【最後大直路】阿仙奴23-24球迷討論區MMMLXXXI

Liverpool downfall.

佢專撚白哥

利啲Po頭好挑逗我地喎

易食指數:*****

蛋治踢緊波都記到晒咁多下


Manuel Akanji on if he thought Arsenal did tactical fouling: “Definitely. When we got through sometimes they stopped us with the fouls. If there’s no action to it [from the referee], it’s hard.”

“I don’t understand. One in the first-half [from Havertz] was a very late tackle on Stefan [Ortega]. For me it is clearly a yellow card. I don’t want to say just against us. There were also some decisions against them that I didn’t understand why he gave a foul.”

“There are some rules & I think there are clear yellow cards where it should be. I remember with Jorginho when he’d already done a tackle [which was a foul] & did the second one & he didn’t even give a yellow card for one [foul]. I didn’t understand some of the decisions but, in the end, we still should be able to score a goal.”

佢地天王山柒在先都敢抽水
面皮成尺厚

我地就真係屌到走夾唔抖

識入波既耶=世界級

Raya救出十二碼，成為阿仙奴晉級歐聯八強的頭號功臣；但一如Raya以前的訪問所講，佢的足球員生涯並非一帆風順

Raya出生於加泰羅尼亞，雖然地理位置較近巴塞羅那，但Raya小時候的偶像卻係皇家馬德里的卡斯拿斯；佢有一位大佢3歲的哥哥，都會一齊約埋鄰居踢波，特別係小型球，但由於做人細佬，往往都被哥哥迫佢做門將，所以Raya由4-5歲開始踢波就已經係門將，但由於踢小型球關係，通常都係5vs5或7vs7，即使踢門將都好，總有機會要用波，加上輪住踢波，Raya小時候的技術已經有一定程度的基礎，種下日後佢成為一位可以用腳用波的門將的契機

然後Raya進入了UE Cornella，Cornella被稱為加泰羅尼亞地區中第三好的青訓球隊，僅次巴塞羅那及西維爾。Raya憶述當年年紀細，只要有得踢波就好開心，所以好快就適應Cornella的環境，從踢波中可以認識新朋友或隊友，又或者去到一個新地方都令佢好雀躍。

本應Raya與英格蘭大纜都扯唔埋，但因為2010年布力般流浪簽入了一名Cornella的年青球員Hugo Fernandez，令流浪與Cornella有住良好關係，布力般每6個月都會派球探去睇Cornella比賽，亦會引薦球員遠赴流浪試腳；Cornella門將教練Cesar Lopez建議流浪不妨留意一下Raya的能力

結果不足16歲的Raya與其他9名隊友有4日時間，去布力般流浪試腳。Raya回想當時係一個難得的機會，所以佢同爸媽商量後，爸媽亦十分支持佢，因為呢一個係可一不可再的機會，即使失敗，最多都係返屋企而已，但至少自己有嘗試努力過，或者對於布力般嚟講，可能請Raya去英國算係一個更困難的決定添

當Raya抵達布力般後，曾有教練評價佢一定無法成功；不足16歲、又唔太識英文，最重要係生得矮，踢門將係相當勉強，教練更斷言Raya無法高至6呎以上。但Cornella總監Andres Manzano反駁，唔應該用身高去斷定Raya的能力，而應該用Raya雙手去判定。結果第一節試訓開始，Raya用表現立即令評價逆轉，而當時另一位布力般教練Steven Drench更認為佢潛力無限，佢要說服球會立即簽入呢位小將。結果Raya就成為當時十位球員中，唯一一位被睇中而留低的球員，順利加盟布力般流浪U18梯隊

Manzano憶述，小Raya當年已很喜歡足球，常常要求加操，或者要求教練俾佢與較年長的隊友一齊訓練，甚至會在假期時會與門將教練去沙灘訓練

Drench形容16歲的Raya的手的大細足以與18歲的青年相若，而Raya而家用的手套都係門將手套的第二大尺碼，證明Raya雙手十分適合打門將。而且佢又靈活及反應快，唔踢門將實屬可惜。Steven話與Raya獨立訓練會好奇特，佢地會玩“football golf”，佢地會去特別的訓練場，內裡有小山或沙地等障礙物，Steven會擺d人形公仔在附近，要求Raya開波到某個公仔附近作為落點，咁就可以訓練Raya用唔同技巧去傳送，用腳、用手、長傳或短傳。Raya亦視Steven為恩師，令佢作為門將更加全面

