又睇多次笑傲江湖 發覺岳不群都幾慘

一開始的確華山派起手未必夠嵩山派好
但以偽君子性格亦唔會坐以待斃
所以佢一開始就為之後有能力可以反抗做定準備
咪去偷辟邪劍譜
佢亦一早知勞德諾係嵩山派奸細
都唔趕佢出門, 就係為將計就計, 想利用佢去誘騙左冷禪

群豪紛紛議論聲中，一個洪亮的聲音說道：「華山派，在岳先生精心鑽研之下，連泰山、衡山、恆山諸派劍法也都通曉，不但通曉，而且精絕，實令人讚嘆不已。這五嶽派掌門一席，若不是岳先生來擔任，普天下更選不出第二位了。」說話之人衣衫襤褸，正是丐幫解幫主。他與方證、沖虛兩人心意相同，也早料到左冷禪將五嶽劍派並而為一，勢必不利於武林同道，遲早會惹到丐幫頭上，以彬彬君子的岳不群出任五嶽派掌門，遠勝於野心勃勃的左冷禪。丐幫自來在江湖中立潛力極強，丐幫幫主如此說，等閑之人便不敢貿然而持異議

同埋故事一開始個陣,其他門派, 包括少林武當本身係想用岳不羣去制衡左冷禪, 所以就算偽君子如意算盤打唔響, 偷辟邪劍譜失敗或者偷完返黎發現辟邪劍譜真係垃圾, 佢都有其他方法可以制衡到左冷禪, 如利用其他武林同道反對合併, 其實偽君子一開始係反對合併既阻力, 所以左冷禪先想搵劍宗去取代偽君子執掌華山

只不過佢發現辟邪劍譜係堅料黎, 佢練完可以勁過左冷禪, 先會放任左冷禪繼續吞併, 等佢為自己作嫁衣

莫大？不佢好似不問世事

等陣先，我從來只係分析點解封不平點解會覺得自己夠打，冇話過佢真係夠打
而我上面講嘅就係點解以封不平所知佢會覺得自己夠打
至於點解會咁覺得，都係嗰句，成套書冇人覺得岳不群勁，咁自然地覺得佢上限最多同前人一樣有咩問題
然後你引嗰段亦都唔一定可以類比，任我行同方證嘅武功複雜程度同華山老一輩嘅武功唔同，何況令狐冲雖然識破招，但未必知嗰套武功嘅變化(正如佢識破太極劍但佢唔知太極劍劍理)，而封不平同樣都係華山派，對岳不群嘅認知更多有咩出奇？

比左生威脅退出左

應該知佢唔夠打

但係佢一殺完東方不敗即刻走去檢查佢閹咗未

因為殺左之後睇左

任我行伸手到東方不敗衣衫袋中，摸出一本薄薄的舊冊頁，隨手一翻，其中密密麻麻的寫滿了字。他握在手中揚了揚，說道：「這本冊子，便是『葵花寶典』了，上面註明，『欲練神功，引刀自宮』，老夫可不會沒了腦子，去幹這等傻事，哈哈，哈哈……」隨即沉吟道：「可是寶典上所載的武功實在厲害，任何學武之人，一見之後決不能不動心。那時候幸好我已學得『吸星大法』，否則跟著去練這寶典上的害人功夫，卻也難說。」他在東方不敗屍身上又踢了一腳，笑道：「饒你奸詐似鬼，也猜不透老夫傳你『葵花寶典』的用意。你野心勃勃，意存跋扈，難道老夫瞧不出來嗎？哈哈，哈哈！

我都唔記得了

近排重睇呂頌賢笑傲，睇到殺死東方不敗呢part, 竟然同原著咁還原

近排翻睇所以先記得

冇記錯嘅大小武係郭靖教，佢哋冇深研過玉簫劍法(我唔肯定)。當然郭芙係識嘅，但親生女教埋唔出奇(題外話唔深究)
然後左冷禪唔覺得勁，都要搵人試探吓㗎。佢而家要食晒五派，求個安心有咩出奇？而封不平熟過左冷禪都好正常啫，都係嗰句同門咁多年，對岳不群武功嘅了解多啲好合理，自信自己贏到岳不群有咩出奇？

