當年生果報有個財演，預言美國使出金融必殺技「萬劍歸宗」！！

而家預言成真，美國終於出大招，好想呢位財演重出江湖，指點江山！

大棋局：美元萬劍歸宗 - Mr. Tregunter
大棋局：美元萬劍歸宗 - Mr. Tregunter
蘋果日報 2016/01/12 00:00

美元萬劍歸宗三部曲，第一部係耶倫念加息緊箍咒，引導市場預期進入大美元時代；第二部落實加息，擴大全球貨幣對美元息差，要天下熙熙皆為利來；第三部解除40年來石油出口禁令，petrodollar魚貫回流。除以上三部，仲有一招撒手鐧，但講撒手鐧前要先明白一個會計上概念：轉移定價（transfer pricing）。
一間賣麵包嘅公司，如果有自己舖頭，有自己麵粉廠，有自己麵包製作工場，而佢係獨市的話，當外圍麵粉價格大跌你要求麵包減價，佢可以做盤數你睇，麵粉越來越貴冇減價空間。如果間公司係跨國企業，將收益拆散去唔同子公司，例如撥去麵粉廠，而麵粉廠設喺稅收較低國家，間公司麵包就可以賣最貴嘅價，但交最少嘅稅。呢種就叫轉移定價，現實中尤其跨國公司，可以話必然有類近操作。
全球各行龍頭巨企，美國公司佔相當數量，現時美國公司若將海外盈利資金調回美國，要交35%企業盈利稅。於是造成企業寧願將錢泊喺海外，筆錢估計有2.1萬億（美元．下同）以上。去年奧巴馬便曾經提出追稅方案，要向泊喺海外嘅2.1萬億元一次性抽14%盈利稅。如果成事，換句話將有約3,000億元一夜回流美國。
早換早享受　遲換蝕幾球
奧巴馬提出向所有美國公司未來海外盈利抽19%盈利稅。根據美國國會研究報告，美國企業每年海外避稅300億至900億元。如果成事，意味往後美國企業海外子公司每年穩定有57億至171億元回流美國。牽涉咁多錢爭議必然大，奧巴馬任內應無法做，會留待下屆政府再拉鋸討論。就如耶倫念加息緊箍咒一樣，當企業預期有可能要補交稅款時，就會開始將部份外匯轉成美元，尤其大環境係美元獨強，早換早享受，遲換蝕幾球。
將美元萬劍歸宗第三部同撒手鐧兩條數拍埋就會發現一樣嘢。現時美國貿易赤字平均每月400億至500億元，抽海外盈利稅若通過，將可抵銷百幾億元；石油逆差的50億元亦將歸零甚至變為順差。可見以上兩招已抵銷美國貿易赤字一半甚至更多。
直到現時好多人仍唔相信美國加息，並預期美國好快要再推QE4。誠然，今次美國經濟復蘇同過去唔同，一方面資產價格、租金、人工急升易引來通脹反噬，另一方面經濟增長緩慢。但美國唔需要QE4，因為美元萬劍歸宗，就係要嚟取代QE。
當四面八方的資金湧入美國，縱然生意難做，美國本土資金成本平也就如一次QE效果。這篇是《2016大美元時代》系列最後一篇，QE係放，萬劍歸宗係收，天下間並無印銀紙就可逃避經濟循環嘅道理。印銀紙只係手段，目的係從他國取回更多嘅錢填數。當見到外圍資產價殘，美元我花開後百花殺景象時，就係美元再次出動嘅時候。

Mr. Tregunter
本欄逢周二刊出

原來唔經唔覺已經係7年前既事

行得太早都無用

其實都係武肺令個Plan推後三年


無武肺既話，2019年年尾已經收緊水，準備萬劍歸宗

佢最初係香討出文的

其實Mr. Tregunter係咩人？

無咗蘋果之後，都唔再見佢係其他地方出文，佢係封筆定係用咗其他名係patreon寫文？

今次收水好似收割唔到外國好多野

我覺得應該係用其他筆名


同埋我覺得係金融界人士黎

講早左咁多年
有尻用咩
同啲神棍日日話世界末日一撚樣

就係想睇點財富大轉移
美國好似睇到係夾返死自己地區銀行金融機構咁

今次收水好似只為搞鳩中国

因為中途爆左三年疫情姐

佢睇野幾宏觀，有加埋政治同軍事觀點，好難估到佢背景

一句講哂，係咪投資美國好時機

都夠

同埋唔會嘩眾取寵

同一般不學無術既KOL youtuber差好撚遠

大陸無開放金融，又有外匯管制，好難攪到佢，反而中國不斷減持美債，似攪番美國轉頭

其實兩次都係搞鳩中國

第一次2008年，引佢四萬億QE谷高房地產


第二次2022年，吉爆內房個波


當然都要疫情三年習大大玩清0自己經濟內傷

美國玩金融不嬲都係一招


吉爆你個房地產波


日本、西班牙、東南亞、南韓都中過

但美國收割唔到中國啲咩野，反而俾機會內房write-off晒外面啲美元債

屌哪星
吉地產係最毒
有排去復原

以前都有睇Mr. Tregunter啲文

中國經濟越唔好，黨越急住收割韮菜，韮菜資金外流加速。

流左去美國

現在已經好難走資