不過，一個15,6歲的青年，要響一個文化及環境唔同的地方生活殊不容易，英國多雨的天氣與西班牙較風光明媚亦大有不同。不過Raya話自己英文唔叻都好，除左上堂繼續學英文以外，仲會盡力用英文去與人溝通，為求儘快融入英國的生活。幸好，布力般早一年簽入了一位西班牙年青球員Hugo Fernandez，與Raya年紀差不多，一齊生活及訓練令佢適應得更好。而Raya住在寄養家庭，分別有兩棟大屋，學徒或青訓球員住一邊，寄宿家長住另一邊，而剛好果度有一個來自馬拉加的西班牙人家庭，同聲同氣之餘，亦一直對佢照顧有加，Raya直言佢地就係自己另一個家庭成員，時至今日仍不時問候及探望大家；而自己的爸媽及兄弟都會盡量抽時間、每個月都去英國探望自己。不過周末對Raya會係最難捱，畢竟英人球員比賽完後會選擇返自己屋企，而由於寄宿家庭規定晚上9時前就要返到屋企，佢作為“外流生”通常比賽後就要返宿舍，比賽後的時間難以去其他地方消遣，所以除左訓練及上堂，或偶爾與寄宿家庭出外玩以外，Raya周末大多數都係一個留在房間內，會係自己較苦悶的時候。

不足18歲的Raya第一次嘗試踢職業足球，當時佢被借去地區聯賽的Southport，雖然只係3個月時間，但佢係首次離開布力般的護蔭，真正地靠自己出去創，所有成長都要迫住咁去達成。雖然只係第5級的非聯賽球隊，但畢竟對手都係真正的成人，與青年足球完全唔同。佢首次體會到，隊友為左贏波而賺取人工或獎金去維持生活，令佢了解到社會的殘酷；當然，佢亦從中首次感受職業足球的強度。Raya話佢地在當地大學訓練場練習，訓練完後就帶返球衣到屋企自己洗乾淨、自備毛巾去比賽等等，Raya學到，唔可以當每件事都係理所當然，呢一次外借令佢體會良多。及後的兩至三年間，佢更首次為布力般在英冠上陣，亦曾嘗試過降班，降至英甲後取代離隊的正選門將Steele(現效力白禮頓)，隨即在下一季重新帶領球隊升上英冠。

踢左一季英甲及一季英冠正選後，佢從布力般加盟賓福特，加盟首季就榮獲英冠金手套獎，但佢亦試過失敗，在該季的升班附加賽對富咸犯錯，令球隊輸波而未能升上英超；但在隨後一季再次帶領球隊打入升班附加賽，並擊敗史雲斯取得升班資格。果個英冠球季，Raya完成超過300次傳送，冠絕整個英冠聯賽的門將。

呢種用波型的踢法，其實在Southport時佢已經嶄露頭角。當時排在榜尾的Southport借用左呢位年青門將，剛好領隊都係新上任的Gary Brabin，當時球迷都會抱有質疑，一名咁年輕而且未有經驗的門將可以做到d乜；Brabin姑且一試，但當時的Raya心理上十分成熟而冷靜，雖然球隊只係非聯賽球隊，但Raya作為門將都擁有良好的腳下技術及傳球能力，令球隊都比起一般粗枝大葉的對手球隊用多左傳控踢法，球隊戰績亦有所改善兼慢慢逃離降班區。Barbin認為Raya唔止可以踢走個波，而係可以令球隊開始懂得“組織”

Raya恩師Steven Drench認為現今門將唔單止要撲救及迎高波叻以外，門將亦要識用波；Raya在賓福特就完全大派用場。時間返到2021年，升上英超後對戰利物浦，球隊最終與利物浦打和3比3，高普特別點名Raya，認為佢技術好到足以踢場中的10號球員角色，因為該場比賽Raya不下數次發動精準長傳，令賓福特打出強橫的突擊。

Raya當年認為，當時英超對手未太認識賓福特，門將及中堅並未需要面對高位迫搶，因此佢有足夠時間去用個波，由佢去判斷幾時發動長傳或短傳，由佢去搵出有邊一位球員係有空位接應傳球。每當球賽有停頓位時，Raya就會走到場邊與賓福特教練團商量，尤其與門將教練Manu Sotelo傾談，教練會幫手分析場上對手的打法及漏洞，而Raya往往都被定義為球隊的進攻第一發動點及防守的最終守門者並重；幾時開短? 幾時開長? 如果開長波，應該搵邊位隊友接應? 畢竟門將在最後方，視點冇場邊的教練睇得咁清，呢種停頓時間的商量十分有用；當年基斯旬艾歷臣短暫外借到賓福特，佢係球隊進攻核心，但體力不足以應付全場比賽，假設佢被換走，Raya就要順應情況去調整出球點，但戰況係多變的，Raya要隨機應變，因此對佢的戰術素養要求極高。

