曹操手下當中最勁果個係唔係張遼？

一兩個武將穩定唔到大局
當時劉備最需要嘅係同孔明同level嘅王佐之才
但係亦都係同時龐統法正都走左

其實夏侯淵身邊仲有張郃徐晃幾個名將 冇expect慘敗
不過關中因為涼州之亂已經冇糧可徵 漢中根本已成敗局

其實佢未死之前仲同劉備爭緊定軍山, 果陣漢中經過張魯經營糧草仲夠, 而且曹軍係透過河道運糧落漢中, 但佢一死 劉備即霸哂高位設營 曹軍D糧道就曝露哂俾佢睇

郭嘉門前有張郃
張遼皮真厚

漢中之戰去到定軍山之戰前曹軍已經冇優勢可言，兵力分散只能固守險要。

相反劉備動員晒所有力量，全面對漢中發動總攻擊，進軍定軍山威脅到陽平關同南鄭之間既交通線，夏侯淵被迫調軍同劉備決戰，而過程都睇到夏侯淵力兵處於劣勢，夏侯淵要親自上陣，但劉備仲有戰略預備隊可以調動。就算夏侯淵冇戰死結果都係撤回陽平關，曹操救援太少太遲要負最大責任。

記得無雙6果陣
魏傳吹到話曹操係特登去漢中
引關羽北上比機會孫曹聯軍收關羽皮

因為曹操知道大軍入漢中打完得個吉
如果俾人拖住而同時淮南荊州再開戰就玩撚完
而且佢自己征張魯之後搬曬啲平民走 漢中只係一座空城

吹到咁大

漢中都唔係真係變空城，至少都應該仲有過萬戶人口係到搬唔走，所以如果曹操真係冇長期據守漢中既打算，咁曹操就冇必要去長安，只係為左消耗劉備既力量，夏侯淵已經好成功達成。佢只要同夏侯淵講可以撤退就得，夏侯淵就冇必要進攻定軍山

人口係四川調上去 有生力都俾曹操帶走哂 仲寫明帶唔走果D佢焦土埋

你係邊到睇到兵力劉備佔優 就算劉備總動員(1洲, 仲要岩岩打完劉璋唔夠三年) 好難會多過夏侯淵曹操關中軍+曹洪曹休增援

而且再睇埋戰績
下辯 大破張飛 雷銅 吳蘭; 馬鳴閣 大破陳式
劉備夏侯淵陽平關對陣, 後撤出陽平關打算定軍山設營 夏侯淵再進攻對峙相拒
本隊精銳十路圍剿張郃 久攻不破
完全睇唔到劣勢係邊 反而法正一直等緊夏侯淵分兵, 只係估唔到夏使淵分兵之餘仲自己企咁前

張旣傳:從征張魯，別從散關入討叛氐，收其麥以給軍食。魯降，旣說太祖拔漢中民數萬戶以實長安及三輔

杜襲傳:後襲領丞相長史，隨太祖到漢中討張魯。太祖還，拜襲駙馬都尉，留督漢中軍事。綏懷開導，百姓自樂出徙洛、鄴者，八萬餘口

張魯傳:漢川之民，戶出十萬，財富土沃......韓遂、馬超之亂，關西民從子午谷奔之者數万家

對比返係搬唔晒所有人，扣返東3郡得而復失，漢中剩返既人口其實唔會真係好小

一代降將

好少降咗仲發展得咗好

你要睇埋地圖

曹洪曹休為左防劉備進攻武都，根本就支援唔到漢中。
劉備係抵達陽平關，同夏侯淵開始對峙，之後派陳式繞道進攻比張郃徐晃擊敗，留意張郃守廣石作為主帥面對陳式軍一萬人都要「率親兵搏戰」。

而劉備冇撤出陽平關而係派高詳係陽平吸引夏侯淵軍，繞道定軍山，曹真傳「是時，夏侯淵沒於陽平，太祖憂之。以真為征蜀護軍，督徐晃等破劉備別將高詳於陽平」

劉備「自陽平南渡沔水，緣山稍前，於定軍山勢作營」劉備率主力爬山突然係定軍山立營，定軍山係南鄭同陽平之間，攻其所必救，夏侯淵被迫率軍係山腳走馬谷設營阻擋，鹿角就係為左防劉備居高臨下進攻，同時亦都召回守廣石既張郃加入主軍。

劉備大舉進攻，張郃係東圍唔夠打，夏侯淵一方面要分兵協助張郃，自己都要親自上南圍防守，都引證左夏侯淵兵力唔夠，劉備把握左夏侯淵親自上前線既機會擊殺夏侯淵父子同益州刺史趙顒。張郃收集軍隊連夜退回漢水北岸的陽平關。次日，劉備率軍往陽平關方向，乘勝而進，進逼漢水

張郃郭淮守住漢水北岸，劉備都冇強渡漢水，但已經有地利上既優勢。

曹仁正史本人都好打得，幾十騎係孫權軍到出出入入

好似係我

同陳式作戰果個係徐晃喎
張郃一直係同夏侯淵一齊對峙劉備, 「郃率親兵搏戰」係打緊劉備同佢D精銳, 最後「備不能克」

而且你講呢D都顯示唔到劉備軍優勢係邊 感覺一直互有攻守, 前期反而曹軍作戰成績仲好過劉備

由建安20年，曹軍可以主動進攻劉備益州，到3年後只能夠防守險地，甚至要撤走數十萬人口，搞到民不聊生。

張郃傳：劉備屯陽平，郃屯廣石。備以精卒萬餘，分爲十部，夜急攻郃。郃率親兵搏戰，備不能克

徐晃傳：太祖還鄴，留晃與夏侯淵拒劉備於陽平。備遣陳式等十餘營絶馬鳴閣道，晃別征破之，賊自投山谷，多死者

廣石係馬鳴閣道關口，陳式領十餘營，備分精兵為十部，軍力相約，應該都係講緊同一支劉軍。陳式部爬山襲擊，張郃死守，甚至要親領部曲上陣，最後徐晃援軍殺到，陳式部敗退，兩傳不謀而合。


劉備入川有數萬人，劉璋部有3萬人，漢中之戰可能投入十萬軍力，夏候淵軍力唔清楚，但既然曹操都要率主去長安，當然係因為覺得漢中之線有危機

劉備打漢中主力出唔到10萬人
先分兵打巴東
再分兵馬超張飛同拖住徐晃起碼分走1/3

當時劉備繞過陽平關直入漢中係一步險棋 因為係行小路 加上糧道容易俾曹軍截

荀攸主軍事，佢阿叔就全面d乜到掂

夷陵死左8成
基本上差唔多GG

曹操傳去到呂布收皮之前佢就死左

應該就冇乜可能十萬人 4年後夷陵之戰「舉國之力」都係4-5萬人 有咩可能打嬴仗動員兵力仲要驟降一半