又睇多次笑傲江湖 發覺岳不群都幾慘

本身華山派係五岳裡面實力最勁
但係劍宗氣宗死鬥爛鬥 鬥死曬啲高手
一下子由最top變到五岳最渣
岳不群係呢個時候接任掌門
成個門派先得佢同佢老婆兩個
對外又要頂住嵩山派想并派既野心
又要諗計復興華山派
對內仲要提防二師兄呢個二五仔
仲要冲哥呢條打靶 學到啲高深劍術
最勁個招唔share都唔緊要 連石壁裡面既五岳劍法都收收埋埋
搞到成個門派比桃谷六仙嚇到要避難
去到破廟比人全軍覆沒不得至 老婆女都差啲比人輪埋
基本上前期佢做過既衰野只係想呃個劍譜番黎 仲要未呃到 只係做緊鋪墊
但去到今次終於頂唔順 之後殺徒弟搶劍譜
自宮完之後性情大變但做啲野都係為左華山派

每次重睇個陣都會戴住有色眼鏡睇佢 但最近重睇多次先發現
佢同林平之前期真係唔係咁差 都係為勢所逼先變成咁

性格問題，如果沖哥做岳不群個位可能隨緣就算

唔知點解代入咗華山派=香港
岳不群=超哥

真
冇野心做大佬咪冇事

令弧沖 = 黃C
林平之 = 藍C

為勢所迫之餘都係有啲究由自取。成個華山派除咗令狐沖冇個打得。又話自己係咩氣宗，但啲徒第冇個識紫霞神功。講就講咩氣宗練幾十年後會超越劍宗，但啲徒第十幾廿歲都未開始學...收收埋埋，所以都係抵死，無得怪人。嵩山派想食埋佢都唔係第一日嘅事，佢都唔訓練自己門派弟子

偽君子
無料扮四條

華山係唔係香港就唔知，但超哥一定切咗賓州

明明係氣宗，點解叫君子劍，唔叫君子氣

佢好地地做華山派掌門就係，但係衰眼高手底又想做埋五嶽劍派盟主
不過佢都唔夠風清揚咁衰格，因為面子問題，自己門派被併同被滅都唔理，如果唔係令狐沖，佢真係華山派最大嘅罪人。

金庸越到後期就越識玩明寫一個、暗寫另一個，讀者唔認真睇都睇唔到，要重讀先知

金庸小說係武俠小說，亦係愛情小說，兼有政治隱喻
笑傲江湖係講身份認同問題，香港人唔知自己應該企邊邊
當年嗰個時代香港嘅金庸，創作岳不群角色會唔會係想隱喻邊個

一入去就有得學鎮派心法就仆街啦
左冷蟬派多幾個臥底入黎都玩死你啦

想做盟主個個係左冷禪
如果唔係左冷禪想吞併五派 佢肯定一世做華山派掌門
什至可能呃劍譜呢啲野都唔做

為勢所逼居多、但其實個人心理唔平衡都有

問下大家，如果有個徒弟勁過自己
通常大家會認為好事，長江後浪推前浪
定壞事，徒弟搶咗自己風頭

佢可能驚俾帶藝投師個二五仔學咗
如果佢話教紫霞神功，淨係唔教嗰條友又唔得
又驚教識徒弟冇師父
又得一粒女，嫁咗出去又會益外人
結果佢揀咗拖住先，可能想表達佢疑心重，反而玩死自己

現實中嘅門派，通常會揀一啲人做入室弟子，學啲優質嘅嘢，再分啲聽話嘅弟子，暗中傳啲堅嘢畀佢，再留一手，臨老收山先傳埋畀接班人，噉就又保障到自己，又培養到戰力，又控制到徒弟

令狐沖同小師妹都完全無教

咩都驚固步自封咁無計。 佢都識講要學幾十年啦，無人叫你一入嚟就成本教哂呀嘛...要練幾十年嘅內功，唔由細學應該幾時開始學。而且故事入面有名有性嘅好多都唔係剛剛入門，佢係一啲紫霞神功都冇教，到故事結尾好似都冇一個傳人係識...

個個都唔教所以冇個勁，最後被淘汰係自然嘅事。如果咁易就被人學哂，佢摺埋佢算啦。 老實講睇唔出佢幾慘，只係覺得佢係一個好自私同怕人叻過佢嘅人，典型華人收收埋埋唔教人嘅性格。

你咁唔想教咁開個門派為乜？冇咗又冇乜所謂？所正當時華山派都係得個名，自稱氣宗但全部弟子冇個識

咩鎮派絕學哂鳩氣啦，咁想壯大華山招牌又驚二五仔，又唔教佢老婆紫霞神功

咁驚有25偷學，佢應該轉做祖傳武功算啦，剩係傳俾自己仔女（但冇仔生）。但又唔捨得掌門呢個位。呢啲仆街正正係福利要享盡，但自己職位要做嘅嘢就唔做，搵藉口話驚人偷學，但又要擺師父嘅威風。

你識講佢想光大華山派，dklm 收收埋埋咩都唔教點光大？ 所以岳不群本身都係logic fail 嘅騙子，話佢係偽君子係無錯

又珍

「徒弟搶自己風頭」 本身已經前設咗係負面。點解教到個徒弟有成就，要用搶自己風頭嚟型容？
教一個人嘢本身出發點唔係就係想佢學有所成？要收收埋埋咁一開始為乜要收徒弟？ 以武俠小說世界觀，收徒又要教又要養埋佢俾埋開支。

冇 其實我都好似你咁諗
但我估有啲人又要教又忌才，
不過我認同岳不群嘅情況再複雜啲：佢會覺得令狐沖學咗武功目中無人就無放自己在眼內

好事，最好學晒我啲嘢，乜都勁過我，𨳒返我廢，我再成檔嘢畀埋佢，簡直功德圓滿 反正香港都搵唔到食

去美國國防部

佢最大問題係一啲都冇教先大鑊（或者可以話係故事嘅bug)，完全講唔通佢作為氣宗傳人同掌門，但係幾十年嚟完全無培育過傳人。

故事中佢好似扮哂嘢咁講過，話諗住過多幾年會開始教令狐沖紫霞秘笈。假設當時令狐沖廿歲，學幾十年先有所成都成50歲...。而當當時岳不群40歲，到令狐沖學有所成佢自己都70。當時古人平均壽命好似都係60-70? 咁即係分分鐘佢自己死鳩咗令狐沖都未學哂，咁唔怪得氣宗冇出頭要被嵩山派恰到上面。

成日話驚人偷學當自己有寶...又唔見人地少林武當之類好似佢咁多藉口？ 根本只係暗中反映佢係幾自私同忌才。

另外樓主講到過令狐沖收埋唔講九劍秘密...我記得係岳不群自己本身不屑去問（或者扮嘢啦可能），更加唔俾令狐沖去用，話係咩邪門武功之類。 只能夠講，金庸已經多次擺明同暗中反映岳嘅偽君子性格