［回帶］當地人帶路 土耳其遊記

會係下次旅行既心水之一
如果去7/8日左右 你覺得齋土耳其夠唔夠？定加多個國家？ 假期唔多

諗起當年喺土耳其旅行時識嘅土耳其朋友，唔知而家點，斷哂聯絡

咁短時間仲想搭其他國家

樓主點識土耳其朋友? 玩左幾多日?

7-8日仲未必玩得晒土耳其添 我仲有好多地方冇去到，其實伊斯坦堡唔使安排咁多日，可以去埋棉花堡、安塔利亞(我呢兩個都冇去到)，不過如果想輕鬆啲嘅話，就唔使去到安塔利亞咁遠，但卡帕多奇亞睇熱氣球真係極度推介 之後會介紹

好難keep

玩咗14日
喺一個叫slowly嘅app識 類似以前搵筆友咁，可以寫信比世界各地嘅人

好 期待 熱氣球都想睇呀
我既概念得伊斯坦堡周熱氣球

Antalya勁chill
唔似Istanbul人多車多趕頭趕命

Day 6 周未早餐更加豐富 本身裝麵包個盒就嚟清空，今日係星期日，所以我哋出咗去附近買新鮮嘅麵包 而家又裝返滿了 開始食早餐，大家都可以食到唔同種類嘅包，食完想添都可以自己嚟 仲有炒蛋 話說星期日大家都唔使返工返學，所以今日早餐6個人一齊食，好熱鬧




今日係亞洲岸一日遊 又係藍天白雲首先去咗少女塔，本身要入去都幾貴，而咁啱而家有得免費入，所以我哋第一站就嚟咗呢度



但免費嘢大家都唔會錯過，所以條隊係長到見唔到盡頭 我哋今日又有其他地方要去，所以就放棄去少女塔，向下一站出發

下次要去安塔利亞 望個海都可以望成日

不過去搭車前，又見到postcard 款式唔同之前見嗰啲，又要瘋狂買啦



之後去搭巴士






嚟咗kuzguncuk 同尋日見到嘅彩色屋仔唔同，但都好靚 呢度又係唔算多人，冇歐洲岸咁人頭湧湧 喺度行都好chill，好多餐廳同cafe，坐返一個晏晝都幾正 雖然睇相見到有好多斜路，但其實唔使行到好高，周圍都已經係彩色屋仔

成條街都係餐廳 不過我哋想晏啲先食嘢，所以冇喺度食





繼續周圍行吓 啲屋真係好靚 行到有個位仲見到好多狗仔喺度瞓晏覺



有狗仔又點可以冇貓 直頭有貓嘅牌



之後我好鍾意呢張相 黑貓牌下面真係有隻黑貓

有冇同土耳其人做愛？

直頭book左間bnb
有露台睇日落

我都睇過啲bnb好靚 對住個咁靚嘅海景真係唔想離開酒店

兜多個圈就去下一個地方啦




又見到貓




之後仲見到三隻貓bb 好得意

總括嚟講，嚟亞洲岸嘅話都幾推介呢個地方 可以靜靜地chill下，飲返杯嘢 想影相又可以去搵彩色屋仔

雖然頭先話想影屋仔嘅話，係唔使行上斜路，不過因為我哋而家想搭車去第二度，所以都係行咗上嚟斜路 要行上山頂都幾多樓梯，但望返落去個景原來好靚 可以一眼望晒樓下啲屋仔



話說伊斯坦堡有呢款紅色電車，我上次喺歐洲岸冇搭到，所以我哋決定搭呢架電車去下一個目的地



喺路邊等咗陣就有車，點知架車係綠色嘅，土耳其人話佢都係第一次見

話咁快就到咗kadikoy，人流明顯多返，我見網上介紹亞洲岸景點嘅話，多數都係介紹呢個區，佢又係有好多Cafe，但我覺得頭先kuzguncuk 靚啲，仲行得舒服啲



