女朋友有抑鬱症 你問我答

佢同我講無第三者,佢話唔再拍拖住,想自己一個

我當時chok佢講 佢話自己同人傾緊計

之後你地點樣好返繼續做男女朋友

我當時打左好多段嘢 佢最後同果個人斷左 可能因為佢第一次拍拖掛

你打既野關於咩架,我想參考下,

其實我而家已經無身份架啦,仲搵唔搵佢好

Hi 各位,

最近我都有呢個煩惱，女朋友有抑鬱&焦慮。少少background，我同女朋友拍拖唔算耐，半年貨仔。我返緊工，佢仲讀緊Year 3。佢係學校無朋友，讀書唔係勁，所以壓力好大。我讀工程，佢讀Chem，讀書上真係幫唔到佢。

情緒起伏唔算係大(表面)，不過一變起上黎真係好恐怖，一下子可以好冷淡，講野好mean。佢成日收收埋埋D心事，唔細心留意，真係唔會發覺。

早兩日我生日，好開心咁過左，第二日就冷淡到唔彩你咁濟。
之後有日放工就去接佢放學，事關佢會係學校溫書，溫到7點幾，我碌到過去都趕到。事前無同佢講，想比個驚喜佢啦

點知去到，佢無開心/驚喜，反而係叫我即刻走，唔好係佢視線出現。其實個下真係好傷，比著我早兩年，應該拍枱扯火走人。不過我知道佢讀書壓力好大，我幫唔到佢手，佢情緒控制唔到，所以我都壓住自己團火，講左聲加油就走左。

不過返屋企個程路上面，心情都好複雜，唔係嬲唔係炆，而係好無奈好無力。我自從知道左佢有情緒病後，比左好多時間陪佢錫佢，就算返緊工，一有時間就同佢傾下電話。就算幫唔到佢，都叫做比佢知有人會陪住佢。

雖然拍得唔算耐，亦都知道分手機會都比一般情侶大，不過我唔想就咁放棄一段感情，遇到小小事就散。

慢慢我開始唔識面對，究竟點處理先好呢。 Tum佢錫佢愛佢花時間陪佢，都無問題。不過有時放工好攰，再食D好mean嘅說話，我驚我遲早都會吃不消。

我嘗試想陪佢睇醫生，不過佢拒絕，仲嬲左我一排。我究竟點樣做先好........我驚會慢慢唔知點同女朋友相處

(sorry for 1999)

好同情樓上，你既遭遇我都試過，甚至更多，我果陣都懷疑前度係有情緒病，最終原來係一早就帽事


樓上女朋友如果係確診有病但唔肯睇醫生既，辛苦既係所有人，你應該搞唔掂佢架喇，會唔會從佢家人著手比較好

如果唔係一路拖只會所有野都一路差，情緒病基本上唔會無啦啦好翻

多謝你睇哂，我同身邊嘅人傾，都無人明白，淨係叫我分手哂，拖住都係哂精哂時間。
帽事就可以肯定唔係，因為大家都好明白咩做得咩唔做得。

而佢屋企都係D破碎家庭，精神健康唔太肯定，不過就係乜都唔理個隻，盡可能我都唔想搞到佢屋企人，始終唔知女朋友會點諗。以為迫佢仲濕濟。時間就一定會比出黎，不過意志好驚磨滅得快，同埋唔識咩方法咩方向先係正確，所以開始困惑。
病解決唔到，但係我想舒緩下，佢控制唔到，一定仲辛苦過我食佢幾句。

我上網有search過下D blog，睇過下人地嘅經歷。有無書推薦睇睇，感謝。

其實我最擔心係你都有情緒病

如果冇咩方法可行，咁不如你唔好太進取先，可能都係一個好方法，對佢黎講可能唔需要驚喜，反而係需要你果陣起碼搵到你，如果你太亦步亦趨可能大家都會辛苦

我應該都還好嘅 ，社交正常，情緒壓力都控制到，keep住有做運動減壓調劑。我都唔想同女朋友一齊灰機放負。

我份工長期都幾大壓力，所以都習慣受壓，唔會比自己都出埋事。不過終始人人處理壓力手法都唔同，我處理到，但係身邊人未必得。 所以個種得個望同陪嘅無力感好大。

我都學緊唔好睇得佢太緊，放開少少，比d空間佢，唔好搵得佢咁密。佢有需要就出現，希望佢唔會覺得距離感大左，會唔慣/亂諗野。

Ex 屋企人有抑鬱同妄想，佢自己都有童年陰影
佢對我超好我好感動
但成日都會唔開心同ff 我追緊第條女

因為我份工長期受壓，我份人又經常情緒低落
如果佢有咩事我好擔心我都照顧唔到攬住一鑊熟

最後我想開心見誠溝通同佢傾，想佢睇開啲
但先迫到佢講原來佢有偷偷睇我電話msg 見到有其他女人（真係完全無野普通勁疏既朋友）
我先發覺好心寒原來佢外表睇落無野但一直都咁多心事


最後忍唔住講左分手，無信心carry到佢，唔想害左佢
但心知道唔會再搵到人咁愛自己
忍住無搵佢，好失落

加油呀巴打，可以上黎傾下計呀

愛到累了

一定

有一排我俾女朋友好多空間，佢去台台灣旅行都好地地，點知返黎三日就突然話分手，一個月後有新仔，我好驚佢俾人呃蝦條，佢而家有keep住食藥同睇醫生既，巴打有無咩意見

樓主係到？ 我都有個抑鬱女友。
我想問下你女友壓力大果陣 (e.g. 考final exam) 會唔會成日唔覆你wts？佢成日好想抖 好大壓力 好唔開心咁 問佢做咩事 佢會屌番我轉頭

我要點樣做？我已經比佢靜左2日 岩岩搵佢 佢都係冇理到我

其實如果咁樣分手 條女個病會唔會仲更加嚴重？

無辦法架 我之前都好似你咁 一到考試就唔覆
佢考試嘅時候壓力一定會好大 係呢個時候 你照舊wts 叫佢加油啊 話等過埋考試就陪佢出去散下心
唔好係咁搵佢 但係又一定要搵佢咁樣 千奇唔好搵佢閒傾無謂野 如果唔係實搏屌

佢gpa好低 佢考試好大壓力 係咁話我啲聰明既唔會明 佢成個世界都係灰色 有時見連登啲自殺post又會po ig story
唉 我有時真係反問自己點解要留低

我果陣仲on9到係到懷疑係帽事 佢話對我好失望咁諗佢 唉 小弟都係第1次遇到

某程度上會 更加覺得佢愛嘅每一個人都離開佢

咁其實你自己想唔想同佢一齊先

有諗過放棄 覺得將來冇可能繼續咁樣

想問下師兄 如果而家佢開聲話同我分手 其實對我都算係解脫? 佢又唔會因為分手而唔開心 始終係佢決定 好似係完美結局
我係唔捨得 但係如果第時會好辛苦 不如而家長痛不如短痛

其實長痛不如短痛係無錯架 如果你覺得自己真係唔得的話一早走反而對你同佢都係好事 我唔係鼓勵你分手 只係想你自己要諗清楚自己係咪願意繼續行落去 因為呢樣野無話啱定錯