


待續 to be continued

留名

2600hkd來回咁平？

但係係咪用唔到信用卡

啱啱發現我講錯咗,係6.2K左右來回.對比起其他歐洲地方都平嘅！機票可以經trip.com買,唯一嘅選擇.

用到信用卡,不過要係俄羅斯銀行簽發嘅.但你去到之後可以申請一張類似debit card 嘅嘢,入錢之後就可以網上消費,call 車都得.

都差得幾遠2600比我一定狗衝 仲未咩日本

酒店幾錢？

酒店普通3***你預佢600-800一晚左右.要平可以住青年旅社,視乎你接唔接受到同人共享空間.我就唔得,又要住得方便所以呢個價！
不過你喺莫斯科住遠啲都冇乜問題,交通好方便.甚至call車都冇必要！

我幾年前2月去一心好x大雪...最後去左10日只係落左半個鐘雪.

書記巴打去俄羅斯咁犀利，唔驚打仗咩？

都好耐冇「見」下,我當然知道實際情況先去嘅.其實俄羅斯好安全,治安非常治全,一啲戰爭感覺者冇.

其實落雪去都幾唔方便

咁你都要小心為上啊
冬宮同埋夏宮博物館都好值得去

聽講而家俄羅斯都幾專制呀，男人都要被徵兵入伍，唉

專唔專制呢個問題我就唔覺得係咁.特別軍事行動之後我成日都有去泰國,我見到好多俄羅斯人都去旅行.相反烏克蘭呢邊就禁止男性公民出境,最近普京成功連任總統一職,你唔可以完全話佢啲票係假.事實上佢真係有好多鐵票,而烏克蘭呢邊就因為俄烏戰爭停咗大選.
btw,最近死咗嘅反對派領袖納瓦爾尼嘅支持者其實少過香港人口.

身處俄羅斯你唔會太覺得依家係戰爭狀態,因為就算係警察都唔會封咗某啲地方,唔會咁敏感.警察見我影盧比揚卡大樓都唔會埋嚟盤我!不過事實上條街多咗軍警同準備上前線嘅軍人,但唔會如臨大敵咁囉.雖然佢哋都有國安法!
但街上依然咁多人行,仲有街頭busking嘅人、商場嘅遊人、酒吧都多人
個人覺得聖彼得堡比較多後生仔添.上戰場嘅好多都係僱傭兵嚟,中亞例如烏茲別克之類嘅都有!並唔似美國媒體講到嘅咁!

仲有冇恐襲威脅？