[新一季來了]無職轉生～到了異世界就拿出真本事～第二季下半 (1)

https://youtu.be/yjySazU65pU?si=pMTNCITmp03GaElL

1. 今集時間線已經過咗2個月，盧迪都上到Year 2了

2. 補充下動畫skip 咗其他人呢2個月嘅生活概況：魔王巴迪久唔久會同盧迪對練並比出建議，然後食完lunch 就會唔知走去邊，盧迪永遠摸唔透佢行動模式；

克里夫每日上晝研究可以抵消詛咒嘅魔道具，下晝就同麗潔啪到天昏地暗，所以盧迪好少會下晝揾克里夫；

七星每個月都會去盧迪屋企沖涼，順帶一提，上一集七星話想借浴室果陣盧迪扮多啦a夢嘅口吻來講：可能你沖涼果陣X雄君會撞入來喔。玩呢個gag 係因為七星日文同靜香同名，唔知係咪因為呢個gag 所以七星只會揀希露菲都喺屋企嘅時候來沖涼；

札諾巴日日喺房研究果個自動人偶同筆記，茱莉就喺佢身邊整人偶，同時盧迪都有keep住教茱莉土魔術；

盧迪就同狗狗一齊上堂，冇堂就教貓貓魔術。


3. 盧迪重鎮雄風之後突然發現七星呢個妹豬十分正色，就算係日本都係唔差的妹豬，察覺到盧迪目光嘅七星講：「如果敢搞我一定會喊住咁揾龍神幫我。」嚇到盧迪鳩都縮埋


4. 希露菲由於要繼續做公主護衛，所以1個禮拜得2日會翻屋企同盧迪過夜。


5. 盧迪一眾已經喺學校有朵，叫「六魔連」，類似四天王嘅存在，要逐一打敗六魔連先可以挑戰盧迪，所以久唔久就會有人來挑戰「六魔連」


6. 「六魔連」由低至高排列：札諾巴>克里夫>貓>狗>菲兹>魔王巴迪


7. 保羅封信仲有講托兩個妹帶咗唔少錢來比你地做生活費+學費，特登叮囑盧迪唔好拎去叫雞。


8. 動畫洛琪希比瑞傑嚇到，btw 瑞傑同保羅佢哋呢次相遇有段幾有趣嘅故仔，希望下集會講，如果冇我再開一層來講


9. 睇完封信返到屋企，想同希露菲傾傾，動畫盧迪就咁企門口叫希露菲，小說就係痴漢上身直接衝上去揸希露菲對波仔，搞到希露菲切親手⋯⋯


10. 盧迪好開心咁分享完家人平安嘅消息先醒起希露菲父母已經過身，希露菲反安慰盧迪：「我依家仲有嫲嫲同埋你做我屋企人，我好滿足了」妻子屬性max


11. 希露菲除咗召喚同神擊唔識用之外，其他全部都到上級。盧迪重新認識呢個世界嘅戰力之後先發覺希露菲已經算係規格外嘅強者。


12. 然後動畫鏡頭一轉就去到七星間房，時間又過一個月


13. 七星講嘅無職物理知識可以好大程度咁解釋呢個世界發生嘅所有野，對後期理解劇情好有幫助


14. 二人合力夾七星到醫療室，呢件事以訛傳訛就變成：盧迪同怪力神子玩到一個女學生昏迷不醒然後帶去醫療室想再做更過分嘅事。小說入面收到風嘅公主就派希露菲來睇下咩事，然後盧迪都係呢個時候同希露菲講要帶七星返屋企。


15. 同札諾巴帶七星翻屋企嘅路上，盧迪見到茱莉比起一開始買翻來果時瘦到得棚骨果陣圓潤翻好多，然後學札諾巴中午果時咁公主抱起茱莉，實際感受下茱莉依家同以前差幾遠，心諗佢呢段日子一定係過得開心先會成長得咁快，所以問佢札諾巴對自己好唔好。
聽完之後感嘆：茱莉可以享有同自己鍾意嘅人食鍾意嘅野呢種幸福，反觀七星已經幾耐冇試過呢種幸福，所以對七星更加深感同情。


16. 盧迪有用土魔術加固好窗門同其他傢俬，以防七星傷害自己。


17. 然後七星就咁過咗一個禮拜，雖然肯食飯沖涼但仍然頹廢，盧迪：依家嘅七星十足啲被黑社會迫下海前嘅妹豬


18. 夾七星翻Lab ，面對三個男人，七星自暴自棄咁講：「做咩啊，想姦咗我？」


19. 從發現新技術到合力畫完晒魔法陣又用咗一禮拜時間。


20. 動畫入面麗潔直接叫七星請飲酒，原作仲有提醒盧迪同七星兩位唔好走太埋喔，如果唔係希露菲會呷醋。


21. 七星其實係富婆來，佢靠發明專利賺咗好多錢。


22. 動畫直接喺學校慶祝，原作係成班人去酒吧，貓狗係來黐餐，希露菲係公主派來「監視」盧迪，巴迪本身就喺酒吧


23. 希露菲飲完酒就會變成撒嬌mode


24. 七星飲完酒會變社牛mode ，唱k之餘仲屌盧迪佢哋啪啪太大聲，唔諗下自己幾耐冇見過男朋友！屌到一半到巴迪捉去唱歌


25. 然後七星上台唱歌，巴迪負責彈琴，但巴迪唔識七星嘅歌，所以完全唔對拍子，盧迪聽好耐先認出首歌。


26. 直到七星飲到貓晒，呢場party 正式完結。


27. 盧迪同希露菲一路醉住咁翻屋企，然後察覺屋企門口有人，希露菲同盧迪即刻用解毒魔術進入戰鬥狀態，點知係2個妹到了。


28. 護衛唔止瑞傑一個，金潔都來埋，只不過一到埗就去揾札諾巴，所以見唔到。