俄羅斯旅行經驗討論區（1）

好佩服樓主你係呢個時候有勇氣係自己本護照度cup個俄羅斯入境印，我冇膽係因為我唔知去完俄羅斯之後有幾多個國家唔去得或者要解釋一大輪。

當然好鐘意俄羅斯值得尊重但若果想去其他歐洲國家開眼界就真係要諗清楚。

俄羅斯攪世界盃時去過聖彼得堡一次，係好靚但唔需要去第二次。

無啦，人地完全正常生活，我上年9月先去完莫斯科。

都係既, 拖住個急係雪地行係想死....

День 2 下

有件兩件比較可惜嘅事喺聖彼得堡嘅旅程上,我冇去到葉卡捷琳娜宮.我知嗰道係好靚,有好多沙俄嘅遺產.唯有等我再有假期嘅時候再會,或者有日移民住聖彼得堡都係個唔錯嘅選擇,比莫斯科舒服,涼爽!

另一件係我未能夠參觀到俄羅斯博物館(當日閉館),不過都影喺外面影咗啲相.但因為咁認識到一個聲稱做過kgb嘅大叔,介紹咗我去一間幾有名嘅快餐店.




外面個公園都幾靚幾休閑,但都比唔上夏園.


KGB大叔介紹咗我去呢間當地幾有名嘅甜甜圈餐廳,由於呢度我冇影到相.唯有用網上嘅圖片.我會覺得係甜甜圈形狀嘅油炸鬼,加咗糖粉好甜,咖啡就似三合一咖啡.但可以嚟一試!


Bolshaya Konyushennaya St, 25, St Petersburg, RU 191186
據悉蘇聯時期就已經存在.

食完嘢之後我返到酒店check-in,之後就再出發.

夏園真係好靚,到咗秋天嘅時候可能會更красивый.




如果有女朋友,或者呢道會係個約會嘅好地方? 的係呢啲得電影先會發生?

之後我一路行,行經聖三一大橋.我知對岸有個幾靚嘅清真寺,外觀同撤馬爾罕嗰個差唔多.

點解人哋個天空可以咁大,喺香港望上去嘅天空會係咁狹窄.就算係郊野都係咁,係地理嘅問題定係我有問題?



本身諗住去埋聖彼得堡動物園,但之後發覺行唔到落去.冇諗到行路都會關節痛,真係要抖抖.要call車返酒店附近嗰個鐵匠市場睇睇,不過太攰冇影到相.
裏面都幾有蘇聯味,一個賣生果嘅大叔都知道香港呢個地方.俄羅斯人好多都知道香港,之後同大叔買咗幾個Яболоки.反而5年前我喺紅場幫嗰班中國遊客影相嘅時候,佢哋反而唔識香港.

喺俄羅斯如果你冇食過格魯吉亞菜,等於冇嚟過一樣.如果你問俄羅斯人佢哋都會咁介紹你!甚至有人話呢道嘅格魯吉亞菜比格魯吉亞嗰邊嘅更好食!

點樣畀人睇到你係識得食Хинкали呢?就係用手揸住個椗,輕輕一咬唧裏面啲汁先再食.但個椗係唔食的!


講住咁多先,待續 to be continued

經大陸去?據我所知上年12月先有返直航!

劉明

如果淨係可以去一個國家, РОССИЯ,我唔介意!

旅俄小知識

喺俄羅斯旅行有啲App係唔少得嘅,用咗你個行程就冇咁易撞板.

地圖

Яндекс map

喺俄羅斯用會定位會比較準確,資訊都會比Google 多啲.

地鐵

Яндекс Метро

除咗莫斯科、聖彼得堡之外.佢有埋葉卡捷琳堡、喀山同新西伯利亞等城市嘅鐵路圖.

當然如果你想撘地鐵唔使買飛,可以買類似八達通之類嘅卡.相信去過其他地方旅行嘅你都唔會陌生.


