［回帶］當地人帶路 土耳其遊記

我都撞唔到

有貓真好

撞到
匿左係歐洲新區 有條小路一路上加德拉塔既 係我後面跌野 一望佢拎住咩就知咩事 頭也不回就衝左上去

嚟緊會有更多貓，請期待

唔知而家仲有冇人會幫佢執起個刷

今日買嘅Postcard 喺伊斯坦堡周圍都可以見到Postcard，啲款式仲要好多好靚



因為食完件朱古力蛋糕好滯，所以冇食到晚餐，留咗喺房hea，之後土耳其人就叫我一齊出嚟整甜品，佢話聽日晏晝約咗班同學一齊食飯，之後每人會預備一樣嘢食，佢就負責整甜品(好有feel我喺香港冇試過搞呢啲類似大食會嘅嘢) 佢呢個甜品係外層朱古力，入面係椰絲，三個字形容就係超級甜 可能我哋手腳太慢，佢阿媽睇唔過眼，過咗嚟幫手 所以我哋好快就整完之後就放落焗爐

跟住佢又去咗沖茶，重申佢哋真係好鍾意飲茶 我哋一人一杯，出咗去露台飲茶傾偈，佢阿媽雖然唔係好識英文，不過有土耳其人喺度做翻譯 佢都好好奇香港嘅嘢，我哋就互相教大家講廣東話同土耳其語，一路有啲風吹過，廚房又有啲香味傳出嚟

Day 3 今日自己一個出去玩，仲係好早起咗身，睇嚟jet lag未搞掂



今日早餐食喺超市買嘅嘢





朝早嘅行程係去餵貓買完貓糧之後就見返尋日嗰隻貓bb原來佢哋係一家人，勁得意 咁我就踎低餵貓，之後有啲當地人經過同我講嘢，但因為我唔識土耳其語，所以我淨係用英文同佢哋講sorry我聽唔明 不過佢哋仲係好nice咁笑住，仲指住我包貓糧，比個我

餵咗陣之後諗住返屋企擺低啲嘢，因為自己喺超市都買咗好多嘢食 上到去見到佢哋喺度食緊早餐，就叫埋我一齊食 當然一定有茶 同埋新鮮嘅麵包今日仲切咗好多生果，佢哋嘅早餐真係好豐富




食完嘢之後我就繼續餵貓之旅 呢度附近有好多超市同便利店，我幾乎全部去晒



買咗新貓糧之後即刻見到第一隻貓



見到貓糧之後即刻搵路出嚟



搵到路出嚟啦

之後晏晝就去搭地鐵



會去呢個地方行吓 之前plan行程嗰陣喺Google Map見到附近有間幾靚嘅商場，又近海邊

同埋因為亞洲岸呢邊本身唔太多遊客，而且tuzla呢個地方距離市中心都遠，所以去呢個地方嘅人多數都係當地人，土耳其人都話佢平時星期六日會嚟呢度shopping，如果想買嘢又唔想太多人嘅話都幾推介呢度

呢度除咗可以shopping同埋食嘢之外，仲有得玩摩天輪 隔籬仲有水族館同動物園，見好多一家大細都過嚟玩，而首先我要去食嘢先

去咗食M記 去旅行好鍾意試吓當地嘅M記，明明隻味係冇分別 嗌咗個脆辣雞腿包 薯條佢哋係配一包茄汁同埋蛋黃醬

食完之後就去行街 呢度地方夠大，又唔係太多人，所以行得好舒服



行入賣衫嘅舖頭都可以見到貓





重點係呢度有間大超市 呢度有好多唔同種類嘅nuts，我媽係勁鍾意食nuts，所以我影晒俾佢慢慢揀 之後亦都有大量零食，價錢亦都好平，喺度買咗一袋二袋

之後開始有啲陽光，不過超大風 直頭似冬天嘅風，吹落塊面係痛 打算五月去伊斯坦堡嘅話，最好都係帶定件褸



所以決定唔再喺室外行，要坐低食啲嘢先，求其入咗間Cafe，嗌咗杯熱朱古力同埋麵包 成個人即刻暖晒，見呢幾日伊斯坦堡都幾大風，又少少凍，我返屋企之後，有問過土耳其人其實伊斯坦堡五月嘅天氣係咪都係咁，跟住佢話唔係，喺我嚟之前仲好好陽光，甚至有啲熱 唔知我幾時可以等到晴天下嘅伊斯坦堡呢

食完啲嘢就搭返地鐵返屋企，沿途真係好大風，吹到個頭就嚟甩 之後又同土耳其人餵貓佢哋大廈嘅保安平時都有餵開貓，所以俾咗兩個兜我哋，咁就可以放喺地下俾啲貓慢慢食



貓食完嘢就到我食嘢 今晚又有甜品食 同埋每人一杯茶(任添) 今晚土耳其人阿爸阿媽出咗去參加人哋婚禮，話會玩到聽朝先返，所以我哋今晚諗住去廳搞movie night

本身諗住睇恐怖片，但驚今晚瞓唔着 所以我哋決定睇卡通片 不過唔知點解部電視開唔到嚟睇，叫咗土耳其人細佬嚟幫手，但都搞唔掂



所以決定去整爆谷先 睇戲點可以冇爆谷 聽住啲爆谷逐粒逐粒爆出嚟嘅聲好治癒



整完爆谷就攞返去廳食



之後又用咗另一款杯裝茶，佢哋屋企啲碗碟真係勁靚，款式又多，諗起平時我喺屋企食嘢嘅話，用嚟用去都係嗰個碗 呢度令我返香港之後想買一堆碗碗碟碟，咁嘅話喺屋企食嘢都好似食得特別有氣氛



開始睇戲啦 熄晒燈之後影出嚟好似有啲詭異，明明我哋唔係睇緊恐怖片

我都會咁做,買野喂

是每日買唔同味

多謝支持
天氣好好影得好靚

有冇食kebab

有 遲啲會介紹！
喺土耳其食kebab真係好抵 又好食

Day 4 早餐繼續有麵包 起身一齊幫手剪麵包落個兜度





今日跟土耳其人去多次歐洲岸





第一站去睇教堂

轉角有個位有大量餐廳，不過我哋未肚餓，所以淨係入去睇吓



呢度嘅書店好靚雖然睇唔明啲書，不過可以入去買Postcard

一直行見到唔同嘅彩色屋仔 但我哋之後會去有更多彩色屋仔嘅地方



其實我哋嘅目的地係呢間麵包舖 出發之前喺YouTube睇過一段片，係講伊斯坦堡呢間麵包舖，嗰陣淨係睇畫面都覺得好吸引，所以決定特登嚟試吓





入到去比YouTube上面個畫面更加正 咁啱見到新鮮出爐嘅麵包，成間舖頭充斥住麵包香 款式多到不得了，完全唔知揀邊隻好，每隻都想試吓，推介鍾意食麵包嘅人可以嚟呢度 佢出面仲有幾個位可以俾你坐低食，幾有feel

行咁耐終於都肚餓，晏晝我哋決定去食kebab 其實呢度周街都有賣kebab嘅餐廳，但好多都做遊客生意，所以土耳其人話帶我去一間本地少少嘅餐廳食 入到去又係可以自己揀餸，不過我哋兩個都食kebab




買完之後就可以攞上2樓食 土耳其人揀咗牛肉，我揀咗雞肉 入面仲有薯條，夾埋一齊勁好食，係有啲我唔鍾意嘅酸青瓜 不過撇除酸青瓜嚟講，整體係好好食



之後頭先喺麵包舖仲買咗呢個甜品，勁甜 食完之後打後幾個鐘隻甜味都仲未消失