但用波型的踢法，可謂“No risk，No return”，Raya當然嘗試過失敗或出醜；當年第一次升班附加賽，面對一次富咸的遠距離的自由球，佢判斷失誤，誤判對手唔會直射而失位，被對手遠距離轟入；升班後有一場面對曼城，球隊堅持從後組織，但被Sterling偷走皮球，雖然佢將功補過救出Sterling射門，但被迪布尼補射成功

Raya當年賽後接受訪問提到，足球世界如同現實世界一樣，即使你做啱100樣事情都好，只要做錯一件事情就會被懲罰；佢有犯過錯，但人人都會犯錯，但總唔能夠為左唔犯錯，而唔去堅持或嘗試適合球隊發展的踢法；每次失球或傳失，佢都會認為可以再檢討的地方。

Raya響另一個訪問都被問到呢種踢法有咩問題；佢認為判定門將的表現，唔應該單睇“撲救”咁狹窄，佢認為觀眾睇唔到撲救以外，門將其實可以做到其他事，門將其實有時花左功夫落去點樣令球隊失少d高空球，或者出迎時避免球隊被打反擊等等；佢認同佢以前撲救及迎高空波唔算穩陣，但隨住時間佢開始進步，更懂得預判皮球去做出相應的撲救或出迎。佢認為門將犯錯係最易被人睇到，但最重要係犯錯後點樣去應對，尤其更需要堅強的意志去克服當刻犯錯的心情。最老土地講句，如果真係犯錯，咁就嘗試唔好再去記住佢，重新專注返響球賽度，與隊友分享。當然，比賽完結後，要搵適當的人去排解心理上面對的困難，所以佢認為足球隊係需要聘請體育心理專家去幫助球員

咁當然，撲救方面，Raya在賓福特時期一點都唔失禮。Steven Drench認為Raya身型唔高，佢一直與坊間對門將的“成見”戰鬥；佢認為Raya用反應、力量及靈活度去彌補身形的缺陷，尤其Raya可以用腳步的靈活去補救失位果一兩下的空間

結果，Raya憑住在賓福特出色的表現，引起時任西班牙國家隊領隊安歷基的注意，並召入佢到國家隊。當時佢在賓福特訓練的中途休息時間，佢收到西班牙足總電話後，佢第一時間反應: “下一節訓練時間就開始，聽完電話後又要繼續練波‘’；但其實內心係充滿激動，兒時一直的夢想及一直以來的堅持終於得到回報及欣賞。當年16歲離開西班牙的Cornella，結果10年後佢以國家隊門將身位重返Cornella的球場，佢首次為國家隊正選上陣友賽對阿爾巴尼亞。

Raya最初加盟阿仙奴時引起唔少爭論，尤其係與Ramsdale共存的問題。當時Raya接受訪問，佢話爭論係無法避免，大眾喜歡爭論就由得佢地，佢認為自己同Ramsdale關係唔錯，大家的目標都係為阿仙奴好、去幫助阿仙奴，由領隊去選擇邊個打正選，佢只要保持自己狀態就足夠。

時至歐聯波圖當日，你就見到Raya及Ramsdale即使係競爭對手都好，仍然會惺惺相識，即使季後二人始終都要解決“共存”的問題，但至少目前，二人的關係唔會影響球隊的運作

今季完結後，買斷Raya係事在必行，亦相信呢個收購所引起的爭議將會越嚟越少。慶幸，Raya的韌性，由佢10年以前，直至現在，仍然經得起考驗，佢的能力，足以成為阿仙奴的首席門神

前鋒最難就係入波

兩個一齊叫

達蛇又biuld the culture

上年我廠連傷Saliba 冨安，加埋真係心理質素唔夠最後四月先出事
利物浦暫時都無呢兩個問題

記得之前有片睇條友心算好勁

識入波鏝就唔賣比我地la

咪上季咁強x我廠

想食飯加隻強

我都唔明點解佢地有部份咁記仇
咁快就唔記得呢樣野玩利鏝友好

硬係覺得佢哋會係輸一場

坦克大哥打咗電話話佢會盡力做。

完全唔想要Onana技術粗糙又樣衰

有冇記埋鏝城果邊

上年都係咁講
補左傻木飯同個龍 前中後都加強左 點知又傷鳩返啲主力