見得多抽抽遊戲既做法都估到啲
合作活動抽既角色
=> 過左就過左,唔會入普池。而且因為版權問題,唔係遊戲商單方面話復刻就復刻。(妮姬目前都聲稱合作係過左就唔會再出)
配合時節抽既角色,例如夏天就出泳裝、聖誕節就出聖誕裝
=> 通常過左都唔會入普池,通常都係等下一年同樣既時節先有機會復刻番。有啲舊遊戲仲會因為舊角貶值到無乜實用性,直頭幾年之後將舊既時節SSR提高機率變雜卡咁俾人抽出黎。
除上述兩種之外既新角色
=> 通常都會新出既時候有pick up,甚至個池有保底。過左pick up之後就會掉入大黑鍋同其他野溝埋一齊勁難抽。
其他抽抽遊戲仲會因為各自既營運模式仲有唔同花款,但妮姬目前仲係上面嗰三種典型既分法。