pwc開始炒人未 有冇員工分享下

廣州啫，香港冇事咪自己嚇自己

另外果三間無co人咩？

通常大炒人咩grade都有除咗partner，爭在上唔上新聞，樓上果個話炒a/sa為主計人數可能佢講得岩，但你諗下炒一個m/sm頂夠幾個a/sa，你估個個m/sm真係有好路數先走咩，被人勸退唔講你知咋

一向暗地裡都有做架啦，所以我一早係呢個post講過睇實份工穩唔穩陣，值得討論過d咩加幾多人工，升咩grade有咩價，香港地做得big4，特別係audit，好多無論家底定cv都係極普通一班人，呢個時勢如果你係junior/senior都還好，好快搵到工，但如果你係m/sm，send cv出邊搵工又要keep返個價係經濟差絕對唔容易，如果你要供樓養細路更加好睇路

big 4炒人通常係co人叫你自己走，點會賠多一個月糧比你呀，但你可以放心如果你係不幸既一個人，big 4既reference letter通常唔會寫衰你

咪傻，點會有得賠 全部自動辭職，唔走就講明唔俾 reference letter / 明示暗示到時 reference check HR 點講控制唔到，有得唔走咩？被自願辭職賠條毛就有

Sm以上穩陣，炒都係炒啲低層

師兄正解！ 而家中哂伏反而係表現中上既班人，一般表現既一早知道無得升 / 會被炒，走到既都搵左工走哂。中上表現之前都仲覺有機會，點知而家炒埋自己無得留低

而家先搵極難，之前出黎班人都fill 到7788 既位

SM 所上

搏唔搏睇自己既姐 下一份工HR 問你 reference letter，就需要解釋點解無。信不信，點樣諗全在個HR 一念之間。咁唔好彩另一個candidate 有，咁我估HR 簡單turn down 你咪收工完事。

同埋要迫你自願走好易嫁咋，舉下例子就明：
（1）迫你入 Performance Improvement Plan (PIP)，定D 無可能2個月內做到既目標，2個月後到期唔達標，明正言順俾4 或者5分 = 表現不達標。留左記錄，做reference check 打俾HR 點知會唔會多口講句佢表現不達標

（2）平時唔洗打卡既，呢個時候HR 就黎料話無你工紀錄，問你拎 proof，再恐嚇你可能上 ethic panel / committee 做調查，最嚴重可以炒。屌你，Auditor 最緊要就係integrity 既名聲，咁玩法點唔走。

（3）返開中環，而家迫你走咪調你返觀塘，8:30 好出現啦咪準備收 warning letter。 唔好諗住做得夜有OT，豬頭骨垃圾俾哂你做，第朝準時返工呀

屌你……咪咁天真得唔得，都講咗一個m/sm頂幾個a/sa，點會唔炒sm，你係咪無見過d做勁耐又升唔到partner既sm走下話？炒晒低層唔洗做w/p?

炒着你班小朋友一定要reference letter，奴隸心態唔係第一日知？

呢個post講真話通常比人ignore，個個只會focus出年升唔升到同有無bonus，呢d野你被人炒既話全部都唔關你事，等到大炒人既時候比佢地知道世途險惡都係好事，好多big 4分分鐘一畢業就入黎，係徬徨d架啦

只係舉例說明，都係 Cost vs Benefit。與其（1） 同佢磨，忙到仆街比全世甲針對，連工都無時間心情搵 ； 對比 （2）自己辭職，再全職搵工1個月（邊有人辭左職會認真做野 ），可以自己考慮。

再者，如果唔係年資長，公司炒你成本係1個月通知（即係養多你一個月+雞碎長期服務金，真係隨時手起刀落。

年資高既，長期服務金就大舊D，公司就會同你磨磨磨，到你搵到工自己走。大不了咪養多你幾個月 (vs 長期服務金既金額），不過就要預呢幾個月係非人生活

講漏咗一點如果你黎緊1頭半個月知道係其中一個，年尾至出年年頭係特別難搵工

m/sm啲人工咁高
應該唔多公司俾得起？

好多年前入行時，仲聽同事講市好市差audit都唔會無野做，點知潮退後audit其實都係無著褲

傻豬，所以咪要discount人工出去囉，咁咪驗證我話要養妻活兒果班更加要醒水

呢點係真，因為出左Bonus 加左人工會多左人轉工，也會多左空位俾Big4 人跳出黎。年尾或者下半年，大部分人都等埋下一轉 bonus 加人工 （因為轉工可以叫高D)，咁PwC 想走既人自自然然會難搵工左。

提就提左啦，再提都係想有家庭負擔既小心突然被炒。搵定工，搵到人工加走緊係好，平手都可以認真考慮，畢竟畢業做Big4 既好多都無 commercial experience，好多顧主連見都唔見你嫁。

乜你覺得有partner幫你寫咁好心咩？但聽講係寫你自願走，我唔知詳細因為我當年係自願走，亦無被人勸退

生意既野一環扣一環，香港依d外向型經濟，唔會出邊打風，其他地方就風和日麗咁樣