行咗咁耐我哋都肚餓，所以而家搵嘢食 其實我哋本身嚟呢個區係因為見到有香港餐廳，土耳其人好耐之前send過俾我睇，打算等我嚟嗰陣一齊去食，點知去到間嘢冇開 所以我哋就去第二間食 呢度成條街都係嘢食，唔知揀邊間好 之後見到有間甜品舖睇落好吸引，個櫥窗擺滿唔同種類嘅冬甩 我哋就share四隻嚟食，藍色白色嗰隻睇落好似牙膏味 但其實幾好食

之後係shopping時間 有間舖頭叫做gratis，有大量分店，沐浴露、化妝品，呢啲個人用品都可以喺入面搵到 而且成日做優惠，所以每次經過我都入去睇吓 我最鍾意佢啲沐浴露 有好多隻香味，我買咗隻黃色糖味嘅，超香



又買咗好多嘢 拎住一袋二袋準備搭地鐵返屋企

返到去冇食晚餐，因為食完啲冬甩好飽 所以我去沖個涼之後就返房hea吓，去到差唔多10:30就去指定活動，飲茶今次仲有好多零食 我拎埋喺香港買嘅龍鬚糖出嚟一齊食 話說土耳其嘅合桃好好食，佢哋有好多合桃喺屋企，仲話平時喺屋企嘅其中一個娛樂就係開合桃 我之後去超市都買咗唔少合桃 其實本身想買埋無花果乾，都係土耳其好出名嘅，不過原來五月係唔當造，所以冇得賣

Day 7 今日係自己去shopping嘅日子 朝早6:00就出咗門口，咁早係因為我要跟車出去地鐵站



今日要去行ikea 冇行過香港以外嘅ikea，今日又冇乜特別嘢做，所以就決定去參觀吓 咁啱呢度仲有間大商場，又有超市可以行，不過其實呢度係朝早10點先開門，我嚟到嗰陣只不過係8點，所以決定周圍行吓先



除咗返工嘅人群同埋繁忙嘅馬路之外，我發現係未有任何商場同超市開門，不過原來有人同我一樣都喺度等緊間商場開門，商場門口有幾張長凳，都坐滿晒人 但我又唔想坐喺度等，所以就繼續上Google Map睇吓有啲咩可以做，之後見到行半個鐘就有間即將開門嘅超市，見冇乜嘢做，咁就決定行過去



朝早嘅超市都冇乜人，可能因為啱啱開門，我都係買咗啲零食，同埋呢隻魚仔餅

之後就沿路行返翻去ikea




返到去商場都差唔多10點，不過ikea未開，但我又好肚餓 所以決定去麵包舖買件果撻食下



食完之後行上去，就啱啱好開門啦 入面一個人都冇 連職員都唔見有 明明朝早有好多人喺商場門口等開門，我以為佢哋都係嚟行ikea，點知上到嚟啲人唔見晒

真係完全冇人 你想點行都得



一路行都仲係未見到有人




咁我就去食啲嘢先 土耳其嘅ikea menu



我就嗌咗炒蛋，同埋一件朱古力蛋糕，不過兩樣都嘛嘛哋好食 炒蛋好乾，朱古力蛋糕就太甜

食完嘢之後再行吓，頭先餐廳都叫做有1-2個人，行返出嚟之後又變返完全冇人 同埋呢度真係好大，行到有個位好驚險，我跟住啲指示搭電梯落去下層，點知原來係貨倉嚟，燈又冇幾盞，我即刻搵路上返去，點知呢度所有電梯都係向下，即係冇得上返去，心諗今次仆街 因為又冇職員又冇顧客，完全冇得問人，咁我唯有周圍搵吓有冇辦法可以上返去，好彩之後喺轉角位見到有得搭𨋢上去，嚇得我




之後見到又有嘢食，不過我唔肚餓，所以就冇買到



between 唔記得po頭先食早餐嗰張單