[Thru-hike] 法西邊界 Haute Rouste Pyrenees 全走

話說小弟啱啱去完歐洲三個月，主要就係行標題講嘅Haute Route Pyrenees(之後簡稱HRP)。

Pyrenees(比利牛斯山脈)，位於歐洲西南部，山脈東起於地中海，西止於大西洋，分隔歐洲大陸與伊比利亞半島，也是法國與西班牙的天然國界，中間有小國安道爾。(from wiki)

Pyrenees出發前係香港好似聽都未聽過，中文資料都唔係好多，同人講話行法西邊界，個個都係問係唔係朝聖之路
但其實係歐洲都幾出名，好多人都會全走整條山脈，亦即係trans Pyrenees。

Trans Pyrenees多數人都會由大西洋向東行穿過Pyrenees，行到去地中海邊完結。當然途中都會見到唔少人係相反方向。

主要分別有三條路線:
-GR10(紅色)
全程留係法國境內，長度係三條入面最長，但係因為總攀升最少，加上會經過好多town，亦都係難度最低。

-GR11(藍色)
全程都係係西班牙同安道爾境內，長度同難度都夾係GR10同HRP之間。

-HRP(黃色)
其實就係GR10同11以外嘅路線，起點同終點同GR10一樣，但係唔似GR咁有標記(有啲路段會同GR重疊)，主要往高處走，途中不停穿越法國西班牙國界嘅路線。
亦正正係一條unmarked trail，所以無話有一條限死嘅既定路線。







第一次寫遊記，文筆唔太好，希望唔會中途棄左
如果想睇多啲相可以去ig睇
https://www.instagram.com/w.7___/

出發前同行嘅friend都搵左本guidebook一齊去plan點樣行晒成條，入面都幾詳細。
分開晒每日點行、係邊度過夜(guidebook盡量都係plan係山屋過夜)、Water-point、途中有咩設施等等。

根據guidebook講HRP全長748.5 km，總攀升51,190m
雖然我地都唔係完全跟guidebook行，但係最後tracking係行左890.2 km，總攀升71,586m

同埋Guidebook將成條trail分開做5個sections，總共44 days(無rest day)。
我地最後行左47日，計埋rest day總共用左60日


出發前磅嘅base weight
因為有埋相機腳架之類，都唔輕

Lm

Haute Route Pyrenees
標題打錯字

好，即刻嚟第一日！
第一日我地就已經遲左起身
原本諗住搭頭班車去起點出發，最後遲左一班車


因為成條路線係一個海去另一個海，有個傳統係出發前係大西洋游下水，完嘅時候又係地中海游下。
但係我唔太中意係海灘游水，所以我地出發前係大西洋裝左少少水，諗住去到地中海將佢地溝埋一齊，算係有個少少嘅儀式感


GR10嘅起點牌
最後我地8:20先出發


一開始都係喺海邊行，之後就轉入一大段村路，都無咩特別，去圖中諗著終於入到山路，點知先係惡夢嘅開始


1-2km都係呢個密度嘅爆林，仲要啲草係勁刮


啲草刮到咁



離開左密林路之後跨左一個山仔，終於有得食個晏
食完個晏再上路，天氣就變到超熱，但係仲要過多座900m嘅山先完

就係咁，我地係大曝曬嘅情況攀升左600米左右，條路都幾斜下，咁就行左3個鐘



途中見到我地成條trail見到嘅第一塊界石，之後成日都見都無乜點影了
上到La Rhune，有幾間小食店(個山頂有得搭火車上去的)，但係得一間有人，仲要準備收檔，即刻買罐可樂gur下

個老細一知我地係行HRP就即刻話HRP太難啦，勸我地行GR10



最後就落到Lizuniaga結束漫長又痛苦嘅一日，其實已經夜晚8點半，但係個度差唔多10點先日落，所以睇落好似仲係4-5點咁

起營位隔離有間餐廳，我地嗌左呢個烤肉盤，正到

第一日guidebook寫行8個鐘25分鐘，最後我地行左12個鐘立即意識到唔簡單了
仲要臨瞓之前抽左幾次筋，坦白講已經有少少想棄

而家睇返都真係頭五辛苦嘅一日

第一日行到咁攰，一覺瞓到天光都係基本
因為尋日比預期中行慢左好多，所以我地起身執嘢之後連早餐都無食就出發，就係為左早啲出發時間鬆動啲




不過行左一個鐘我地就見到餐廳，就忍唔住坐低食嘢抖下

一路行都開始越嚟越多雲。
經過尋日嘅曝曬之後，就覺得今日係太陽好行好多

再加上今日大部分都係呢啲路，唔太辛苦


經過一輪攀升就開始大霧，guidebook話落去嘅路唔明顯，需要啲即興。所以我地就跟佢提供嘅bad weather variant，跟住GR 11落山，再行5km公路去返今日嘅終點


