睇晒FAQ先再問
FAQ會不定時係list入邊update
Q：有咩地方好食/好玩㗎？
A：問之前請Google/YouTube，再唔係睇pin包膠link
Q：有咩交通/地圖app推介？Google Map用唔用到？
A：Google Map喺韓國唔係好用到，要用就用kakao map/naver map
使用方法：https://lih.kg/bsawsBV
Q：搭的士可以用咩app？
A：Uber或者tada都用到，kakao taxi以前要有外國人登錄證先可以用，最近有絲話只要有kakao帳號，或者連結到paypal就用到。如果信用卡課唔到金，可以揀即場畀錢
Q：聖誕/元旦/農曆新年/中秋啲舖頭開唔開？
A：首先，任何大時大節想有嘢玩有嘢食，去弘大點都有舖頭開門
聖誕多數都會開，特別係餐廳係靠聖誕生意，而且韓國聖誕淨係放正日，踩中星期六日仲要冇補假，所以唔使驚冇得玩
元旦有啲舖頭會放假，連鎖會照開，踩中星期六日都係冇補假，所以最多休元旦正日一日
韓國農曆新年紅日大約放四日，初一之前嗰日放到初二，踩中星期六日會放多一至兩日，頭兩日多數都放假，部分舖頭初二就開返㗎啦，所以避免頭兩日嚟就ok
韓國中秋緊要過新年，一放就放5日假，講緊係全部都係紅日，啲舖頭好多仲要放足咁多日，冇咩事嘅話中秋唔好嚟韓國
Q：住酒店去邊度好？
A：嗱，呢啲冇乜標準答案嘅，最緊要睇你行程方便，香港最多人會揀去弘大（搭地鐵去機場方便，又係2號線），其次係明洞同東大門（平兼方便），個人認為首爾站同鍾路三街都not bad，江南站附近都ok但去景點有機會比較遠，但係呢度有絲打試過住永登浦，由於係紅燈兼酒吧區，點都有啲雜，自己一個人嚟（特別係女仔）最好就唔好住個頭啦
首爾嘅西南面又其永登浦區比較舊同雜，入面有個地方叫大林洞大部份強國人（朝鮮族）長居個頭，Crime rate應該係首爾入面最高，同埋入面都冇咩景點，其實冇咩都真化唔使同唔去個頭
另外，提醒大家最好唔好住airbnb，因為成日俾人踢爆裝cam，而且唔係合法
Q：去韓國用咩卡好？
A：韓國電子payment非常普及，冇咩人用cash (都仲用得)，但Apple Pay係仲未用到，好似話個contactless payment system仲未傾得掂
用Wowpass好方便，debit card功能可以係餐廳舖頭碌卡，張卡仲連埋T money，唔洗再去垃圾明洞唱錢用手機app可以check account detail
https://www.wowpass.io
以rate來講，唔計手續費的話，最靚放前面
Mastercard > Visa >> Unionpay
Visa / Mastercard / Unionpay匯率都即時check到，銀聯有問過HSBC 佢話個匯率包個1%手續費，唔會另外再charge，visa/master就1.95%
如果你係用Unionpay嘅話個rate會靚過收手續費嘅Visa / Master，Visa / Master如果你張卡係免手續費 個rate會靚過Unionpay同街兌（好似會再靚明洞少少？)
依家最好我知嘅係:
HSBC銀聯卡（最紅all in賞世界2.4%，另外有個額外嘅：網上 2%），所以就去到2.4%左右嘅回贈，又唔洗扣手續費
HSBC Visa Signature（最紅all in賞世界3.6%），呢個就去到3.6%回贈，但就照要收返手續費1.95%
https://www.hkrates.com/cardrate/mastercard/krw.html
Q: 去邊度換錢好？
A: 你都係逼我答明洞姐，仲要要浪費時間專登去明洞，
Q: 朝早5點幾落機到，有冇邊度可以打發時間？
A: 建議先撘車去酒店前台放低行李先，之後可以去食個早餐，坐下cafe，之後開始你嘅行程，再唔係都有好多好靚嘅網吧可以hea下
Q：wowpass同namane用邊個好？
A：睇你自己需要，但呢度嘅巴絲推介wowpass多啲
by 先天不足:
wowpass申請費用5000won，地鐵站有機器自助辦理（仁川機場除外），可以直接入港紙500/1000兌換won落wowpass內，上限100萬won
