去西藏高山症

想問下去過西藏既巴絲，唔多唔少都會有高山反應，你地症狀如何？嚴唔嚴重？出發前駛唔駛食定紅景天？

食定先 , 帶定氧氣

利申：係西藏打過籃球 , 有種斷氣感覺

5年前去咗廿幾日 買咗幾十粒Diamox 都冇食，可能第二次去好啲. 第一次去 都係中咗高反先食 ，捱一日就正常 ，都唔知關唔關啲藥事。 藥房買好似幾蚊粒

食定無壞

七年前去
搭藏青鐵路慢慢咁上
同搭飛機一下子即刻落地都有分別

個時年紀 20頭 算係有跑下步
搭火車上
算係有少少 行1分鐘路都喘晒氣
但行慢d就ok 過多幾日就會適應

朋友有做開gym / 運動
但係佢就搭飛機上去
過第二日就發燒訓左係到
一嚴重起上黎你可以連布達拉宮都去唔到
發埋燒全日訓左係到就會行程亂晒

所以都係睇人
行程預鬆d 會比較好

紅景天個人覺得冇乜用，可能睇人

吸氧最有用，可以帶個血氧計得閒mon下會心安啲

有徵狀就食西藥

Thanks for sharing

好詳盡，謝謝分享

明白

氧氣係西藏既酒店有，但我驚出去個下

我十年前秋天去過，由香格里拉上去到拉薩，到過聖湖。
坐車上，架車會上山落山。 我就海拔二千八開始有少少頭痛，過三千二就行十幾步路就個心跳快左，所以一日可以頭痛，冇事，頭痛。
頭幾日特別勁。如果夜晚係三千以上既旅館就感覺頭痛，瞓唔到。

我冇去到珠峰大本營，但好似再高D ，五千幾海拔。

十幾年前去，我唔知依家會唔會先進D。以前拉薩每二十米有士兵住守，依家唔知點。
帶多些少頭痛藥，但記住頭痛藥只不過係令你感覺好D。

我覺得高山症對平時做開運動既人影響大D，因為同我個D 女性友人唔做運動反而冇乜野。

我記得有一晚住四千幾海拔，聽到有人要即刻送走。

索吓索吓就索足全程，玩得唔爽囉。唔係太勁 ，即係頭暈暈嗰種，頂一兩日就一條好漢

好詳盡，謝謝分享同提醒，咁我繼續努力唔做運動😂

網上講到好似可以好大件事，如果嚴重淆淆地

12月去完西藏附近一座雪山 建議買多幾樽氧氣去吸 同紅景天要早2星期開始食定

邊度有得買氧氣？ 紅景天都係藥房買？

我記得第一次中係喺唐古拉山開車爆軚幾條友換軚動咗真氣 個個中晒重要開成百公里車。
去到唔好太興奮 坐車唔好訓 又唔好成日諗太多高反 ，中嘅機會少好多。

自駕去過兩次阿里經驗

氧氣樽仔拉薩周圍都有

明白

去到拉薩先買會唔會太遲？

Iherb la. 西藏仲有隻藥叫高原安，比紅景天效果更好。
高反通常都會頭痛建議買定Ibuprofen，喺西藏啲藥店都有得買叫布洛芳。

感謝🙏🏻

酒店有氧氣機所以用唔著。 高反後出到街多數都係輕微病徵，有唔舒服但出下街唔成問題，出唔到街果啲建議直接喺床上休息。

講多幾句，帶多幾件衫。最好係保暖同快乾，例如uniqlo heattech 之類。三四千海拔好凍好大風，正既話，我試過一上山就落雪，落車影相，五分鐘落山出大陽。
帶帽(保暖個種)，帶太陽眼鏡

明白