去到終點因為無位起營，所以我地入左酒店瞓
真爽

第二日雖然都長，但係因為唔熱、路況都簡單，所以都快過guidebook講嘅時間

呢度第一次見有巴打分享呢條路遊記
留名支持
條路沿途物價係點？例如第一日既烤肉盤同第二晚既酒店

山屋嘅話half board都係50歐左右
晚餐通常20-25歐左右

個烤肉盤已經唔記得幾錢
第二晚酒店68歐2個人，好似仲包早餐

山上感覺平山下少少

完全冇諗過歐洲行山要爆林
利申歐洲只行過啲容易嘅山徑

有趣lm

完全冇諗過歐洲行山要爆林
利申歐洲只行過啲容易嘅山徑

呢段路都好多唔同地形，不過之後都好似無咁密嘅林
一時好grassy，但係突然又會好rocky
仲有唔少boulder field

有一日全日無"路"，全部都係大石
行到崩潰

係酒店食個靚早就出發第三日


頭兩日分別行左24.5km同25km
第三日只係需要行13km
基本上只翻過一座山丘就到

不過經過左一段攀升就開始落雨+大霧
得少少路胚，只可以跟個gpx方向行

之後轉入一個樹林就細雨返啲，不過搵路都搵左陣
因為又係無路標，只可以跟大約方向同路胚行



行到咁上下終於搵返條路
前路都開揚返少少咁落山

終於見到終點個town


雖然落雨令到搵路麻煩左好多，但其實今日都只係行左四個半鐘。落到town都唔夠三點。

本來諗著係town食嘢+補給，但係咁啱就係我地去到個日啲鋪頭唔開，加上時間尚早，所以我地都有掙扎過係唔係應該行多少少聽日嘅路程。

不過最後我地行多幾步就發現有間bar有開，仲有晚餐食，都係停低算

係營度睇左陣youtube出嚟發現其他人係睇書/寫日記，即刻有種覺得自己虛耗光陰嘅感覺

Day 4!
起身執嘢之後我地去左town入面嘅士多補給左啲食物+食早餐就出發

經過一輪攀升之後，景色終於比較開揚


綠油油嘅山再加上陰天好有巴斯克嘅感覺
講到巴斯克地區，其實成個Section 1都係係巴斯克入面行，仲未入到Pyrenees嘅高山區域

巴斯克地區位於西歐庇里牛斯山西端的法國、西班牙的邊境一帶，包括位於西班牙境內的巴斯克自治區、納華拉（南巴斯克地區），以及位於法國境內的北巴斯克地區。該地區為巴斯克人聚居地，通行巴斯克語。(from wiki)

而喺香港聽到巴斯克基本上都只係有人識巴斯克芝士蛋糕
其實我都係今次嘅旅程先認識到呢個地區
類似加泰隆尼亞(Section 4同5都會經過，巴斯克都係位於法國同西班牙之間，有自己嘅語言同文化。
所以無論法國定西班牙境內嘅巴斯克人，感覺都好似同法國/西班牙人有少少唔同