Тройка карта仲可以喺莫斯科動物、博物館、麻雀山纜車同機車快線使用！


而Подорожник карта 可以用喺各項交通工具.

有次係北京去，有次係土耳其去

我諗北京會舒服過土耳其轉機

莫斯科個機場真係勁Kam
係嗰度轉過兩三次機
幾架飛機落機共用一條細走廊 指示又唔清晰
抵境同轉機都谷埋一個Y中心點度
行李100%唔跟人一齊轉

俄妹易唔易溝?

吓？6千2 都話同疫情前咁嘅價？

疫情前係呢個價買到喎

Yandex Go (call 車) 咁重要你都無講
RZD 查火車又無 (以前可以買埋火車票，依家俾唔到錢無用)
2GIS 地圖最方便搵到建築物出入口，你都唔識。

Yandex 仲有好多app 都好有用，交通嗰啲。

你咁半桶水都學人教人。

Yandex Go我自己都有用,不過喺莫斯科同聖彼得堡冇乜呢個需要啫.метро 咁方便！

會唔會係我嗰個日期貴啲？

2個星期前我先去完紅牆
上兩個月去咗Vladivostok

有好多柒柒地嘅中國佬都溝到.

你嗰段日子，搵個紅日假期都無喎。

紅圈圈着嘅日子係我飛莫斯科嘅日子，全部都有紅日。
農曆新年/復活節/國慶+中秋/聖誕，無一程貴得過你。

咁你寫俄羅斯旅行經驗，如果你只係得聖彼得堡同莫斯科就講明啦。

咁點解你會咁平？

俾多兩張圖你睇，當時睇嘅十月機票，去程回程

去程1200人仔全包 (2019年10月至11月)


回程898人仔全包 (2019年10月至12月)

或者你好近期先買啦,我買嘅時候都未係敏感時期.

2019 年有咩咁敏感呀？

我早過你飛又有，遲過你飛又有，全部都大時大節，聖誕直頭紅日+ 星期六, 日，連假都唔使請喎。

день 3

嗰日一早我就去咗,聖彼得堡動物園.由於我一早就到所以唔使排隊.都幾多家長會同學校會帶啲小朋友嚟睇獅子老虎.

我以前未見過北極熊


隻獅子好厭世咁

請問這是甚麼姿勢？驚畀人當係bam圖.


真係慘,咁努力都係冇閪屌！


或者係我早到喇,好多動物一係怠工,一係就no show.不過長頸鹿同大象呢啲好多地方都有得睇,所以都係冇影到相.

莫斯科動物園同聖彼得堡差唔多,不過莫斯科有熊貓睇.

跟住我就去咗冬宮,我覺得葉卡捷琳宮靚啲,冬宮係低配版嘅葉卡捷琳宫.如果我再有假期一定會再返嚟聖彼得堡行下！


裏面真係好撚大,有好多沙皇嘅遺產.我發覺可能就算你以為順住行都會Miss 咗某啲展廳.原來都唔少印度遊客都嚟咗俄羅斯,不過佢哋又嘈又鍾意影相！

其實外面個廣場都好靚！


點解俄羅斯可以咁靚？

參觀完冬宮之後我就去咗附近一間俄國餐廳,啲裝修幾有赫魯曉夫時代嘅味道.

俄羅斯餃子其實除咗餡多啲款之外,其實冇乜分別！


由於半日嘅奔波,返咗酒店抖下順便諗晚餐食乜好.呢晚已經係我喺聖彼得堡最後一夜.早知留多一日！

喺俄羅斯如果想食得經濟啲都可以考慮佢哋嘅兩餸飯.不過味道嚟講唔係太有期望,但啲抓飯係唔錯嘅,但基輔雞好乾,羅宋湯似糖水.不過我喺莫斯科食過一啲係唔錯嘅！


去俄羅斯可以試下去столовая 或者Му-Му呢啲廉價餐廳！