［回帶］當地人帶路 土耳其遊記

之後下一站就係行超市 價錢普遍都平，仲有好多唔同種類嘅甜品，不過見到啲糖漿多到咁，我就冇買到



我走咗去買麵包 大大隻都係咁平


呢度仲有營多



之後去返地鐵站，搭多幾個站去咗另一間商場，入咗去food court食嘢呢度即刻多人返好多，起碼food court買嘢食要排隊，唔知點解頭先嗰間商場咁冷清 買咗件pide，都係好出名嘅土耳其嘢食，類似pizza咁，大概$30港紙



食飽之後搭返地鐵返屋企今晚再出去食嘢

今晚同土耳其人一家人一齊出去食飯 我第一次自己搭飛機去探朋友，去到當地有人咁熱情招待，比地方我住、又煮嘢食俾我、帶我出去玩，所以我點都要請佢地食返餐飯佢哋一開始都好客氣咁話唔使啦，但終於比我說服到 咁我哋就去咗一間海邊餐廳，夜晚都幾多人，同埋見啲嘢食都好吸引

我哋本身揀咗個室內位坐低，不過等咗陣都未有人理我哋，因為餐廳入面太多顧客，跟住我哋見到有個窗邊位啱啱吉咗，所以土耳其人阿媽就即刻衝咗埋去，咁我哋就轉咗過去坐，但仲係未有侍應理我哋 之後過多一陣有個對正海邊嘅位又吉咗，土耳其阿媽就話：不如我哋又轉過去？諗返都覺得個畫面好好笑，好鍾意佢哋個vibes




咁之後我就食咗燒雞，燒得好好食 當然唔少得飲返杯茶 跟住因為我哋坐喺室外，日落之後開始有啲風，都有少少凍，跟住侍應就派咗啲毛氈俾我哋




食飽之後，我以為就準備返屋企，但原來佢哋話想食埋甜品先 之後就去咗一間佢哋應該成日幫襯嘅甜品舖，因為一入到去個侍應已經即刻行出嚟同佢哋握手，之後呢個應該係我最鍾意食嘅土耳其甜品 之前講過佢哋啲甜品都太甜，我唔太啱食，雖然呢個睇落都係好甜 但佢入面係有啲芝士餡，所以中和返隻甜味 食落去嘅感覺就係外皮一絲絲，少少脆身，配埋少少糖漿，之後食到去入面就係可以拉絲嘅芝士，成件事個口感好正，呢個組合嘅甜配鹹唔會好奇怪 食完之後超飽，搭車返去就要執行李，聽日會搭內陸機去其他城市玩

1750TL已經算平 佢好似本地人外國人2個價錢

睇klook最新港紙7舊幾
1750tl冇可能

咁貴

本地人伊斯坦堡museum pass 60TL 18以下65以上免費
外國人依家收105歐元 冇再收土幣
我上次去係土耳其pass 2500TL

#102 個甜品好吸引，有冇餐廳名介紹

幾個星期cappadocia連續四日無得坐熱氣球

冇留意餐廳名 我係喺Darica地區食，但應該好多餐廳都有呢款甜品，唔使特登嚟Darica，因為呢度已經離開咗伊斯坦堡範圍

係因為天氣問題定係咩？

唔好意思，因為最近比較忙，所以好耐都冇update呢度 但唔會爛尾的！！之後會返嚟寫埋佢

原來係之前位巴打
去土耳其 參考過你個po

我去個時睇住個pass由2500突然加到3500TL
全國pass又冇得online買要硬食

依家可以online買 真係有買襯早

Ok，等你繼續分享

但你係男？
想唔想同土耳其姐妹扑野？

Lm

Ching 係邊間？

我都係女

冇睇到餐廳名
不過揀啲睇落比較多本地人嘅多數都正

Day 8 今日搭內陸機去zonguldak，由伊斯坦堡機場出發，唔使一個鐘頭就去到



機場好迷你 同埋因為我哋冇寄倉行李，所以落機之後就直接行咗出去，跟住見到四周都非常荒蕪 真係成片草地，一大堆山，人影都冇個，但而家先係朝早九點幾，我哋要等晏晝兩點嘅火車，所以就決定搵咗火車站先，好彩俾我哋見到喺路軌上面有幾個修路工人，之後佢哋就指咗個火車站俾我哋