Any肥，巴斯克地區因為近大西洋嘅關係，天氣都係經常陰天同落雨，所以我同partner都覺得綠油油嘅山同陰天令到巴斯克好有一種神秘國度嘅感覺



霧林都係巴斯克嘅signature之一


我地行行下又變成咁
基本上除左第一日之外，Section 1日日都係霧同雨中行走

Day 4 原本guidebook係話落town有酒店瞓，但係如果落左個town嘅話聽日要走回頭路，所以我地係繼續行多少少聽日嘅路程搵位過夜

因為呢段路同朝聖之路有少少重疊，所以沿路好似都見到多啲人



最後我地搵到間避難小屋過夜，係入面遇到個德國女hiker，但係佢係玩朝聖之路嘅，不過佢係係屋企出發開始行由德國行到嚟法西邊界，山上果然咩狠人都有

講起德國女hiker 呢啲真係「山系女孩」
腥港嗰啲露下波 著條瑜伽褲 擺上IG而已

德國起行朝聖之路又真係太誇

嚟到第五日，一起身見到少少陽光同藍天已經覺得有啲奢侈
不過行左幾步已經入返霧都慣晒，只可以繼續向前行



每次開天都忍唔住停低影相
但係影完又係衝返入霧

行下行下去到一個山谷
落嘅時候因為啲草濕所以跣跣地
再加都比較斜，所以都落得好小心


落到個山谷底再上去嘅時候又覺得個谷幾有feel

過左個谷之後行多個幾鐘我地就係路邊搵左個位食晏
一路食竟然一路出太陽，即刻拎塊太陽能板出嚟差電同埋搽防曬

食飽再上路，但係估唔到係完全無路，直接猛虎硬爬山



大約係咁斜左右
今次係連路胚都無，真係淨係跟住gps行，所以我一度懷疑行錯路，但係最後又俾我地接返之後嘅路繼續行

唔知係唔係因為上個個草坡太攰，之後我個腳腕就細拗左一下，趷吓趷下咁落去今日嘅終點

今晚停左係一間類似尋晚嘅unmanned hut，不過有廁所同熱水沖涼，所以係咁意食啲嘢再沖涼就瞓了

D相好靚，果然好似巴打咁講，好有神秘國度嘅感覺
繼續留名支持

無路胚 同太多路胚都容易盪失路

Lm

Day 6

因為早兩日加埋超前左guidebook進度半日，所以今日只係好短

點解唔行多啲？
因為我地早幾日睇天氣預報見到聽日有雷暴，同時guidebook話day 7係grade 3

我地之前個啲都係grade 2，所以都唔知grade 3到底會有幾難，所以就諗著係day 6嘅終點rest一日睇下天氣點再決定照上day 7定行繞道


所以今日完全無特別咁係霧入面行左3個鐘左右就完


去到又大風又濕，覺得好凍，忍唔住飲杯熱朱
(平時唔太中意飲熱飲)

終點係好似一條山上嘅渡假村咁，有幾間獨立小屋。
同時因為佢都係GR10同HRP嘅交匯點，所以佢都有間類似山屋嘅小屋for hiker住

佢係一間屋入面有差唔多10間房，唔似山屋嘅大通鋪/碌架床，最估唔到係有冷氣
而同山屋相似嘅地方就係價錢一個人只係15歐一晚

Day 7 - rest day

行行下就已經一個禮拜，其實嚟歐洲行之前我最長都只係行麥徑嘅四日三夜，唔經唔覺已經突破左

Rest day都係休息下，執下嘢同plan下之後點行
但好死唔死今日竟然出藍天，中晒伏

講到尋日rest day竟然出藍天

Day 8 最後都係呢啲天氣，所以我地決定行GR10繞道去Lesun(Section 1嘅終點)先再join 返HRP

今日得16km左右，除左一開頭有少少上坡之外，大部分都係落
不過一開始都係keep住落雨，所以都無乜停留，小心翼翼咁快步行

之後開始停雨就迎接嚟緊呢幾日行GR10嘅最大障礙

濕泥
速度減慢勁多，無乜落腳位係實淨，好容易就陷入去，搞到成腳泥

幾勁辛苦終於脫離一段濕泥路，轉落山


好彩都有啲開揚少少嘅景睇下

落到去今日嘅終點我地就係山屋隔離起營


俾8歐(好似係，唔太記得)，包廁所、廚房、沖涼
好彩有得沖下涼，如果唔係成腳泥入營瞓都幾殘忍

Day 9

今日路程比較長，係咁意食個早餐就出發
因為尋日不斷落山落到好低，所以今日一早都係不繼上攀
去到咁上下就經過一條吊橋

睇落都係一個景點，好似都見到有啲人揸車我地起點位行過嚟望下
過左條吊橋之後就係一大段平路，比較悶

好似去到呢個瀑布左右轉個彎又繼續上山
一路係啲草坡上斜，上到咁上下接返車路時又開始落雨

呢個時候就發生左段小插曲，因為落雨所以諗住攞塊眼鏡布出嚟抹下眼鏡。點知抹抹下整甩左個鼻托，但係成地都係黑色碎石，搵左勁耐都搵唔到最後唯有放棄，繼續上路

途中有啲位開揚啲又開下天咁，都幾靚



行完呢段車路之後我地搵個位食左個晏又休息下，之後上多一段仔就又開始落山了

落山一開頭有一大段路係公路，之後又轉入啲濕泥路，唔小心跣低左搞到成個下半身都係泥
但係仲未衰完過左無幾耐就係條小路又再細拗多次
不過印象中個陣都唔係好灰，仲係覺得咬實頂硬上唔知點解幾有火

幾經辛苦終於落到啲村路，見到有光照到對面山
忍唔住停低影左陣

過左呢度之後，行多4-5km上上落落先到終點
因為已經好攰，只係靠意志捱落去


終於去到終點條村
因為今日行左25km+，身心都好疲累，所以都想入屋half board
但係可能因為係GR10比較熱門嘅關係，full左
唯有係隔離瞓營，好彩佢都有啲嘢食買同有得沖涼
都已經無咩力氣做啲咩，快快手食啲嘢，沖個涼就瞓

一向覺得晴天影相先靚，但睇左呢個遊記既頭幾日，陰天影雲海都幾有意境
繼續留名支持

雲霧其實幾好feel