國泰航空見習機師學員被美航空學校叫停單人飛行　涉學員未誠實匯報事故

佢地又真係好鍾意cockpit食煙,大隊長要食,細嘅無得唔食

咁都要經程序㗎嘛
大公司一句唔使查就踢人走會唔會兒戲左少少
唔係佢做得啱
但你地急啲乜

哇屌，炒到咁都唔報？



【Yahoo 新聞報道】疫情後國泰航空機師短缺，近期擴大見習機師培訓計劃（cadet pilot programme）。不過，近年與國泰合辦機師培訓課程的美國飛行學校 AeroGuard，卻向國泰學員發電郵，提到過去三周學員於受訓期間，發生三宗嚴重意外，而且更有人未報告事件，遂決定即時暫停個人單獨飛行訓練。據電郵所述，其中一次事故涉及飛機降落時彈跳，令螺旋漿受衝擊受損，根據《Yahoo 新聞》獲得的照片，飛機的螺旋漿斷裂。國泰回覆表示，非常同意 AeroGuard 暫停個人飛行訓練的決定，會與學校保持聯繫，並跟進調查。

有從見習機師培訓畢業、現於本地航空公司任職的機師表示，過往未曾試過暫停個人飛行訓練，認為電郵中提及的三次事故均屬嚴重錯誤，但更為嚴重的是未將事件上報，涉及個人操守問題。他續指，若有充足訓練，干犯同類錯誤的可能性相當低，質疑究竟學員在單獨飛行前，是否有足夠培訓。

飛機降落彈跳 螺旋漿尖端斷裂

根據 AeroGuard 副總裁兼培訓主管 Jay Meade 的電郵，國泰機師學員於過去三周，在跨境的練習中發生了三宗意外，分別機翼尖與硬物碰撞、降落時飛機彈跳，令螺旋槳撞上跑道，以及飛機完全偏離跑道。電郵強調，三宗事故都並不輕微，學員本身需即時諮詢飛行教練，惟他們均未詢問意見便自行決定回程，當中兩次返抵飛行學校的機場後，都仍然未有適當地上報飛機受損情況。電郵提到，由於學員不願，或不能溝通，故暫停單獨飛行訓練是必需的。

《Yahoo 新聞》從業界獲得的相片顯示，在上述降落彈跳事故中，小型飛機螺旋漿尖端受重創斷裂。有本地航空公司任職的機師分析，破損正是降落時操作失誤，螺旋漿仍在高速轉動，卻與地面磨擦，「批走咗螺旋漿尖端位置」。

現職機師：屬嚴重錯誤

該名機師過往亦從國泰見習機師培訓計劃畢業，他認為三宗意外均屬嚴重錯誤，估計源於學員過於驚慌，無法正常操控飛機而失控，但事件中更嚴重的是學員未申報事故，涉及個人操守問題，尤其意外後飛機可能已有隱藏問題，或會引致更嚴重的意外發生。他表示，學員或因擔心被解僱，而怯於上報錯誤，但他強調身為專業的飛行員，無論發生任何問題都需誠實報告，尤其日後駕駛客機時，牽涉數百條人命。

他續指，若學員有充足訓練及經驗下，是次事故發生的可能性其實相當低，質疑課程本身未有提供足夠時間培訓。他表示，過往整個培訓，包括理論課程都於澳洲的飛行學校上課，惟現時新的課程則先於香港上堂，之後再到美接受訓。他認為，從國泰角度雖可節省成本，但學員適應上更困難，本身已需時適應美國生活，而且更要即時上機受訓，並非任何人都可馬上適應，「對於一個由零經驗去開始接觸飛機嘅話，佢係需要時間去摸熟架飛機，亦都要時間去了解佢學習飛行嘅 airspace（空域）環境，特別係小型飛機非常受天氣影響，大風啲已經飛唔到。」

