[Thru-hike] 法西邊界 Haute Rouste Pyrenees 全走

晚餐精美 好似好高級

Hos會出嚟講下煮左啲咩之類
雖然佢講法文聽唔明，但好有fine dining嘅feel

樓主寫得好好睇

冇咩行山camping經驗想問下太陽能板差電差到幾多? 主力都係山屋先差?
仲有水壺係帶幾多水? 係咪要裝山水過濾飲?

多謝支持

要睇下塊太陽能板幾多w，我個塊21w
如果曬全日都差得滿一個10000mAh嘅尿袋
所以如果唔係好似巴斯克咁日日陰天，其實唔洗山屋都夠做

我係用一個1L嘅水樽再加個2L嘅水袋
通常起步都裝2L(1L樽+1L水袋)
唔夠嘅途中再fill溪水(當然用filter)

Day 53
今日係Grade 3
但係都係好滿足嘅一日

起身出發都係攀升
今日一開始要攀升1100左右
都唔急的，好大段都係慢慢上
一開始係林路之後就開始開揚啲


呢度已經係望到個pass,好開揚
感覺好自由

上到個pass之後就係今日嘅重點
基本上全程都係係ridge度行，所以360度環迴山景

路就唔難，基本上全部都係咁上下
有少少唔明點解會係grade 3

所以直接睇相啦！







經過左一大段大飽眼福嘅ridgeline walk之後就開始落山
中間我地都有少少明點解係grade 3
因為全日嘅路程長，仲要無咩水位
好彩都夠飲

就係我地好口渴嘅時候終於經過一條小溪
可以裝下水抖下
仲有意外驚喜


係Pyrenees羚羊
其實沿路都會見到，只係通常離遠見到佢地已經走
今次呢堆都唔太驚人，我地係度抖加影左好耐先捨得走

之後行左半個鐘至一個鐘左右就到終點
係間山屋隔離起營，但係呢間山屋好奇怪
唔入去瞓就無得痴餐
所以我就自己煮算
食完嘢就瞓左陣之後起身影星

今日真係狂影，勁滿足

Day 54
今朝起身partner突然間話隻右腳勁痛
問佢係唔係扭親定點，佢又話無
就係無啦啦勁痛

所以一開始落少少個陣都行左好耐

落到去係一個類似ski resort嘅地方
有間餐廳
Partner話腳痛同肚餓(?)所以係個度停左陣食左啲嘢

食完再上路
一路都就住partner慢慢走，都有另一番風味



今日好大段都係平原，上落都唔算多
不過都22km



中間同partner分開左行
後尾見返佢，原來佢食左止痛藥好啲了
之後就落山


落到呢啲路，就嚟到了


嚟到呢度，終於到了

今晚住山屋
因為之前逐間check嘅時候
呢間山屋啱啱好得返2個位就果斷book左

亦都好彩book左，俾partner都可以休息得好啲
食過晚餐後就休息

出外行山 真係怕整親腳仲多過怕病

終於live返
見你打咁多字有啲唔慣
唔知有冇機會行到條long distance trail呢

想行嘅總有機會嘅

Day 55
今日又是grade 3
不過我地將佢斬開2日所以其實唔太難
原本係27.5km，我地今日就只係行13-14km

今日又係有座呢區好出名嘅山 - Pic du Canigou
臨上頂有條signature嘅Cheminee(石梯)
但係礙於partner隻腳出事，我地都打算行繞道輕鬆啲

不過出發前partner啪左止痛藥，去到原路/繞道嘅分叉口嘅時候佢都覺得ok
所以我地最後都係上Canigou!

上嘅大部分時間都係同平時嘅山路無咩分別
最多都係有啲位rocky啲，窄啲


上到尾段就嚟到條Cheminee


原本聽到要爬，其實有少少淆
不過其實佢握手同踏腳位都多同大
所以爬落都幾好玩



上到頂個風景都唔錯
如果能見度高就可以見到地中海
可惜今日麻麻，唔係好睇到

係頂睇下風景抖下就落山
落山都落左一段時間
尤其partner落山隻腳就開始好痛

不過其實去到今日終點間山屋都係2,3點
我地起完營就係山屋出面飲啤酒

山屋出面就隱約望到地中海，就嚟到了！

去到晚飯時間
partner隻腳嘅情況突然急劇下降

俾山屋老細睇過之後，都係建議退出
仲話聽日會有補給嘅車上嚟，可以搭順風車落city睇醫生

無奈之下partner唯有選擇落山休息下睇下情況會唔會有好轉，慶辛嘅係精彩嘅佢都玩晒
(雖然佢最後休息左幾日之後都玩埋最後幾日，去到地中海)
但我已經book晒trail之後嘅行程，所以我同partner傾過之後決定自己玩埋條trail淨低幾日

畏高症爬唔到
最後巴打完成埋條trail 而partner係山下嘅城鎮等休養兼等你咁樣?

