又睇多次笑傲江湖 發覺岳不群都幾慘

件事唔係二元對立
佢想要權利地位係固之然
但唔代表佢對弟子係虛情假意（最少係沖學獨孤劍同有意撮合岳林嚟埋條伏線比自己之前）
唔記得小說有冇獨立講 如果有就會係沖上思過崖前果段訓話有講
金庸世界裏面紫霞功呢類武功本身一定要有咁上下基礎 唔係學左有害無益（九陰陽功除外）
所以唔係佢唔肯咁做 本身件事就急唔嚟
如果冇林震南比人滅口呢件事 本身吞五嶽呢個計劃都唔會咁快實行 （小說有講左冷禪為咗吞五嶽籌備/埋伏線有10/20年以上）

再講返岳不群對林平之起殺機/埋伏線滅口係因為佢起左疑心先有後續（小說好似係八師弟死同埋掉劍譜果段？唔太記得清楚）
本身佢嫁女比林平之只係為左唔好令林起疑心

併派還併派
謀人劍譜唔係必要手段
再加上佢想要劍譜，唔係正式問林平之，係趁令狐冲昏迷果陣偷再屈鳩佢
佢揀用啲咁撚狗閪嘅手段仲可以兜？
後面想殺林平之，講到有疑心係人地問題咁，所有野都佢嘅選擇導致嘅
佢自己揀架
根本佢用嘅手段就反映出佢係咩人

莫大先生，恒山師太一樣面對併派威脅又唔見人地好似佢咁

巴打你誤會咗 我由始至終都認同岳不嶽係個徹頭徹尾嘅偽君子
金庸自己有講佢寫人物嘅觀點係寫人嘅變化同立體人格
我只係講返你上面狀大門派唔訓練弟子果段 而其他行為我係認同
佢一早就有吞五派做盟主嘅野心唔止係為左防合派
呢個故事裏面方證都有直接講
劍譜果到係佢有心派人去探但要等到出師有名（殺青城弟子）先去查 後來再係林家被滅口到即興加個救人嘅計劃 所有圖謀都係反面印證佢偽君子嘅性格

至於故事後段-最後六親不認 故事係某程度上將佢最後嘅本心寫走瀨晒落自宮之後性情大變+面具被拆穿+100%既以己度人上面
故事前中期都仲有提到佢少少人性既側寫（1.佢為沖武功走入劍宗嘆息，設定上佢唔識九劍既存在同埋知道劍宗招數 當然都有可能係佢係老婆面前做戲or忌才
2.林有講如果佢唔係以己度人偷劍譜殺八師弟定唔知做左啲咩佢一早將劍譜乖乖獻上，詳情對應返故事後段佢同靈珊坦白嗰段）

郭靖後生時走去救鐵木真一命 幫蒙古軍攻陷花剌子模
成個爛攤子佢搞出來
咁都好意思翻去南宋做民族大英雄
咁又係咪叫偽君子

思過崖之前令狐冲已經有好好根底啦
用過招氣功呃酒飲
但都無傳
話要再勤練先傳都係岳不群自己講啫
你信岳不群呢句係真
但我咁睇返佢嘅所作所為呢句似拖延

就算呢啲武功要根底先練得，由細開始練基本內勁練咗十幾廿年乜都夠啦

之後去到思過崖果段我唔記得咗佢退步咗
但我個睇法就係思過崖之前已經可以傳

冇記錯王重陽係特登唔教咁多武功俾七子，最勁淨係教咗個陣法俾佢地

係 因為獨孤九劍太屈唯有咁先nerf到佢

所以我都話係用岳後尾揭發出嚟嘅所作所為去睇返
係我自己嘅睇法嚟啫

陰險黎講 左冷禪呢啲咪叫成功 岳不群呢d又要扮好人 能力又唔夠 真係抵佢比任我行 風清揚睇唔起

我都係同意你睇法
根本就係唔想其他人勁過佢，講嚟講去都係唔想傳

講緊由細收養形同養子嘅大師兄同親生女都冇份學
仲話點同人鬥

但係佢夠義氣 如果師父傳位比佢個陣叫佢唔好合併+知道左冷蟬既野心一樣會用盡力反佢 差別在於佢無咩魄力

金庸群俠傳Online