翻查資料，過往國泰會安排學員到澳洲阿德萊德受訓，不過 2022 年新增課程，改為於理大接受理論課程，合格後再到澳洲或美國受訓。


國泰：會確保飛行訓練符合標準

另外，國泰希望於 2025 年前培訓逾 1,000 名機師，即每年數百名機師；惟過往每年一般少於 100 人。該機師表示，國泰為了加快招聘，填補機師短缺，簡化了招聘過程，例如以往應徵者需到澳洲的飛行學校接受飛行能力評估，合格方可成為見習機師受訓，但現時已毋須再到澳洲試驗。他續指，對於一些本身已有飛行經驗，或有一定駕駛天賦的學員，現時的課程可上手，但實際上有部份學員完全沒有經驗，又或面試出色，但駕駛能力稍遜，便需要更多時間學習，否則便可能發生今次的意外，他形容現時的機師培訓猶如工廠式，未必人人適合。

國泰航空回覆表示，已知悉 Aeroguard 所述的情況，完全支持學校的決定，會與校方保持聯繫，並跟進調查。國泰續指，學員通過培訓考核後，會受僱於國泰，並須接受額外的綜合訓練，之後才會獲委派飛行任務，強調會確保飛行訓練符合標準。

另外，國泰希望於 2025 年前培訓逾 1,000 名機師，即每年數百名機師；惟過往每年一般少於 100 人。該機師表示，國泰為了加快招聘，填補機師短缺，簡化了招聘過程，例如以往應徵者需到澳洲的飛行學校接受飛行能力評估，合格方可成為見習機師受訓，但現時已毋須再到澳洲試驗。他續指，對於一些本身已有飛行經驗，或有一定駕駛天賦的學員，現時的課程可上手，但實際上有部份學員完全沒有經驗，又或面試出色，但駕駛能力稍遜，便需要更多時間學習，否則便可能發生今次的意外，他形容現時的機師培訓猶如工廠式，未必人人適合。


我Ok，你先坐

馬路炸彈見唔少，
呢d係咁叫空中炸彈

空軍做機師有機會意外多左

當年台灣長榮客機業務就係請退役空軍

結果好多事故

可能有後台介紹呢？

其實點解cockpit真係可以食煙？
試過睇大陸啲劇，第一次見到飛機師響cockpit食煙，係超出咗我嘅認知

山頭主義
隊長要食，班細嘅無得唔跟

我嘅意思係安全上方面
機頭係安全到可以食煙？但機艙就唔安全到唔可以食煙？

有冇可能收咗賄賂？
所以先死保瞞報/ 紀律誠信有問題嘅cadets

之前國泰扑野都得啦，關埋對門做乜都得

現時國泰航空推出見習機師培訓計劃，只要符合以下條件即可申請：
香港永久性居民 中學畢業，英語和數學或科學成績良好
擁有航空學位將優先考慮 身體健康並有資格獲得民航處(HKCAD)1級醫療證書
完成靜態測試和飛行模擬器評估
達到ICAO（國際民用航空組織）英語語言能力4級或以上
18歲或以上

Lihkg仔都可報

鬼佬同飛雞autopilot 3p

早幾年東航部737點解直插落地

東航單野唔係話機師炒燶股票咩

飛機本身就係可以食煙
都無話安全唔安全

依家禁煙其實係源於一次飛機 cabin 嘅廁所火燭
落到地疏散都無野，但一打開 cabin door 太多新鮮空氣搶入嚟造成閃燃所以好多人無辜走唔切

但其實最後都無辦法下結論因為乜野原因火燭
只係安全計將火種盡量減少避免日後再有咁嘅事發生咁解，但飛機話禁煙呢個過程都用咗好多年先全世界都禁

公道就應該要炒

機師要有高道德操守

連自己唔小心炒咗都可以唔講 仲要呢啲根本暪唔到

老解機師會問: 個駕駛倉冇彈射椅嘅？

之前covid炒得多、依家求降低門檻就出事？

你又唔使將學員態度以及紀律問題，拉咗過去「程序」問題嘅

其實有個學員決定唔上報嗰下、到學校/下一手已經俾發現咗唔上報，已經直接出結果㗎啦

呢個咪就係你口中成日講話「查」出嚟嘅結果出嚟

不過你係要偏幫不守紀律嘅人嘅口，好，咁咪大家放長雙眼，睇吓你口中個「查」嘅程序要幾耐，同最後有乜嘢結果囉

第六頁都仲未有，明明平時一講cx uo壞話即刻成堆狗衝晒上黎

無錯，而家急住要人

呢單嘢斷到正，仲要安全問題，佢哋點敢出嚟亂講嘢？