300日浪遊到南極，直到世界盡頭（V）

今舖真係希望世界和平，仲有得如常旅行

我都好耐冇去長旅行啦。每隔一兩年就會諗返起曾經去過，所以身痕又寫返 今次埋尾睇吓有冇機會寫吓其他細Trip，都有一啲好回味嘅。

你個底花曬冇人信架啦

寫比自己睇又唔得嘅

全程用左幾錢？

要順便寫埋比我地睇

原來巴打呢個post 係6年前開
呢6年我計計埋埋都去多近10個國家了
其實我係來留名支持，希望巴打呢個post可以埋尾

買車飛過程雖然戇鳩，但擺脫啲昆水蛋散嘅過程令腎上腺素急升，身體嘅唔舒服反而舒緩咗。可以繼續喺呢個城市漫步。


早喺二零一八年，屎煎平嘅一戴一露已經嚟到北非大陸，到處都係做生意嘅中國人。


但我係唔鐘意幫襯，係都要食返佢哋嗰啲乾憎憎嘅包。呢邊多少少海產，味道算係比較豐富。


至於點解幢幢建築都係藍色，真正嘅原因眾說紛紜。有人話係二戰後猶太人嚟到之後根據猶太教傳統油上去嘅，所以初時主要係猶太社區先有呢啲顏色，後來為咗吸引旅客先逐續傳咗去其他地區。但我喺以色列反而唔係好覺有呢個現象，所以都唔知真定假。



雖然陽光正盛，但啲巷比較窄，太陽一曬唔到就會陰陰寒寒。我都分唔到係自己未好返晒發冷，定係本身就好凍。



成個城基本上都係任影唔嬲，只係遊客都比較多，想搵個冇人嘅位慢慢影就未必咁易。有啲當地人睇準呢個商機，就開放埋自己屋企嚟做生意。


有人將自己屋企門口出租，邊個想埋去影相都要擺低十蚊。佢哋會幫手叫大家排隊，所以比咗錢就可以慢慢影足十分鐘都冇問題。發現有呢個影相位之後，女神即刻衝返房將之前喺阿根廷買嘅裙笠上身，我都換返套衫出嚟再影過。


影吓影吓，屋入面啲細路衝晒出嚟，話要同我哋合照


見唔駛加錢，比你哋入鏡啦




影完呢批相，差唔多時候要離開。搭巴士去Merzouga嘅嗰日，正係18年嘅2月14日。喺伊斯蘭世界過情人節，浪漫似乎又講唔上，頂多只可以話幾有風味。我哋聽住日播夜播嘅喚拜聲，搭上開往撒哈拉嘅通宵巴士。

之前應該有寫，不過我都唔記寫咗喺邊了

每人用咗十五萬幾。但而家啲嘢越嚟越貴，再去可能唔得了。

等我完咗呢壇先

6年真係好快就過，光陰似箭唔係講笑。

好開心聽到大家呢幾年去咗好多地方，中學讀到Master，有啲仔都生咗兩個。好榮幸份遊記可以陪伴大家

點解可以3百幾日唔返工咁好

點解唔得？

Lm

去咁長

$4860係幾多日
好似幾抵

美金wo10/11日



你可以參考下D優惠

南極喎
之前睇個youtuber derek介紹
呢個價位應該算好抵?

正常就分 細,中,大船 ,細船就唔洗輪,一定有得落船,都係包三餐

https://freestyleadventuretravel.com/ships/ushuaia/
我係坐最基本既船

https://freestyleadventuretravel.com/ships/ocean-endeavour/
如果200人船竟大約係咁,貴3000美金以上到

歡迎做我室友

所以去耐D，機票/交通成本先低D，依家番歐洲都$6-7000,南美過$10000 玩十幾日好唔抵

同我六年前last minute一樣價，幾抵喎

巴士沿住N13公路一路向南。公路嘅盡頭，就係位於Merzouga嘅村落Et Taous。呢條村嘅規模好細，由村頭行到村尾都唔夠500米，來來去去得三四條小街。過埋呢條村就再冇路，只可以揸住越野車直接橫越沙漠。我哋嚟到撒哈拉嘅邊緣，先喺住宿擺低啲嘢，諗住抖抖再睇吓去邊。


村落基本上就係火舞黃沙噉樣。除咗通向北方嘅大路之外，都唔會舖石屎，無論地下定係建築都係沙嘅顏色，令你村內村外都有沙漠嘅感受。


我哋喺Merzouga嘅住宿一如以往，都係啲陰陰凍嘅昏黃建築。入到民宿大堂，我哋房都未拎，老闆就好落力噉推銷佢嘅沙漠旅行團。今年旅行我哋都叫做去過戈壁同阿他加馬兩大沙漠，嚟呢度可以話係集下郵，其實都唔預期會有咩大驚喜。一聽到參加佢啲團又要擺低一千幾百，即刻連講價嘅意慾都冇埋，直接灑手拎頭


諗返起買巴士飛嗰時，嗰個職員都話去到Merzouga點行都會喺個沙漠之中。一路由車站行過嚟嘅時候，我哋只要放遠少少雙眼已經見到無窮無盡嘅沙漠，其實根本唔使人帶路，只要隨便向任何一個方向行，就自然會睇到一望無際嘅壯闊景色老闆不斷強調要跟佢先可以騎駱駝，但我哋並冇特別想騎，再sell呢啲嘢只會令我諗起喺內蒙古騎馬嗰段黑歷史


我哋完完全全噉拒絕咗老闆嘅所有提議之後，佢嘅態度就變得非常惡劣，求其扔低咗條房門鎖匙就走了

喺摩洛哥旅行好攰，不過諗返轉頭，世上的確冇人有責任要對你好。又或者佢經營民宿仲攰，相信喺嗰度生活都唔會輕鬆。

雙人先有，你果時多唔陣情侶/2個人去？

多呀，不過一個人去都有，嗰啲住三人房。
但感覺上情侶，夫妻/家庭更多。

終於 又可以再睇多次了