係
我到終點嘅第二日佢就重返再完成埋

Day 56
人總需要勇敢生存
雖然有少少誇
但係突然變solo總會有少少擔心
話晒都未試過solo行多過2日1夜

好在最後呢5日都無乜大困難
所有難嘅都過晒了

今日只係原本guidebook進度嘅下半日
所以只係好短，仲要落山為主


中間見到堆羊好似上似啲馬咁避太陽

好快係lunch前已經到終點嘅山屋，係個度食左個幾好味嘅pasta抖左陣就去起營
之後就一直留係山屋同其他hiker飲啤傾偈

原本我都諗過行多啲
但係今晚個間山屋嘅早晚餐都係之前book好
仲要俾埋訂金，無得走

去到晚餐，山屋特登安排solo嘅hiker坐埋一齊
同枱嘅hiker都好熱情，一齊講下自己行邊條線，向邊邊咁
仲約埋聽朝7點一齊食早餐

晚餐食得好開心，返到營附近又傾多左陣
之後就瞓了
係最後一晚瞓營，之後都係入屋瞓

啲羊好得意

Day 57

一早起身執嘢7點食早餐
同尋晚認識嘅hiker吹下水再作道別
(尋日唔記得講，有一個同方向嘅HRP hiker尋日只係Day 25)

道別過後就出發
其實我今日唔洗咁早發
因為只係落1200m左右再行5km左右嘅公路就到
不過尋晚約左，就照早起身食早餐出發

都係普通山路落山
中間有穿過雲霧，所以都比較濕

只係用左兩個鐘左右我就落到town
買左個牛角包食下我就繼續上路
5km公路無咩特別，少悶

11點幾我就到左終點個town
酒店都唔俾我check in住
唯有係附近食個lunch再hea下

check in之後沖個涼就去洗衫
下晝出左太陽，加上落到只有海拔200m
天氣變得好熱，基本上沖完涼又出汗
(酒店仲要無冷氣)
終於要面對地中海嘅酷熱天氣

係酒店發下吽哣執下相就到晚餐時間


前菜要食啲凍嘢涼下

食完嘢返上房再沖左多次涼
再睇埋場英超先瞓，寫意到唔似行緊trail
事後睇返尋日同今日應該連埋一日行晒，但係一早book晒嘢都無計

留名

晚餐睇落好似幾高級
試過熱天住冇冷氣酒店 仲要冇風扇 碌到兩點先瞓得著

Day 58

係酒店起身食完早餐就出發
係個town好快就有一條路轉入山路

今日係最後一次大攀升，之後最後個2日就唔會有呢啲連續上1000m嘅情況

不過路況就好輕鬆，好易行嘅山路
唯一嘅敵人就係熱
朝早出發都仲還可以，去到10點打後個太陽就會好似癲左咁晒到痴線

有種想起係香港夏天行山嘅感覺
不過香港係比較濕同焗多啲，無呢邊咁熱

今日嘅路無咩特別，上一次再落就到
長度都唔算話好長，所以我午餐時間左右就到

Guidebook就話有間小屋可以住
去到係無鎖門，空無一人
我問附近餐廳佢就話管理嘅人係住係屋嘅樓上
但係我完全唔見人
佢又係門口寫話for book左嘅人only，我就唔好意思入去擺低嘢
所以我帶住我嘅行裝係餐廳外面hea左好耐

好彩嘅係有其他hiker今晚都係呢度stay
(佢地有打電話book)
佢地就叫我唔好理啦，入左嚟放低嘢同沖涼再算啦
於是我就帶住唔知得唔得嘅感覺入去settle

沖完涼都差唔多晚飯時間
都係無人出現同收錢
於是我地都去餐廳食嘢先算

嗌左個拼盤
其實沿途都有唔少地方有呢啲hiker拼盤
多數都好吸引到我
因為咩都有啲，唔洗諗食乜

食完嘢返屋休息下
去到9點終於有個人入嚟收錢
終於安心啲就好快入睡了

拼盤好正 樣樣都有

Day 59
嚟到尾二一日

朝早煮左2包脫水糧食
反正仲有淨，又可以減輕重量
食飽飽咁出發

今日會由500m上到70pm左右再落到200m就上返900m，少v仔路段

前半段大多數都係呢啲路，闊又平慢慢行
聽住歌行好chill
(有時會唱埋出嚟，反正無人)

行到中間就落到200一個個town，勁多人
同埋太陽開始猛烈

於是停低左陣嚟左個beer break
再加啲自己嘅nuts行動糧，有feel

抖到咁上下就上路，今日最後嘅上斜

其實都唔係話好斜，只係已經差唔多中午
再加上上斜就好熱
中間仲要有段無遮陰，曬死

行到上今日停低嘅山屋先1點
上房擺低嘢就係餐廳食個lunch先

介紹下，HRP終點個名係Banyuls-sur-Mer
sur-Mer嘅意思就係海邊、海濱咁解
所以其實個名係Banyuls
而呢個lunch個牛扒汁就係Banyuls汁
我一見到已經毫不猶豫要嗌
點知勁好食，甜甜地咁好開胃

食完就返房沖個涼休息下
其實最後呢5日都係lunch前到都幾寫意
(如果無咁熱就會好啲)
我幾乎每日都會有不如行多啲嘅諗法
但係有啲嘢提前book左就令我有籍口偷懶

係思考呢啲嘢之際，我發現今晚間房

好大機會得我一個
其實有其他hiker，但係佢地係兩三個人一齊行
山屋好似安排佢地有獨立房仔瞓
而我solo就瞓咁大間dorm
幾搞笑


晚餐
左上個個焗芝士之類幾好食
晚餐全枱人都係講法文
我唯有那年十八咁食完餐飯

食完就瞓
呢幾晚主要因為熱，都要啲時間先瞓到
今晚尤其，諗到聽日終於完成就興奮

諗起歐洲就算曬到趴街 都唔會有人擔住把遮行山
唔知擔遮行山係咪腥港特色

山路我地唔會
但係平路/公路個啲我地都會開
舒服好多

咁河邊 平路都見過啲當地阿姐擔遮嘅山路真係冇㗎

因為山路擔遮都好唔方便下
又要擔心俾草刮爛，又要用一隻手
用hand free kit綁係背囊帶上斜睇路又唔方便