話說夜晚我媽唔想煮飯，叫我嗌外賣食pizza..
咁我諗住求其嗌個PHD pizza 3人餐
直接喺官網Order唔益嗰啲外賣平台啦
然後我就Google打PHD三隻字…
得出黎結果.. 頭兩條link都係毒link..
但我嗰陣太撚肚餓睇都冇睇就撳咗第一條毒link..
撳咗入去之後佢係會帶返你去正常PHD網站
咁我嗰陣冇為意，直接order然後信用卡俾錢
然後我就覺得出奇啦，銀行冇send sms俾我確認交易
但係我都覺得可能係delay咗啫…
點知過多陣..仆街send咗個接近3000歐羅嘅交易sms比我…
然後又想碌我張卡去買iPhone..
咁我梗係嚇到瀨屎，知道自己中撚咗伏…
頭先喺假網站落order嗰陣俾人盜用咗信用卡
銀行亦都即刻打電話問我有冇進行交易..
咁我梗係講返晒啲經過即刻cut咗張卡佢啦
而銀行都幫我取消晒所有交易
然後我都諗住算啦，食乜撚嘢pizza
屋企煮個麵食咪算
就喺呢個時候諗住件事告一段落啦…
點知半個鐘之後神奇嘅事就發生….
突然間有人撳門鐘
=外賣員 =我：你好呀，PHD送Pizza 㗎：我想問個Pizza係咪已經俾咗錢？…：當然啦，你網上外賣俾咗錢啦.：哦…. 好…唔該你….我呢個時候都唔明點解我會收到Pizza..
咁我又打返上銀行問有冇俾過Pizza嘅錢？
銀行答我淨係check到有接近$3000嘅歐元交易紀錄
冇所謂嘅Pizza錢喎….
唔通我賺咗一餐Pizza？
咁究竟個Pizza其實係咪個騙徒請我食？
定係佢成功hack咗PHD個網令到個網信我已經俾咗錢
成件事好戲劇性…好峰迴路轉…..