可以提現，每次最多10萬won，每次手續費1000won
wowpass內包含t-money，但兩者金額不共通
by虎嫂:
Wowpass機位置可以上網/app睇 app入面仲有即時匯率參考，Wowpass絕大部份地方都用到，只要個度收卡就得，餐廳/小店/便利店/olive young/cafe等等，普通去旅行完全唔需要擔心，
Q：首爾幾時有雪睇？
A：首爾唔係成日有雪落，有時啲雪仲細過粒塵，唔係冇雪景睇，不過唔知幾時先有，1月機會最大。好想睇雪嘅話江原道就成日睇到雪景，例如南怡島、太白山、大關嶺羊群牧場等就係出名睇雪景啦
Q：咁幾時有櫻花/紅葉睇？
A：每年韓國會公布櫻花/紅葉嘅開花/全盛期，以首爾計，櫻花多數3月尾/4月頭出現櫻花，紅葉就10月尾/11月頭，就唔啱時間可以去其他地方睇一樣好睇
頭盔：櫻花紅葉落場大雨起碼冇咗7成，所以大家出發之前求黃大仙俾到櫻花你睇，同埋睇IG留意櫻花景點最新情況
（by北韓泡菜）
三月尾應該無問題，不過今年啲天氣太反覆，可能再遲啲先開都未定，建議你可以落釜山個邊睇，因為個一邊通常都早開花過首爾
Q：想着到好似韓仔韓妹咁，應該要喺邊度買衫？
A：首先韓國後生仔女呢幾年都係上網買衫，但始終大家嚟到韓國都係想掃貨地下街lv可以去永登浦同江南地下街，有個性啲同牌子嘢可以去新沙洞（大家可以補充仲有咩買衫地方）。弘大都一般般，不過大家去弘大應該都順路，睇得上眼咪買下。
另外，高速巴士客運站嘅Enter6同新世界百貨都好行嘅，客運站由地下一層到地面好多嘢食，平價都貴少少都有，食完醫肚都ok，但GoToSquare個人就不了，啲衫真係勁師奶
睇衫連鎖店推介：（大部分by北絲）
男女裝: musinsa / 8 seconds / Mplayground
女裝: mixxo / lap / nanning9
呢幾間online同offline store 都有
公厠brand: thisisneverthat / mmlg / 我plac / fcmm
Outlet: 坡洲Premium Outlet
btw 韓國既zara hnm Giordano都好行過香港 想買衫可以去睇下
Q：邊度剪/電/染頭髮好？
A：唔識韓文嘅話建議去明洞有中英文服務嘅salon剪（例如Juno），韓國髮型師就算剪到曉飛，同佢哋溝通唔到都係中伏
Q：Fine dinning, hotel buffet booking要點做？
A：大部份都係e.g. 1月1開放全個2月booking咁
大部分去返餐廳官網book，因為係Fine dinning / hotel buffet，大部分打過去英文都溝通到，不過fine dinning真係睇左menu再揀，廢時又貴又揀左d自己唔中意食嘅
價錢由lunch ₩100,000到dinner ₩350,000都見過，Michelin 3 stars係香港可能HKD4000/位，韓國HKD2000尾已經食到，韓國fine dinning平過係香港食30-40%左右，如果係Japanese嘅話對比起香港隨時平一半以上
可以參考Fine dinning餐廳list，有入埋地區
https://www.notion.so/1e5e4ad92be449a98a8a30af41aca821?v=4237488b0d3d456f8511c3d8673a5fda&pvs=4
Q：邊間電話卡好用？
A：根據各位巴絲意見，只要係用KT或SKT網絡嘅電話卡，或者一落地直接喺機場買KT/SKT卡就OK，喺klook/KKday買會有優惠，你亦可以去鴨記格價，睇下邊個抵。LGU+係load空氣就唔好啦。
除咗機場買嘅KT/SKT卡，其他短期用嘅卡都唔會有電話號碼，想要用韓國電話號碼嘅人，最好就買返KT/SKT卡。
另外，機場出卡嗰陣會叫你出示護照，但呢個程序唔係實名認證！唔係實名認證！唔係實名認證！好重要所以講三次，即係話你想用嚟做要實名認證（例：開網站帳）嘅嘢，呢張電話卡係做唔到嘅。
Q：嚟到之後會唔會中武肺㗎？
A：其實你去到邊都會中招㗎，咁怕病不如唔好出街
