[Thru-hike] 法西邊界 Haute Rouste Pyrenees 全走

Day 44

一起身見到個月幾emo就影低
食過早餐之後就上路


一開始都係呢啲舒服緩慢上斜嘅山路
跟gr11嘅guidebook係3個半鐘上到間山屋，個度就接返HRP
我地只係用左2個幾鐘就上到

係山屋食個sandwich飲杯啤之後
我突然間想試下繼續行GR11落個個town
一嚟town有餐廳，二嚟再搏下有無得買gas
掙扎左一陣，partner話睇我頭
我地就決定延長今日嘅路程！
(本身行多2,3個鐘就到)



山屋過後都係一路上無咩特別
係一路上嘅時候望到隔離就係原本要行嘅pass就諗點解自己唔揀返原本嘅路

上到去一個湖開始啲路就好似上面兩幅圖咁
開始變得rocky
但有GR mark搵路都舒服


臨上到pass嘅一段路
勁碎嘅碎石路，仲要勁斜跣到sir
唔夠膽就咁行，扶著隔離啲大石爬穩陣啲


上到呢個pass
就係西班牙同安道爾嘅國界交界
後面座山就係法國
完全體現左HRP嘅有趣位



個pass仲要好好景！
仲有，個pass收到電話訊號
所以雖然已經4點幾，我地仲有好多路行
但係都停左係度一陣

仲book埋今晚嘅酒店
決定住返次四星嘅慰勞下


之後快快手衝落山
雖然話衝落去，但因為路太長嘅關係
我地最後8點半先到




全程trip唯一一次四星酒店
間房勁大，有梳化仲要有個廳

快快手沖個涼就去餐廳食嘢因為都夜了
食左勁多嘢勁貴，但係都好好食

安道爾係法國同西班牙之間嘅一個小國
官方語言係加泰羅尼亞語
係一個滑雪勝地
同時聽好多歐洲人講都係一個shopping勝地
因為免稅，所以好多歐洲人都會突登去shopping

仲有，安道爾週圍都係wifi
因為大部分嘅歐洲跨國sim卡都唔包安道爾
(我都唔記得左check，所以都收唔到)

因為我地一到安道爾就係四星酒店同幾好食嘅餐廳
所以對安道爾嘅印象都好好

食飽飽洗埋衫都12點
一攤落床就秒瞓了

過咗個pass真係幾好景 別有洞天風景完全唔同
係安道爾食咗咩嘢?

其實唔太記得
好似有意粉、牛排、薯仔加醬

Day 45
因為尋日行得多
今日又唔洗行太多，加上攰
所以我地決定抖到12點check out先起步

check out之後就去shop睇
終於買到gas呢個鬧劇終於結束
partner都係supermarket補給埋食物就終於出發


一開始都係呢啲斜斜地嘅林路
一直上到頂

就開揚少少，不過好快就落山都係頭先啲林路
一路落就到一個town，可惜無餐廳
但係個陣已經兩點幾，最近又順路嘅餐廳好似係三點定三點半收
(歐洲，尤其西班牙都幾興下晝落場)

即刻快步衝過去
好彩最後都趕得切
食完仲坐到差唔多四點先走

之後都一直行公路接返上HRP

黃色係HRP
淺藍係我地行嘅路
深藍就係GR11

公路去到咁上下就接左一段仔山路(2km左右)
就到今晚瞓個間山屋

山屋都有兩星級，勁到


外面有啲太陽凳，好chill

去到都好似係6點左右
放低啲嘢我地就飲杯等食晚飯
(今晚瞓山屋，因為佢個網講到好吸引
guidebook都話有large menu)


