JPEX 苦主心聲︰唔好再為左搞JPEX而再搞大件事，我只係想拎番錢

霜月步 · 2023-09-18T20:41:30+08:00

呢幾日，大家應該同我一樣，訓唔安食唔落，我同大家一樣係JPEX既苦主，我唔係有錢人，只係一個打工仔，每個月拎住2萬蚊人工，先儲左幾十萬，然後聽講JPEX係一個搵到錢既平台，所以ALL-IN左落去，以為可以一鋪番身，去到宜家一蚊都未拎得番。而呢幾日，亦聽到好多人都同，又問銀行借錢又問屋企借錢，個個都叫苦連天。我唔係一個信仰派，我從來無諗過JPEX係有幾好，發展潛力幾大，我只係諗，我想係JPEX搵錢。去到宜家JPEX出唔到錢，比人話呃錢，我唔知大家點諗，我見到好多人都話要拉邊個KOL，封邊間交易所，係我角度，我唔理佢係咪呃人，我只係想拎番錢，其實究竟拉左邊個真係可以拎番錢，大家應該知係無。我知大家拎唔到錢，好嬲好擔心，但係報警、遊行真係拎得番錢咩? 我只係普通打工仔，但我知道拎錢唯一希望唔係拉哂D人同JPEX執笠，而係JPEX仲繼續營運。我知有好多人想搞死JPEX，但係我真係一D都唔想佢執，因為佢一執，我咩都無，我辛辛苦苦儲左咁多年既錢就無哂，而我更加知道有更多比我投資得更多既人都係借番黎，唔知有幾多人會破產、跳樓。我唔知JPEX宜家客服仲應緊人係咪拖時間，但係我只知道佢唔可以執，我希望咁多位苦主都諗一諗，宜家應該係要點做，究竟拉哂D人係咪真係有用 BTW，作為一個唔想JPEX執既人，SFC作為政府機構，去到宜家都只係叫佢搵警察，佢完全無諗過JPEX執左，香港有幾多人會無哂D錢同埋變負資產，我作為苦主，呢D係我想講既野，而只係想JPEX執又無投資既人，希望你地都幫一幫投資左既人，唔好再為左搞JPEX而再搞大件事，只有JPEX係SFC拎到牌，拎錢先會有一絲希望來自苦主 GROUP