見到有人討論驅逐出境,我好熟台灣法律,可以同大家講一講。理論上係會驅逐出境。因為佢係持居留證,正常受滿把之後,就會取消佢既居留證,之後宣判佢驅逐出境幾耐不得入境咁樣。但其實睇返歷年判決書係有人坐完不予驅逐出境,不過佔極小數,有時法官會覺得條友對台灣社會有貢獻,或者佢既事業等等同台灣連繫好強,就唔趕人走。但依啲情況大多都係罪比較輕,可以所謂既易科罰金就算果啲。toyz唔算係輕罪,如果佢單純係吸食大麻比人拉左去勒戒應該就唔洗驅逐既。不過佢算係公眾人物,而且佢入去之前不斷做公益想爭減刑,係符合對台灣有貢獻依點,佢之前上訴仲好似拎左百鳩幾張公益獎狀去爭減刑,所以驅逐唔驅逐出境,暫時真係冇人可以講實,連toyz自己都唔知,要等佢受滿把之後先知,但九成都係會驅逐出境。