12日高加索遊記(格魯吉亞,亞美尼亞)

唔帶女友去

佢同格魯吉亞免簽證個post啲連登仔一樣 話唔去鬼地方

品味差

食左我帶返黎嘅Gata即刻想去

碟羊好正咁 個湯好清
有無得飲羊骨髓

好多年前係北京試過🤟

我吸左少少

亞美尼亞小知識

巴士站通常係咁 有個好殘嘅牌 上面有巴士logo
但係無任何路線訊息 大家自己都知有咩路線
Yandex Map都可以睇到


高加索有啲廁紙極難用 係灰色再造紙
一用就穿 質感又核突
建議去陌生地方一定要帶兩圈香港廁紙 用唔矖扔都唔會肉赤
不過亞美尼亞有中國廁紙買 仲係一卷卷散裝(格魯就無見過)




亞美尼亞換錢係去超級市場 最安全同最好匯率
兩大超市SAS同Yerevan City 都可以換
另外亞美尼亞有匯豐ATM 可以用One card拎錢免手續費

Day 9 一日團Khor Virap (亞拉臘山)+ Areni + Noravank Monastery

今日都係報咗一日團 呢個團就一早已經計劃好嘅
因為Khor Virap係無公共交通 一個咁出名嘅景點
只可以坐巴士去最近嘅Ararat小鎮再行5公里去 咪玩啦阿哥
但係Khor Virap係望亞拉臘山(亞美尼亞人+基督教嘅聖山) 嘅最佳地方
亦係亞美尼亞嘅代表圖片 點可以唔去
所以報團成為唯一選擇
又係200蚊一日 真係抵到爛 雖然我本身就唔鐘意跟團嘅唔鐘意被束縛嘅感覺
－－－－－－－－－－－－－－－－－－－－－－－－－－

早晨 今日嘅耶烈萬天氣靚到
落咗兩日雨 今日終於守得雲開見月明 仲要我去睇亞拉臘山喎

咖啡自販機係我嘅好朋友 今日飲熱朱 200AMD(4蚊)

遲咗出去 入咗間麵包舖買個包食下就算

又返黎呢間旅行社 仲要遇到尋日同團嘅一對俄羅斯母女
竟然大家都連續兩日都報團

都未出市區 仲喺市區轉個靚彎就突然見到呢個view
即刻嘩咗一聲 今日一定正到爆啊 內心已瘋狂激動

又係揀午餐嘅時候

大約45分鐘就到Khor Virap 個山景真係cls 留返下一個comment先出大家睇住個教堂先

就咁市內遠望亞拉臘山已好靚

我仲要係車內chok下chok下咁影

隻羊認真吸引

D廁紙沖唔沖到落馬桶先

得 當然最好唔好太多

亞美尼亞菜式無格魯吉亞咁豐富
有幾款地道菜都唔好食
但係呢個khashlama贏全場

呢兩國地鐵 電話收到signal?

Btw加速

收到 我都好驚訝
先進過倫敦

Day9 Mount Ararat 亞拉臘山

到左Khop Virap大家都爭住入教堂睇
我直接去望亞拉臘山 今日係完美地呈現
超級靚啊後面一望無際咁嘅感覺
好舒壓 心靈好滿足
亞拉臘山係基督教傳說挪亞方舟最後停泊嘅位置
係亞美尼亞人嘅聖山 但今日比土耳其人佔領左
為呢座山額外增添一些傷感





喺度停留左1小時 好舒服

之後出發去咩Noravank Monastery
不過今日目的已達到 後面行程就是但啦

有趣嘅係 呢條公路其實好貼近阿塞狗嘅外飛地納希切萬
所以邊境附近好多“法理上”嘅阿塞狗領土


理論上我都去左阿塞拜薑了(非法入境)



Noravank Monastery
山中教堂 正正常常啦同前面嘅行程比 黯然失色 覺得無乜特別了

啲譯名係咪直接用google？搵返旅行團啲譯名有出入，例如葉利溫、納希契凡等

穿過飛地有冇任何阿塞拜疆特徵？因為法理上係阿塞拜疆但住好似阿美尼亞人

google map中文版應該好多係跟台灣譯名
喬治亞 亞塞拜然 都係台灣用法
Yerevan又唔同(台灣外交部網站用葉里溫,但地圖寫耶烈萬)
我經過果度只係小村莊 都荒廢咗無咩睇到
通常呢啲飛地本來都係亞美尼亞人住 只係比蘇聯唔知咩事分比阿塞狗

你呢日個天好靚
我果陣雖然好天 但勁濛

我最尾果日都係咁 少少遺憾

當年蘇聯玩民族自治,，條村就算響亞美尼亞加盟共和國裏邊,但係村民大多數係阿塞拜疆族嘅話就編比阿塞拜疆加盟共和國管，比同族管治

個條村有啲原居民響打完第一次納卡戰爭之後走咗

https://zh.wikipedia.org/zh-tw/%E5%8D%A1%E5%B0%94%E5%9F%BA_%28%E9%98%BF%E5%A1%9E%E6%8B%9C%E7%96%86%29

亞塞拜然政府嚴禁外國公民前往該地，外國公民如進入以上地區，將被亞塞拜然共和國永久拒絕入境，並列入「不受歡迎人物名單」

拉我吖笨


但係納卡明明係亞美尼亞人世居 就劃比阿塞狗

Day9 Areni酒莊

第三個行程係去酒莊參觀同食lunch
雖然高加索嘅紅酒係格魯吉亞最出名 但係Areni產嘅紅酒都係唔錯
本身我都想喺度買返一兩支紅酒 但係格魯吉亞已經買咗5kg 打爆咗個行李額

酒莊係傳統建築 幾靚 呢啲地方符合我對歐洲嘅想像

一入就有好多鵝歡迎大家

正式開始參觀～咦 點解係一個個工廠咁嘅
個個內心都諗緊 屌 呢個就係酒莊？？？

轉個彎 噢~原來都有傳統釀法嘅

跟住果啲點釀製 我都廢事聽
成三點喇 食飯未啊

不過食飯個花園又幾靚 陽光普照 空氣又清新 好舒服


叫咗燒牛肉 後悔咗 好韌 隔離個個叫燒雞好似好味啲

對面係一對黎巴嫩母女 個阿媽讚我一個人去旅行好勁
同枱仲有一個土耳其出世嘅亞美尼亞阿婆 一個德國人 一個芬蘭人
大家一齊吹水 聽阿婆講故事
土耳其同亞美尼亞係世仇 阿婆由細到大都好矛盾
留喺土耳其嘅亞美尼亞人一直都被當係異類 阿婆細個都無辦法入土耳其學校讀書
連中學都要去塞浦路斯讀
佢話佢讀果陣 塞浦路斯仲係得一個
雖然而家土耳其同亞美尼亞都係互相仇視
但係佢唔會放棄 佢希望兩邊將來真係可以放下仇恨
但我哋內心都知 國仇家恨邊有咁易放低

Live左
More