咁我哋就行去火車站 但我哋啲行李都幾重，所以土耳其人提議不如搭的士，跟住俾我哋截到架的士，落車之後我諗住俾錢，點知個司機話因為佢都係順路嚟呢度，所以唔收我哋錢，超好人

之後我哋就坐咗喺火車站度，但其實有排都未有車，不過見附近冇乜嘢行，所以就坐喺度hea吓，之後有個伯伯行咗埋嚟同我哋傾偈，同埋推介我哋去附近間餐廳食啲嘢 (其實間餐廳應該係佢嘅) 咁反正我哋都肚餓，所以就去餐廳坐吓，今日天氣好好 坐室外位都唔熱，例牌要飲返杯茶 同埋去買麵包食



之後其實都冇乜好做，等到差唔多兩點就準備搭火車 嚟土耳其旅行多數都係搭佢啲巴士，比較少有人推介搭火車，不過都係唔錯嘅體驗 雖然沿途景色唔係話好靚，不過都坐得舒服

落車之後，仲要搭返程的士 不過距離番紅花城越嚟越近啦



終於到我哋第一件事就係想去搵吓有冇地方可以擺低行李，因為見網上話有locker，但我哋搵唔到，之後去咗遊客中心，佢哋話呢度根本冇locker 咁我哋就決定去食嘢先，我食咗呢個薯仔煎餅，超好食 佢薄得嚟入面又夠多餡，而且好脆

食完嘢之後，我哋上網繼續搵吓有冇地方可以擺低行李，因為我哋兩袋嘢都好重，唔想攞住周圍行，跟住諗諗吓，決定問吓老細可唔可以直接擺啲行李喺度，之後夜晚過嚟攞返，跟住佢話可以 咁我哋就擺低咗啲嘢喺餐廳，當然貴重嘢跟身，呢度嘅人都好好 同埋每個人都好好笑容，好鍾意番紅花城 雖然嚟呢度嘅交通轉折咗啲






之後終於可以四圍行吓啦

跟住呢度有啲博物館，都幾多嘢行，行完之後我哋就上山睇吓




望返落嚟好靚




嚟到呢度有好出名嘅藏紅花茶，我哋都決定飲返杯 其實冇乜味，純粹個擺盤幾靚 同埋有貓陪我哋



嚟到夜晚六點仲係好好天 跟住我哋就去食晚餐

晚餐冇乜特別，所以冇影到相，食完之後我哋去攞返啲行李，再次多謝老細俾我哋擺低啲嘢 之後我哋就搭的士去巴士站，因為今晚11:59要搭巴士去卡帕多奇亞

同埋而家都天黑，費事喺出面周圍行，就決定入去巴士站等，個巴士站都幾大，不過入面啲設備好似亂咁擺咁 無啦啦角落頭有張梳化，之後呢頭又有張櫈，個感覺好似細個玩the sims將啲傢俬亂咁擺



之後呢度啲人都幾有趣，巴士站入面有個小食亭，入面有幾個員工喺度吹水，但因為冇乜客人，所以佢哋走咗出嚟睇電視，本身我係睇緊新聞，之後佢哋轉咗去睇YouTube，但突然間有客人，所以佢哋又要行返去做生意，咁啱YouTube播緊廣告，個廣告有成30分鐘 我好想幫佢skip廣告 但費事無啦啦掂人哋個remote 跟住有另一條友睇唔過眼過咗嚟，諗住skip廣告，點知個remote壞埋，最後熄咗部電視，咩都冇得睇