又睇多次笑傲江湖 發覺岳不群都幾慘

根本係福威鏢局個始創太監害佢地，收養個仔之後，等佢生夠啲男孫後，咪閹L左佢傳授辟邪劍法，然後一代傳一代，每代總之生夠男孫就要閹，咁咪唔會有林平之呢個下場

同埋佢咁憎令狐沖可能因為知道佢鍾意自己條女

其實有個位講佢同岳家反曬面但仲會叫寧中則做師娘呢幕幾touching
等佢仲有返幾分人性

但佢得罪左金庸俾佢寫到勁慘

衰on9拜左岳不群 如果係拜左冷禪拜日月神教 神早報左仇

我明呀，岳不群本身都係好睇好令狐沖嘅武學天份，加上佢大師兄身分一直都當佢係自己繼承人咁去培養，只可惜令狐沖一直都係因為個性問題而唔適合佢氣宗武功同做門派繼承人，所以先令岳不群越嚟越恨鐵不成鋼，對佢印象越嚟越差

如果令狐沖武功係因為佢教嘅關係而有進步，岳不群應該都會先唔理佢嘅性格，繼續對佢寄予厚望同佢一齊諗計保護好華山派去應對嵩山派威脅，但可惜因為門派路線之爭原因而令令狐沖冇辦法同岳不群坦白，唔係嘅話都唔會有之後岳不群懷疑佢偷辟邪劍譜同一連串嘅事發生

換個角度睇係幾有趣既
但歪曲埋事實就唔係咁好囉

唯一有形容過出黎既好處應該係keep到個樣好後生

係，郭靖係有奇遇先邊絕頂高手，但前題都要教嗰個有冇心教。 令狐沖咁聽佢話，有心教一早教咗，仲有小師妹呢？ 話佢咩唔定性只係君子劍嘅藉口

仲有就係，佢本人最清楚紫霞要學幾十年先有所乘，唔由細教佢點幫華山培養到戰力。令狐沖小師妹由細養大，細路會唔定性有幾奇，根本多鳩餘。信佢都傻啦。

下下依個又話唔定性唔教，嗰個又話驚係25唔教，自己老婆生唔到仔又唔教...司馬昭之心路人皆見。

全個華山除咗佢，個個人一頁紫霞都冇學過，氣條毛咩。小器個器就有佢份

以佢一直儲心積累謀林家劍譜（由故事開頭派岳靈珊刺探），就反映佢係一個深謀遠慮嘅人，佢唔肯教絕對唔會係咩唔定性呢啲鎖碎原因。難度成個華山個個都唔定性？咁你點樣收徒同教徒弟？教出嚟個個都唔定性，所以佢都係廢up 搵藉口，將個問題推落人地度，唔係佢錯

有咩咁慘，自己心胸狹窄唔教人都識，重要忌才
令狐沖學左劍宗劍法贏左師母就過去摑佢兩把，又講埋啲咩練多十年氣宗優勢會出嚟，結果十個月都無喺廟差啲滅派
講到紫霞有咩咁勁，運氣斷劍，楊過十六年係練緊點唔斷劍

無法, 當年兩宗之宗, 上層幾乎死絕, 所有高深武學都失傳
劍宗死剩種風清揚, 明明係華山附近歸隱
華山派發生既事, 佢無可能唔知道
但就算係咁, 佢都係睇住華山派死, 咁有乜法
係令狐沖有主角光環, 加上風清揚都果頭近, 所以得傳劍招

林平之顧言係有令人不齒之處, 但係佢個環境, 要報家仇, 華山派根本指望唔上
只有練真●辟邪劍譜先有機會

岳不群就更慘, 佢要保華山派, 外無助力, 內無悍將情況下, 就只有黑化一途

笑傲江湖裡面, 華山派既不幸, 來源於劍宗與氣宗不和, 而風清揚對華山撤手不理
再加上令狐沖行事魯莽, 如果佢只係華山派其中一個弟子都無乜野
但佢身份係大師兄, 係華山派既門面

因為佢係小氣

點會內無桿將，令狐沖劍術高明，教埋佢紫霞內外功一齊練根本無問題
根本一嚟見令孤沖勁左咁多怕佢功高蓋主，二嚟想個女嫁林平之，所以砌令生豬肉趕佢走
滅派都自己一手一腳做成

你所講全部係岳嘅表面解釋，同埋係作者想表達佢有幾扮嘢，幾咁偽君子，乜都想解釋到自己好合理同被動...你唔係信呀？成個華山得佢一個人識紫霞已經唔合理，個個唔教都有原因，咁你收徒把撚呀！

另外唔好忘記，故事開頭佢已經派人留意林家，唔係謀人劍譜，堂堂華山留意間鏢局做乜鳩？

佢係慘嘅，家傳武功咁把炮，點知要自宮
好喇，自宮完以為天下無敵，點知原來仲有獨孤九劍喺佢之上

應該唔好保留個秘笈

點會呀
佢做恒山派掌門頂撚住嵩山同日月神教喎

左冷禪冇咁好人拜佢地林平之兄會做 condom

有推論係令狐沖後來返去華山再立返一個新嘅華山派
所以尊風清揚做祖師爺, 而且啲武功同笑傲華山派唔同咗 (鎮派內功變咗混元功)

切左
寶貝係 大大手

郭靖無奇遇只係江南七怪咋

倚天係元末, 分分鐘華山派都未出現

咁睇返君子劍個名應該由一開始已經係串鳩佢偽君子

滿口仁義道德
實質自撚私心胸狹窄

唔好意思,我補充下
我意思係沖哥做岳不群個位的話,意指佢冇打後D經歷時
佢可能只係想同小師妹結婚就好
被吞都可能想另起個小門派就算之類

當然純粹個人覺得

鮮于通係咩派？

令狐沖係香港
岳不群係強國(偽君子=哄住港人、悶聲發大財)
寧中則係英國
風清揚係Milton Friedman
日月神教係某黨