12日高加索遊記(格魯吉亞,亞美尼亞)

玩完都已經黃昏了 行下街
呢個地鐵站口非常蘇聯式 北韓都見過類似


路過攤檔 買左幾張postcard, 一張2.5GEL
最開心係第一次成功用俄文問價錢
然後識聽佢講幾錢 開心 直接買4張



夜晚去睇opera 前一個星期有天鵝湖 好想睇
今次呢套都唔知咩嚟 不過致在感受下個氣氛
當去左維也納 個場都好靚 有百幾年歷史 沙俄時期起的




聽左一半離開 去食夜晚
食shkmeruli
格國名菜 大蒜炆雞勁香 不過大蒜味未話好濃
對面係一齊排隊嘅鬼佬 排果陣吹左陣水
吹吹下就話不如一齊食 結果吹左兩個鐘
由旅遊經歷講到俄烏
最好係有人幫手share咁撚大份食死人咩


夜晚買啲牛奶返民宿飲 正正常常
唔算特別


咁就輕輕鬆鬆完左第一日
第比利斯係我去過最靚嘅城市
條街好乾淨 無乜垃圾 亦無臭味
街道都好靚又有歷史感
成個城市感覺就係舒服 作為樓豬第一個去嘅歐洲城市 個人覺得完美

Lm

1 日前 — 香港特區政府接獲格魯吉亞政府通知，香港特區護照持有人可免簽證前往格魯吉亞旅遊，最長可逗留30天。

我覺得去邊度轉機都好 有幾個鐘都應該出去行下
而且多哈機場都好近市區 多哈物價完全唔貴

你不如寫下main啲大約價錢

Day 3 Mtskheta 格魯吉亞古都

好耐以前已經plan左呢一日會嚟Mtskheta
因為10月14日呢一日有節日
係慶祝Mtskheta本身嘅建立 同紀念格魯吉亞人信奉基督教
因為擔心可能好多人去坐Marshrutka(一種蘇聯式小巴)
加上我係半個鐵膠 鐘意試火車 所以一早買定火車飛
每日朝早只有一班車 會經Mtskheta


火車站 好柒 係我成個trip見過最柒嘅建築
上面如果加埋大陸車站果種紅色大字 應該無違和感

得12同18號(08:50)果班可以去Mtskheta

火車實名制 訂飛果陣要入護照number同名
上車前有職員會對

呢架火車舊啲 但坐落都舒服

途中風景

一出係荒山野嶺
Mtskheta火車站同市中心有少少距離 要行大約3,4個字

個車站好似幾靚 想行近啲睇點知成堆野狗
我:

沿住條河行返去 沿路都無乜人好舒服
呢度附近有條龐培橋
無錯就係同凱撒大帝打內戰輸左果位
聽講係佢東征果陣喺度起嘅一條橋 不過要水位低先見到

遠處就係十字修道院 之後會坐的士上去睇風景

好多都十幾二十拉里 俄國菜每樣要20GEL
夜晚個蒜蓉雞要28GEL
湯類一般10-15GEL 我之後post食物寫下

行行下好快就到
9點幾未有咁多店開 但好靚啊

但教堂內開始人多


即刻參與宗教活動 同黃大仙廟一樣外面好多阿婆賣香(蠟燭)



好神聖 外面仲有鐘聲
好啱feel 我都跟住做埋一份
利申唔係教徒

買左耶穌一部分身體 0.3GEL


出返黎就準備上十字修道院

地鐵一日pass13蚊 uber出市區40蚊
也門菜60蚊 魚貴啲要180蚊
買阿拉伯糖300g 30HKD, 散紙包廿幾蚊
以上都係遊客區Souq Waqif做嘅

耶穌身體有冇食評
無酵餅黎？

留名

係 無味兼硬到仆街 咬左一啖扔左
希望耶穌大大唔好介意 一樣會保佑我

機票難買嗎？

揸 BNO 去唔知有冇得免簽？

參加完宗教儀式 就準備上Jvari十字修道院
修道院位於Mtskheta東面嘅山上
隔住條河同幾條高速公路 所以係行唔到上去 只能坐車上
自由行的話 就要自己搵架的士上
一般都係包來回+等30分鐘
本身我都唔知去邊度搵的士
行行下有個阿伯叫我 話20GEL

本身想企一陣 睇下有無人join ,share費用
企左一陣都無咩人 自己包車上去算 60蚊都唔算貴
阿伯都辛苦


揸上去都要around 15分鐘 , 今日因為節日封路仲兜遠左 20分鐘先上到 但阿伯都無加價

教堂本身都好耐歷史 好似6世紀已經建成
不過呢度最吸引係個view, 河分界+古都




天氣好真係好正 30分鐘啱啱好 吹陣風 影下相
然後就返落去了

返到去見到有格魯吉亞BBQ, Mtsvadi
一串10GEL, 勁多肉汁 超正

食完串燒就去食lunch
呢間河畔餐廳 價錢唔算貴
老細都nice就入去食



涼浸浸坐室外真係好正
叫左個俄式凍湯 味道似液體版青瓜沙律
呢碗要50HKD(後來喺亞美尼亞買左支6HKD嘅野飲, 味道一模一樣)

石榴醬燒鱒魚(17GEL) 粉紅色嘅醬第一次見
睇落奇怪但好好食 酸酸甜甜咁

食完去買當地土產
呢種陶瓷壼嘅紅酒好飲好多 外表好靚又好有特色
35GEL一個 買左3個 100GEL

行過有個賣紅酒嘅老細 對東亞好有興趣
識得分香港人同大陸人 問左我好多野
同佢傾左好耐

買左一支大嘅陶瓷紅酒 50GEL
老細請我試飲好多款紅酒

試左一隻叫chacha嘅格魯吉亞白蘭地
第一次試烈酒 真係火燒喉嚨咁
飲完即刻啪羹蜜糖 好舒服


高加索旅遊區賣嘅野 一般唔會mark up好多
甚至有時local market仲貴啲
我覺得見到啱就可以買

記錯 俄式凍湯係9GEL果個
30蚊

留名

俄式野真係幾岩口味

唔係不嬲有咩 當British passport

香港好貴

唔講正唔正宗，香港食泰國野應該係最抵，其他菜系都好貴 $100以上一碟野咁

炒個pad thai都係4,50好抵