山屋嘅晚飯，添左幾次
竟然係包埋紅酒
感覺安道爾嘅山屋好似係歎啲咁

食完飯同山屋嘅人吹左陣水就沖涼瞓了
呢間山屋嘅房係4張碌架床，唔多人之餘夠獨立
所以幾舒服，瞓得幾好

山屋好有villa feel

Day 46
朝早起身係山屋食過早餐就執嘢出發
難得出發嘅時候未有太陽照到
但係我地已經係成間山屋入面最遲出發

嚟緊呢三日嘅路程係guidebook入面係兩日
但係我地為左可以食到guidebook寫good meals嘅山屋，所以界做三日
所以今日嘅路程十分短

今日只係上一個pass落一半就到
所以無乜嘢講唯有用相轟炸

上左800m左右就到個pass

pass望返轉頭
我發現自己都幾中意望返轉頭，睇返自己行過嘅路

係pass留左無耐就落去了



沿途風光


12點幾就到今晚休息嘅地方
係一間unmanned hut，有幾個碌㗎床架，不過無床褥
我有諗過不如行多啲，不過partner唔想就算


早到指定動作：瞓晏覺

瞓完晏覺hea下就煮晚飯食
(已經唔記得做左啲咩)

食完就早早休息
因為之後半夜我地起身去左影星

冇窗簾咁光都瞓到
夜晚相靚

其實成程無論咩情況都係隨時瞓得著

咁先好
不過亦反映出你哋好攰

Day 47
今日雖然無尋日咁短，但依舊都係比較輕鬆嘅一日
出發無耐就上一個pass
上左大概400m左右就到
guidebook話上到pass轉左再上會好靚
所以我都上去睇下


的確唔錯

之後就落返去pass再落
落左一陣時間就到一間unmanned hut
係個湖隔離，都好多人係個湖hea
因為頭先落嘅時候partner擦損左下，所以都係度hea左陣消毒包紮下


初頭見到成埋馬係山屋隔離頭dup dup唔知做咩
行到去發現原來係匿埋山屋後面乘涼，幾搞笑

包紮好就繼續落，落到一個谷底又再上

上嘅沿途啲山都幾靚

行左一段上上落落就到今晚休息嘅山屋
今次係有人嘅

不過我地係出面camp
只係入山屋食嘢


山屋出有吊床同平衡繩玩下
係一個幾chill嘅環境

但係山屋食左咩我就無影低
亦都無咩印象

食完晚餐係山屋外hea左陣睇埋日落就瞓了

啲馬好得意 怕曬
要好relax 啲馬先會露天瞓係度

原來係咁

馬本身好細膽 高警覺性 少少嘢已經緊張
去過馬廐 離遠見到啲馬係馬格內瞓覺 但行近 佢哋已經即刻彈起身

Day 48
今日係Section 4最後一日
亦都係離開安道爾返返法國嘅時候

起身係山屋食完早餐出發
今日都幾曚

一開始經過兩個湖，咁啱又無風
又有得影倒影

中間有啲位要爬下，唔小心擦損左少少

繼續上嘅途中嚟到今日嘅重點

終於影到guidebook嘅封面！
行長途就係要俾自己有呢啲小目標先可以繼續行落去
淨係望住終點太遠啦

影完就繼續上

上到個pass就係安道爾同法國交界
bye bye啦安道爾

之後就一路落多
一開始比較rocky，經過左幾個湖之後啲路就好行啲


再落就到今日嘅終點
係一個細town，不過有train去到巴黎
都幾方便
方便到有諗過不如唔行Section 5
因為越近地中海就越熱
(呢個都係Section 5最後嘅挑戰)

我地係4點左右就到
book左類似山屋嘅小屋住
(分別就係有獨立房)
但係點知看守嘅host出左去無開
搞到我地等到差唔多6點先上到房
即刻快快手沖涼


晚餐嘅前菜
主菜無影到，唔記得係咩了

食完都係執下相就瞓
有咩聽日rest day先搞

爬位嘅繩係自己打釘整 定本身嗰度有?
個景同書一樣 冇呃人

本身有
間唔時有啲窄啲嘅位都有繩

Day 49 - rest day

今日rest day我地搭train出左Toulouse
食左個lunch再去迪卡濃同supermarket補給

之後就搭車返去
其實搭車同逗留嘅時間都差唔多

返到去已經係晚餐時間

竟然係算係比較乾身嘅飯
係歐洲真係無乜飯食

之後就早早休息
聽日就係最後一個Section!

