300日浪遊到南極，直到世界盡頭（V）

荷蘭比利時西班牙我都未去過，可以去晒啲大路嘢都好正呀

受你鼓勵寫埋落去，不過都寫多咗兩年
大家噉話，等你再出Post

後記

呢部史詩式遊記終於告一段落。首先多謝大家睇到嚟呢度，中間斷斷續續咗咁多次，可以睇到呢段後記都係一種緣分。呢幾日我將六年嚟寫過嘅文字抄返落嚟，原來足足寫咗二十幾萬字。有啲旅途上嘅細節，都係因為當初有記低先有得睇返。如果唔係一路keep住寫，一路睇返，好多部份早就已經淡忘咗。最開心嘅係見到好多巴打絲打話有從中得到啟發。無論係令到你哋下定決心出發，定係單純陪伴你哋渡過人生某啲階段，我都與有榮焉。

千帆過盡，驀然回首，世上好多地方都已經面目全非。曾經同一位都去過長途旅行嘅朋友傾偈，佢覺得今時今日去長旅行已經冇咩特別。好似學歷通漲噉，由以前大學畢業可以光宗榮祖，到今日人人都可以係大學生。以前環遊世界真係少數冒險家嘅專利，今日幾乎身邊總有一兩個出走過嘅朋友。尤其係我哋呢啲中年人，經過好多次轉工升職。只要肯拎少少積蓄出嚟，旅行一年半載唔算難事。就算冇去流浪，淨係靠住每年嘅大假，去過嘅地方都唔會少。但我哋都不約而同噉認為，就算旅行唔再獨特，都仍然會為各自嘅人生留下好珍貴嘅回憶，唔會因為大家都做過而變得冇意義。所以我哋仍然好鐘意聽旅行嘅故仔，仍然好鐘意去發掘唔同嘅地方，仍然熱愛旅行，熱愛生命。

近年好多朋友都去咗其他國家生活，感覺移居去第二度比起長旅行有更多問題要面對，更唔容易。而留喺香港嘅，亦每日都係新嘅挑戰，一樣唔見得輕鬆。亦有朋友趁住世界紛亂反而去咗長途旅行，實現多年心願。希望大家無論身在何方，都能夠活得自在，享受當下，勿忘初心。覺得辛苦時，諗返當初為乜，點解要走，點解要留。

願你出走半生，歸來仍是少年。下次出Post再見！

學歷通漲

啱啱睇到南極,啲相真係好吸引,應該要好好彩先見到殺人鯨
師兄有無見到皇帝企鵝？

冇見到呀，可能唔啱月份。去南極個個月見到嘅嘢都唔同，冇記錯三月會多啲鯨魚睇如果去啲長啲嘅南極團，仲會去南極大陸嘅其他地方，去埋福克蘭群島嗰啲，睇嘅嘢應該又唔一樣

價錢都好唔一樣

如果短啲已經兩個星期，長啲咪成個月

22日好似，基本上x2 用黎戒電子產品

有18日 有20日 有23日 去埋falkland同south georgia
south Georgia 超正
我鍾意south Georgia 多過南極

有咩睇？

今年南極船last minute幾抵，us$3xxx就有

x1.25即係咩

即係比多25%就自己一間房。

咁撚抵，幾人船？

岩岩南極歸來
只去了最平南極半島
好靚

我本身以為人生只去一次
E+會心絲絲想去哂三島
重有北極

今年啲船唔多滿
我200人船上得130幾
但我都唔係last minute

lm支持

企鵝