12日高加索遊記(格魯吉亞,亞美尼亞)

我有自己一個去旅行經驗嘅
自己去過台灣幾次 遼寧+北韓1次 越南1次

北韓

其實我想去啲國家公園自駕遊 ，但有覺得有個伴會抵啲，同埋野外夜晚都安心啲

所以我先知格國個地鐵入口似

去高加索囉 格可以揸到去Mestia, 亞美可以揸去Tatev
兩個都係我嫌遠無去

識下朋友仔 ，一齊玩番2-3日/交流下都幾好

好後生，咁快懷疑人生，不過越早去闖下係好

接受到一兩日 接受唔到全程

真，慣左一個真係好舒服

Day8 一日團Tsaghkadzor

第二站到tsaghkadzor坐纜車
呢度本身plan過嚟 但因為交通不便放棄左
誤打誤撞又嚟到 證明係緣份
tsaghkadzor本身係溫泉鄉 冬天就係滑雪勝地
秋天就係用嚟睇景





秋天的氣息好濃厚全部都係黃葉
好靚

但係落雨 凍到仆街啊 一坐完即刻衝上車 同兩個印度佬一樣凍到狂震
隔離幾個戰鬥民族俄妹心諗: 做乜9

柒矖

然後就去食lunch先 揀左Set 2 燒魚
唔錯 不過不失





亞美尼亞最正係周圍都有呢啲咖啡機
通街都係 每個角落都有
最平齋啡一杯2蚊 熱朱4蚊
好正

歐洲佬都係唔識整魚食…無論邊度都係 ，明明新鮮都可以整到無魚味，都係我地蒸魚最好食🤟🤟🤟

呢個真 佢哋唔係grill就filet

Day 8 一日團 塞凡湖
嚟到今日個團最後一個景點 亦係重點
塞凡湖 係亞美尼亞乃至成個高加索最大嘅淡水湖
景觀好開揚




教堂內部 一樣黑媽媽
但布置得唔錯


最值得開心嘅係 樓主隻腳好返好多
由坐纜車果度發現 咦~行路好似痛少左好多
呢度要行200幾級先上到嚟 我行得返喇
由喉嚨到手腳 折磨左三日終於回復正常


睇埋呢個就啟程返去
今日個團好短 10點出發 4點半返到Yerevan

耶烈萬有好多呢啲中國援助嘅巴士
有無大陸feel

留名

樓主用咩影相

三叔A71(3年機齡) 做乜

冇，問下 下年換機味，出S24

未壞唔換住 高加索啲景太靚 鳩影都靚

睇到好想去一轉，之前成日驚高加索地區唔識俄文好難玩
留個靚名先

如果再好天D 就好

英文夠用 俄文可以簡單學how much同1-10000
俄文數字唔算難 基本上都係一至十 百 千 十仟
唔似法文果啲咩又Quarter又4個20咁

得呢日天氣西請期待Day9嘅亞拉臘山分享

問路就無 有講Ba C Ba(俄文多謝)
餐廳老細話We Georgia , no Russian
不過係nice地講 仲請我飲野
我見俄羅斯人去攤販買野直接講俄文都得

Day 8夜晚 耶烈萬遊走

腳已好返 大開心 到左亞美尼亞兩日都無行過耶烈萬
完左local tour先5點 周圍去下先

喺亞美尼亞 Google map係check唔到巴士路線
要用嘅係Yandex Map，一個俄羅斯公司嘅地圖
所以要坐巴士嘅話 就要靠Yandex map搵
亞美尼亞市內巴士統一100AMD一程，只收現金
所以喺亞美尼亞留多啲散紙

亞美尼亞嘅銀製品幾流行 當地周圍都有銀飾品賣
連啲地攤都有 不過係咪真銀就唔知
我搵咗呢間Kara Silver 係網上啲亞美尼亞人推薦嘅店 買咗件飾品比女友

市內周圍都有呢啲咖啡小店 唔平 一杯都十幾廿蚊起
都係咖啡自販機啱我

跟住行去Cascade 耶烈萬嘅地標
一個典型嘅蘇聯式階梯 行上去可以睇到耶烈萬全景


其實隔離係有電梯搭上去 唔駛行到死下死下



夜晚會著燈 幾靚 只係今日陰天

由於樓豬好返 決定慶祝一下夜晚食一間叫Tun Lahmajo
食我最期待嘅Khaslama 亞美尼亞燉羊肉

係成盤羊肉啊 好大份
只係3800AMD (76HKD) 好正啊 羊肉好嫩滑 湯底都好香飲矖

後面果杯係東歐特色飲品compot 似利賓納

Gata 亞美尼亞特色糕點 甜甜地牛油香味 都好好味
後來帶左2大個返香港