又睇多次笑傲江湖 發覺岳不群都幾慘

謝遜我反而記得，佢都一樣係可以震斷經脈，但做唔到成棵樹斷
同埋崆峒派啲人都可以震斷經脈，只係佢冇力打斷棵樹又震斷經脈
最重要係，喺封不平嘅認知岳不群實力唔會勁得過佢班前輩，咁佢咪覺得夠打。反正佢最終係同冇乜參考價值嘅主角打，根本判斷唔到佢實力去到邊

咁都要俾你話死撐明明大家討論嘅嘢就唔同，你係都要話我有問題
點話點好

岳不群咪而家啲窮撚藍絲囉！自己冇錢移民，又屌鳩人哋移民，憎人富貴厭人窮，有着數又要攞到盡

咁講起上o黎
美國佬都係一擔擔
對中港實施科技貿易限制
又會唔畀中港留學生進入一o的科技機構/組織
其實"岳不群"全世界都有

事實上佢走出嚟挑，咪就係基於我講嘅嘢
你指出佢認錯，認知上有問題，同我分析佢點解走出嚟挑係兩樣嘢嚟
所以我先話我哋講嘅嘢唔同

咩飛鴿傳書呀？佢咪走咗出嚟話要搶返華山派掌門？係個結果嚟
仲有，乜嘢個因為係錯？你講嘅係你以第三身睇覺得，我講緊嘅係佢主觀睇到嘅嘢，所以得出自己夠打呢個結論，亦係佢點解會歸隱廿幾年後又走返出嚟挑機嘅結果。
所以咪話我哋根本講緊唔到嘅嘢

明明我一直講緊封因為佢係base on自己一貫對華山派氣宗嘅理解先出嚟砌
你可以認為佢估錯，質疑佢嘅估計唔啱，但係我只係講緊佢係基於呢啲嘢嚟做判斷，冇話佢估啱定錯
明明就講緊唔同嘅嘢，都唔知你jer住我咁堅持我錯做乜

我咪講咗喺佢嘅認知範圍入面(同門多年、對氣宗對岳不群嘅認知)，順理成章得出呢啲結論。
至於係咪自大定俾人慫恿呢啲同佢可唔可以用我講嘅推論係冇衝突㗎喎。佢可以基於我講嘅嘢，加上佢自大同俾人慫恿先走出嚟挑機。
都唔知你咁搶口為乜

點會
任我行起碼有大成前嘅郭靖lv

見到令狐沖有左任盈盈仲係掛住小師妹掛到出哂面睇到好嬲

我冇話佢會清楚啲，只係話佢會因為基於同門嘅關係會有上面堆判斷，係一件合理嘅事。
所以我咪一直講我係出於喺佢嘅角度會得出我講嘅嘢，而你講嘅嘢係佢判斷係啱定錯，係你堅持我哋講緊同樣嘅嘢(仲要講到我一定錯)
完啦好嗎？

你講去到邊期先？我自己覺得佢真係去到好後期(小師妹死後)先真係放低

而家睇緊 睇到小平子報完仇自己對眼都盲埋

去到第35回盈盈先講「直到此刻我才相信，在你心中，你終於是念著我多些，念著你小師妹少些」，成本書都差唔多完

唔係想加入你哋討論 純粹講封不平認唔到獨孤九劍
我覺得唔出奇喎
首先獨孤九劍本身無招
好難話一睇就認得
其次獨孤九劍唔係華山派劍法 唔係劍宗武功
就算係劍氣之爭 風清揚都冇傳過俾劍宗嘅人
另外封不平個輩份都未必未必有幾會見到風清揚出手
更加唔好講親眼見過風清揚用獨孤九劍
認唔到獨孤九劍真係未必係封不平問題

大成前嘅郭靖的上下限好大分別 （倚天後期vs 神雕前期）

任我行睇落去內功深厚，但自己強行化解身體D買樣真氣＋1X年監禁，身體一早虧左，打D 3 線人物玩秒殺仲得，但同D勢均力敵的人打持久就唔掂 ； 個底子冇得同郭靖實打實練 九陰真經的人對比

九劍都要有劍 斷左就要用手指 內功勁到草木竹石均可為劍 無招加無劍就真係不敗

小說咪交代咗佢由最初收林平之都係覷覦辟邪劍譜，諗住嫁個女畀佢。加上佢成日偷睇人練武，點推得出佢為勢所迫
退一萬步，唔理佢野心係一開始就咁大，定後尾先變大；為自己門派定個人私利，搶埋別家武術黎用都好，幾陰險都好，其實本身都冇乜所謂，武林正常爭鬥啫
最主要係諷刺佢道貌岸然又享受住「君子劍」嘅美譽同人地嘅尊敬，而又同時老謀深算做緊最陰險嘅嘢