其實未必有

純實力睇，只有東方不敗 同方證有資格同 射雕五絕，楊過郭靖/倚天無忌比，任我行有資格同東方不敗/方證 過幾招，一定唔夠打

任我行的定位似係 次一等的人物，類似射鵬梅超風，神鵬公孫止， 李莫愁 ，全真七子or 倚天楊逍/玄冥 2 老，屌打江湖大部分人物，但唔夠最勁個幾件抽

大佬 你睇下上面幾段quote先啦金庸吹捧到任我行連獨孤求敗返生同佢打都會覺得開心 仲話武功之高超出常人想像 按佢咁寫實力點會係全真七子之流

全真七子 圍打黃藥師（射雕天花板） 對應返 沖哥，任我行 4 條友打東方不敗（笑傲江湖天花板）。所以我先將任我行放係 全真七子之流

D quote 睇哂啦。任我行有才能，呢點我冇否認過，佢的劍法有料我都認同。

但任我行的內力修為/總合實力未至於去到頂點/天花板 ，對上仲有方證＋東方不敗 ，最多過到幾招，連勢均力敵算唔上，所以我先當任我行係次一等的人物。次一等的人物都有勁的招式 （對比返公孫止的陰陽劍亂劍法，黃蓉的打狗棒，楊逍的一堆技能，佢地D招勁，但overall 實力勁佢一段距離有幾個 ）

沖哥實力有限 想象力當然有限，佢見過最勁的人得佢師父，風清揚。沖哥講呢句最多係佢的認知中，純講劍法，沖哥可能覺得風清揚任我行差唔多，當時自己覺得呢2個人都遙不可及。但問題係風清揚，獨孤求敗都冇實戰證明過實力，都係傳說，實力都係吹出來，都係FF 出來，唔可以說明太多野

句野唔係沖哥講架喎係旁白描述任我行實力

此時令狐沖所遇的，乃是當今武林中一位惊天動地的人物，武功之強，已到了常人所不可思議的境界，一經他的激發，“獨孤九劍”中种种奧妙精微之處，這才發揮得淋漓盡致。獨孤求敗如若复生，又或風清揚親臨，能遇到這樣的對手，也當歡喜不盡。


成段野邊有沖哥講野 係單純既描述

金庸好有心比對左唔同類型人才掌權時既分別
五嶽、日月教、少林武當等各個領軍人物做法都唔同，好過癮

本身就係用武俠包裝既政治小說

應該講緊郝大通
郝大通精通老莊易經，擅長卜筮占卦。大定七年丁亥（1167年）秋師從王重陽，皈依全真教，數年後繼承成為該教掌門人。除此，他創全真教華山派，與道教符籙派關係密切。郝大通羽化歸天後，元世祖封為「廣寧通玄太古真人」。

咁係因為張無忌佢內功同崆峒派班人唔同level喎，喺岳不群功力唔會超出前人嘅情況下封不平用以往華山氣宗嘅功力嚟估岳不群嘅實力有咩出奇？
仲有楊過天資好過大小武，扮到嘢有咩出奇。何況大小武嘅見識能力同楊過差咁遠，岳/封二人嘅天賦同實力有冇差咁遠先？
我都係嗰句，同日月神教搏命，對岳不群嘅認知少過一個由細對到大，同門出身嘅有咩咁出奇？你可以話封樂觀/太有自信，但佢有呢個判斷係好合理。而左冷禪為咗了解清楚岳不群確保自己可以穩勝而派臥底亦都好合理

重點，封不平唔係求穩勝，搏得過就會搏，左冷禪係要穩贏