當時係歐洲四個月冇食過飯直至上到飛機
冇特登去搵飯食

Day 50
今日開始最後一個Section
Section 5 係5個section入面最長(190km，我地分左11日嚟行)
亦都係最熱嘅一段
一嚟因為會落返1000m樓下，二嚟越嚟越近地中海，地中海個氣候真係十分之熱，中午係可以去到35度以上
所以都係一個大考驗
(我原先以為最後一段會係快快手完，會係比較輕鬆)

好，講返今日


今日十分之短，10km都唔夠
仲要都只係呢啲路

原本我地係有諗過行多啲
(聽日係grade 3，路程長而且有比較technical嘅路段)
但係再行嘅話就只可以係湖邊camp
而今日嘅weather forecast又話4-6點左右有thunderstorm


所以我地就係行左三個鐘多啲就到嘅山屋隔離起營
好好彩我地去到先問都有得痴早晚餐食


最後去到6點都只係落雨
我地都有諗早知行多啲，不過forecast咁講
其實都係瞓山屋隔離，有個照應好啲



去到晚餐，係好好味嘅雞肉加薯蓉
添左勁多！
甜品都係難得地有誠意，所以先有影低

食完就返入營瞓
仲係落緊雨，但係有啲雨聲都幾好入睡
不過我地都較左鬧鐘半夜起身，因為今晚係英仙座流星雨嘅最大期！

講起呢個英仙座流星雨，我地曾經有諗過為左影佢放棄條trail，去搵位影
又或者係Section 4嘅完結時，離開條trail去返Section 2嘅Vignemale個頭影
不過最後睇forecast個邊唔好天算數
諗住繼續行，影到就影

最後半夜起身開天，全晚都係無雲
仲要影到粒火流星！勁開心！
不過可惜無用肉眼睇到，因為聽日仲要行(仲要唔係少嘢)
所以set好機睇左陣就去瞓，由得部機係度影

Day 51
今日係grade 3嘅路
而原本尋日嘅雷都順延到今日

不過一早起身幾好天

一開始就係上個pass
啲路都無咩特別，都係上300-400m

個pass望落去有兩個湖
向著佢地落就到一個分叉口

因為今朝weather forecast轉左今日有雷
所以我地都諗著行GR10兜路，唔行今日重點比較難嘅Pic Carlit
但係去到分叉口嘅時候，天氣仲好好
加上weather forecast有好轉
所以我地最後都係決定搏下，挑戰雷神！


沿湖行再行一大段就去到Pic Carlit嘅山腳下
Pic Carlit係Pyrenees東部最高嘅山，海拔2921m
所以都吸引好多人嚟行
不過多數人都唔係呢邊上


因為呢邊上頂嘅都係好斜嘅碎石路，不過唔似個次去安道爾個日咁跣，所以都還好
係比較斜比較食體力


不過我地一路上，個天氣就一路轉差
上到頂仲keep住有雷聲



不過都係因為有雷雨係附近，令到啲光線都變得特別


不過都淆底，所以都急急腳落山
但係當地歐洲人又好似無乜嘢咁，完全唔驚
我地即刻覺得自己好廢

落山之後仲要穿過上面張相啲湖
路程又唔短，啲路又唔平，又上上落落
感覺仲煩過Pic Carlit

終於到終點，係一條提壩，附近有酒店同山屋
今日行到有啲啲攰，想入酒店瞓
可惜無位
(山屋就之前已經問過無位)
唯有都係係山屋隔離camp
好彩嘅係，有得入山屋食早晚餐

食完嘢好快就去瞓，好攰
(今晚有起身影流星雨，但無乜收獲，相都無執了)

但係當地歐洲人又好似無乜嘢咁，完全唔驚

可能佢哋經常遇到咁情況 已經無感
而且劈唔劈中天註定 驚嚟都冇用嘛

劈唔劈中注定都啱嘅
但始終山頂都係高危啲
谷位就安心啲

第3張圖係真係見到?

見到啊 係肉眼睇無咁明顯

Day 52
今比較輕鬆
Guidebook都話只係grade 1

出發無耐都係延續尋日完結嘅路，都係係啲湖穿梭

有啲流水響嘅feel

過晒啲湖之後就迎嚟緩慢嘅落山路

大約4-5km都係呢啲路
之後就落到town
我地就稍作休息食個lunch


食完lunch直到終點都係行公路
算係一個半rest day

不過今日嘅重點係住個度嘅晚餐
Guidebook表示係excellent meals


的確幾有心機同好好食
算係成條trail最好食個餐

今日都無做啲咩就休息
聽日又係grade 3了