失眠、長期疲倦,係我開始認識自己adhd之後先發現
原來我一直都係,但係我自己唔覺,因為我自己嘅生活模式都adapt咗
我嘅工作好忙,就算做完嘢我都會自己繼續學,不停睇YouTube之類,唔太放假
表面上好似好勤力咁,但係而家睇返轉頭,係我個腦停唔到,我會每一日都做到好夜令到自己真係1秒瞓着咁攰嘅時候我先會去瞓覺
我自己用咗我嘅工作同埋學習去justify 自己嘅攰係合理嘅
結果就真係越嚟越攰
到我做咗嘢10年之後,壓力爆煲burnout,被迫停工先發現我係唔可以正常作息
之後就去咗睇醫生,因為都懷疑咗自己係ADHD好耐,想試吓食藥會唔會真係有幫助
我第一次食ritalin之後係放鬆
低濟量,10mg口咁,人哋話係stim但我人生第一次覺得我自己可以咁放鬆,然後瞓覺
我轉左醫生之後,就係一齊同我試藥嘅醫生,劑量一路調整加上去,搵到我可以開始專心嘅dosage,就無再一食完就鬆哂
聽過好多人都話會瞓唔到覺,因為佢的確係stimulant
我自己就唔算太大問題,我覺得似自己係因為藥力退咗之後,又去返所有嘢都拖延嘅狀態,包括就算自己攰都唔會即刻瞓覺,硬係會搞下其他嘢咁
因為我覺得食咗啱嘅劑量eg而家食緊60mg,呢個專注力唔係無中生有,感覺係似將自己本身比人哋唔夠嘅專注力compress喺8-9個鐘入面,我又真係喺呢段時間做咗好多嘢可以好高效率。加上食完藥係幫助到自己感受自己嘅身體,情緒又穩定咗,完藥效=做完好多嘢都真係會正常地攰
只要我aware 自己要按時休息,唔好㩒太多電話有少少時間俾自己wind down , 唔駛食助眠藥都可以正常瞓覺嘅。未做到日日,但一星期有幾日都好,唔會好似以前咁日日都夜訓
again都係嗰句,食咗藥之後就會貼近返啲正常人,正常人都會有瞓唔着嘅時候。可以聽從啲助眠建議,例如朝頭早起身盡量快啲俾自己曬到太陽,喺窗邊望吓街外面嘅陽光都好,會幫助到自己調整生理時鐘。
如果係以前未食藥,呢啲方法對自己冇乜效。食咗藥之後就好啲咁
好多人成日都話ADHD嘅人好跳脫,唔會有正常生理時鐘,甚至會話我哋唔需要。
但係其實我哋更加需要有規律嘅作息,先會幫到我哋成個症狀可以減輕一啲
難得有post討論下就打左千字文sor