弁言
前人開落信用卡討論區,但係訂下不得大肆宣傳中資卡的規矩,然而一直有人想搵一個post集中討論中資卡,有見及此,現決定建立此post以集中討論中資卡及支付工具,亦歡迎與其他非中資卡比較。為尊重前人,非中資卡亦可回到原來的信用卡討論區繼續討論。
規則
不可張貼 MGM / referral link
不可張貼 Telegram 等 chat room link
發問前,先爬文及自己睇terms
借定唔借,還得到先好借!
#1 FAQ
#2 #3 集中討論卡種
為免資訊與原信用卡討論區重覆,本post只列出各中資卡,原信用卡討論區大部分FAQ亦適用於此post。
#1 FAQ
Q:中銀積分點兌返現金?
A:可以直接喺網頁兌換,惟必須以$100為兌換單位。如分數不足就只能使用BOC pay以雲閃付付款,付款後抵銷簽賬以$1為單位,因此必需有至少一張銀聯卡。積分/現金兌換比率見#3。
(如持有中銀銀行賬戶者,亦可透過智能賬戶使用BOC Pay而不必持有銀聯卡。)
Q:我得中銀Visa/Mastercard,又無中銀銀行戶口,註冊唔到BOC Pay。
A:無錯,中銀就係咁on9。有中銀信用卡係唔可以以非中銀客戶註冊,但係中銀客戶註冊又只接受銀聯卡/銀行戶口。所以想登記BOC Pay的話,一係開個中銀戶口,一係開多張銀聯卡。
Q:點解中銀加左 apple pay/google pay/samsung pay/huawei pay 之後張卡會用唔到?
A:金管局新要求黎。其他銀行的做法係一係用app加卡,一係直接打電話加卡。但係中銀的做法係照舊收SMS驗證碼加卡,然後會暫時鎖卡,要再回覆返短訊或者打電話確認解鎖。
Q:點解明明張卡已經解左鎖,用apple pay碌銀聯卡都仲係會失敗?
A:可能收銀聽到你畀apple pay就以為你簽Visa/Mastercard撳錯掣。因為唔少收銀機收唔同信用卡係要撳唔同嘅掣,所以你要同收銀講碌銀聯卡,唔好就咁講apple pay,香港以外更可能要講銀聯信用卡無密碼。事實上唔止銀聯,碌Visa/Mastercard/AE你都需要同收銀講明卡種。