12日高加索遊記(格魯吉亞,亞美尼亞)

得返3日可以更新

Day9 Areni Bird Cave, Yerevan遊走

食完lunch就係最後一個景點 Areni bird cave
不過我去越南都見過 無乜特別
但呢個團真心抵玩 5點半先開始回程 尋日果個4點已經返到耶烈萬



返到去寄postcard, republic square附近果間郵局開好長時間




去食“西亞美尼亞菜” 好多係土耳其野食
專登想試一個叫 伊瑪目昏倒了 嘅菜色
有次喺wiki見到 但香港嘅土耳其餐廳都無終於試到
呢個Lahmajo脆薄pizza係亞美尼亞特色菜 好平 900AMD





好得意嘅車仔 賣紀念品

樓豬有野做 停更2日星期日再見

兩日無上 追番進度先

1亞拉臘山好靚 ，第時去土耳其可以諗諗

2阿婆既身世好sad…其實單眼佬都知係解決唔到既

直接去亞美尼亞啦治安好好

Hi 樓豬
想問你本身有係寫blog同旅遊IG
想睇多啲

無 其實係我第一次認真寫 之前都係求其share下相就算
請多多評價

行超市 影下啲物價
主要係因為第二日會去local market睇下 大概知道下啲嘢嘅物價先

Day 10 Garni神廟, Geghard , Gum Market , Soviet Club
經歷兩日跟團 今日終於可以自己行
本身打算去Gyumri行下 每星期五六日都有一班特快火車去
首先去睇下仲有冇車飛先

早晨 住Republic Square最正就係每日朝早都見到個靚廣場

坐地鐵去火車站 耶烈萬嘅地鐵係要去窗口買飛 連自助機都無
100AMD,只收現金 高加索入面 亞美尼亞的確係比較落後

圓形嘅coin



地鐵連英文都冇 要用google翻譯睇 怕搭錯車

返到靚靚嘅火車站 真心覺得中央火車站係代表一個城市嘅面貌
真係唔可以柒 好似東京站/好多歐洲火車站都好靚

點知即日無晒飛 其實我係應該Day7 到達亞美尼亞果陣就買
不過果日腳痛到乜都唔記得
但係第二日仲有飛 只係得單程去Gyumri 回程返耶烈萬無晒位
得! 照殺 Day 11先去Gyumri
回程到時先算

買完飛 即時改去Garni神廟(本身係plan Day11去)
坐巴士去Yerevan Megamall附近轉266號巴士去

收埋喺個公園嘅巴士站 266號去Garni 單程500AMD

今日亞拉臘山仍然清晰可見 好正

坐大約45分鐘 就到Garni 無乜人嚟
Garni神廟係亞美尼亞前基督教時代嘅建築
亞美尼亞2000年前係個好強大嘅國家
勢力範圍去到小亞細亞 所以吸收咗好多希臘文化
亞美尼亞文都係建基於希臘文字創造出嚟

要門票 1500AMD

山谷有河流水聲音 好舒服


話說頭先搭車果陣 同一家保加利亞人傾計
佢哋邀請我同佢哋一齊行 行完Garni就一齊call車去Geghard山中教堂
我就跟住咗佢哋一齊行 佢哋未來過亞洲 都對亞洲好有興趣

附近原來有個Symphony of Stones 唔係佢哋帶我 我都唔知

Ararat干邑 亞美尼亞名酒 聽講係邱吉爾最鐘意嘅酒
買支返屋企留念（但我屋企無人飲烈酒）

有無啲特別嘅酒

上次喺多哈機場轉機，喺候機室join咗個free day tour ，兩個人色哂成架大巴士。

時間啱可以join safari添。

有地膽帶路行隱世景點 正🤟

冷門地方遊記，留名支持
格魯吉亞菜一直俾人忽略，羊肉睇見都想食

格魯最出名就係Chacha嘅烈酒 同甜紅酒
紅酒嘅話 陶瓷壼裝果啲更有特色 可以睇我Day2買嘅
亞美尼亞最出名就係白蘭地 Mount Ararat Cognac

佢哋都係遊客
只係我本身除咗去睇神廟 無打算去睇其他野

格菜煮法幾豐富 又炆又燉又燒
好多野啱食

但會唔會好咸？

去之前都有好多人話咸
但我又覺得Okay 搭埋麵包果啲幾好食

ushguli+mestia至少佔你4日
而家去mestia除咗極難搶嘅小飛機
就得 火車(5.5小時)+小巴(3.5小時)
所以去同回都浪費你兩日(所以我唔去)
mestia+ushguli起碼留2日full day
Batumi用一日 Tbilisi用一日 Kazbegi一日
Georgia起碼7日了

Armenia Lake sevan, garni temple 都唔遠
2日各去一個搞得掂 加埋Yerevan就3日

阿塞拜殭我無去 不過我估幾日都要掛

就咁睇 14日full day應該去得矖嘅

Lm

Day10 Geghard 山中教堂

呢個Geghard仍然係無公共交通直達
去Garni架266巴士有去到附近但係要再行
最佳做法係睇完Garni啲野再叫的士去
由Garni去Geghard ,Yandex go 1800AMD
同保加利亞家庭share





教堂都好舊 好多年歷史 好多人參觀
但最正係呢度秋天嘅氣息 一片黃葉 正啊




睇完就同保加利亞人一齊坐的士直接返耶烈萬
Yandex Go顯示5500AMD但好耐都無車
有個阿叔幫手call 收7000, 可接受
一人1800直接返到市區唔洗煩
但臨走果陣見到有人行禮結婚 其實我係好想留低睇 但又唔好意思拋低一齊行左成日嘅保加利亞人.

不過佢哋好nice 同佢哋傾左好多亞洲嘅野
佢哋話之後嚟亞洲嘅話 會第一個嚟香港搵我
我話其實香港人無咁熱情 生活比較急促
可能佢哋比我嘅熱情誤導左

返到市區已經3點幾4點
成日都無食過野 即刻去GUM Market順便睇下附近有咩事
路過見到有food court 入去是但食啲野先

見到有呢間Art lunch
好似係連鎖式平價飯堂 每樣野都幾平
好多local食 咁我都體驗下



呢個麵睇落OK但怕食落伏

決定食飯 豬扒 一個沙律
一碗Spas soup 乳酪湯(亞美尼亞特色湯) 同不知名果汁
飯係Okay的 炒得算香
作為Asian我Approve 唔洗好似Uncle roger咁屌鬼
同埋十幾日淨係食過2次飯 好掛住了

垃圾壽司 唔知佢哋食到真壽司係咩反應


之後去行GUM Market
一個local market , 但實際上非常遊客向
入面買野嘅一睇就係遊客樣
價格都唔算特別平(對比尋日超市影嘅)



最後買左一堆芝士
亞美尼亞芝士都好香 幾好食
女友指定要大量 我一買就買左2kg 一公斤3000AMD 好平
芝士條最好食 屋企人平時唔食鬼佬野都讚好香

想試