[Thru-hike] 法西邊界 Haute Rouste Pyrenees 全走

唔同天氣都有唔同feel
不過有揀我都係中意晴天多少少

Lm
師兄真係好癲 有冇遇到咩危險嘅wildlife

唔癲啦 沿途好多人當食菜咁行

Wildlife都無咩特別有威脅性，guidebook話成個Pyrenees有大約50隻熊
但係因為以前好多人打獵，所以佢地係驚人的，想見都難

留名 G 持

真係，同啲外國人傾計其實佢哋都唔驚歐洲啲山上嘅wildlife，遇到熊只要walk smart係唔會出事的反而美國National Park就真係要驚有mountain lion

Day 10

GR10真好
有mark跟唔洗成日搵路

今日係Section 1嘅最後一日
仲長過Day 9，28km，預計行10個鐘


Same old shit，霧同林

一開波我地就要一嘢攀升1000m，原本預計會好chur，但係行下行下就已經差唔多上到
呢個時候就出現振奮人心嘅一刻



終！於！穿！過！雲！層！
見返好耐無見嘅藍天
雖然幾位巴打話陰天嘅巴斯克好靚，但係其實一路係雨同霧行都少灰機，間唔時都懷疑自己點解要行落嚟
但係見返藍天(仲有雲海！)係即刻差滿電，有返行落去嘅動力


即刻攞隻營出嚟曬下


幾得意

係呢個咁開心嘅環境底下行左無耐，我地去到一個ski resort

因為唔順路所以都無落到去
係隔離嘅山屋食左個lunch，對杯啤就繼續行

原本以為淨低嘅路都輕輕鬆鬆
但係可能因為俾雪侵蝕得多，個地形都比較rocky
唔熟悉呢種地形嘅我都少辛苦，每步都要搵落腳位搞到好慢

不過行到呢度又好靚

經過一段路之後，就爬左一段仔石壁


好短，真係幾嘢就爬完
一開頭驚驚地，但係爬完又覺得幾fun

係呢度我地識左個荷蘭人，佢原本係行GR10但係之後想轉行HRP，而咁啱我地開始Section 2嘅日子又一樣就交換左contact睇下會唔會一齊行

之後就係漫長嘅落山，無咩特別
都係調返轉，由rocky去grassy再到濕泥路
但真係好長

我地搞搞下搞到8點半先到終點間山屋


我地book左晚餐，佢地7點半就serve，仲等埋我地沖埋涼先
搞到佢地等左咁耐有啲唔好意思

就係咁就完左Section 1，結束左成條HRP天氣最差嘅一段

LM

沿路都無人講起呢樣嘢
反而啲歐洲人對於我地2個香港人嚟行Pyrenees覺得好神奇
可能我地仲罕有過wildlife

超勁靚呀 辛苦但值得

因為真係好少「華人」行山
佢哋對「華人」印象就係買同食

以前係德國行山 當地人都覺得驚訝 仲要驚訝我辭工旅行

雲海靚到

有啲山係陰天有霧影有feel啲

Day 11-13

呢3日係rest day，又係因為睇天氣麻麻地
順便落山出city補給下

有段小插曲係咁啱出去補給個陣撞正Tour de France，搞到班火車cancel左，去唔到Pau(附近嘅大city)行迪卡儂
唯有第二日再出去
最後買左拖鞋、fleece同條快乾毛巾

因為發現行完成日山有對拖鞋著下爽太多
fleece就係自己傻仔無帶mid layer，諗住夏天無問題
(平時係香港冬天都係短袖)

仲識左對由德國嚟嘅唔知夫婦定couple
男嘅就係德國人，而女嘅就係大陸人(成條hrp唯一見過嘅亞洲人)，個女嘅係咁chur個男嘅行，幾有趣

Rest day(s)嘅最後一晚雷電交加
亦都為聽日嘅再出發帶來一份不安與恐懼

Day 14
尋晚雷電交加搞到淆淆地
仲要天氣預測今日都有可能有雷暴


不過一朝早好好天，我地都帶著好心情準備進入Pyrenees嘅高山區域

今日路程唔長，不過主要都係上升
由起點海拔900m開始一路上


沿路風景都同Section 1開始有啲唔同
唔會座座山都綠油油，同埋好似尖啲咁


一路行終於上到今次HRP第一次嘅海拔2000m
離遠望到一座幾高幾特別嘅山
(後尾先知2日後就會到)

之後嘅路都係比較平坦，得啲小上小落
可以好好享受週圍嘅風景


今日仲要有啲雲，唔係就咁硬光照晒成座山
再加埋個山勢

好快我地就去到終點

間山屋維修緊唔開，所以我地都係隔離camp
起營之前我地就係山屋隔離食個晏先

Section 2我地開始試下nutella之類做行動糧
有包就點下包食，無包就就咁啪
但係之後我就頂唔緊，實在太甜
但partner就好enjoy


我地第一個見嘅Pyrenees高山湖

起營~
早幾日我地咪識左個荷蘭人嘅，今日佢間唔時都同我地一齊行
佢係佢rest day個陣又識左其他人，仲介紹埋我地識
分別係2個英國人、1個法國人仲有另外2個荷蘭人

就係咁，集結左我地成個Section 2嘅trail buddy
我地仲輪流係隔離個湖度沖涼

去到5,6點左右就開始風雲色變，再加上出發前嘅天氣預測
我地就知道thunderstorm最後都係嚟左
我地都事前拉好晒風繩
返入營，煮埋個晚餐迎接雷暴


就係我食完嘢，pack好cookset就嚟到
好大風，超級大風
仲要係咁閃電響雷
之前係香港都試過遠處有雷咁camp
係頭頂經過嘅雷暴就真係第一次
但係現場有幾個人仲好開心咁大叫


storm嘅中間有幾隻屋仔營都收左皮
唯有即刻執嘢去山屋瓦遮頭避一避

仲落埋冰雹

好彩只係個幾2個鐘左右就完
我地兩隻金仔都完全無事，只可能話Locus Gear就是firm





風暴過後，啱啱好就到日落時份
啲光都好透徹，好靚
仲要有乳狀雲

一路日落個天一路變清，我仲期昐著係唔係有得影星
可惜嘅係天黑起雲了，唯有去瞓覺

Day 14都算係幾特別
所以好多圖，寫寫下就咁長

Day 15
經過尋晚嘅風暴，同場有個英國人頂唔緊退出左
今朝就好似咩都無發生過咁 好好天

出發無耐就去到一個平原
週圍啲山都好靚，仲有朝早啲側光



仲有個月亮襯托下

之後嚟左個落500m上300m嘅deep v
沿途都無乜景，無乜特別

上到deep v嘅頂點嘅時候
我地就係個湖附近食晏

其實湖邊食嘢都真係幾chill
過左呢個湖之後就係西班牙境內

食完抖完就起行，之後一大段都比較平坦
不過就有唔同地形
有草坡、石路亦都有過澗嘅路段

繼續j光同山

行左幾個鐘就去到guidebook寫今日嘅終點
不過又係一個ski resort嚟，無位起營
所以我地決定繼續行多兩個鐘上山起營

繼續行之前，我地就係一間餐廳食下嘢抖下先
但係個waiter唔記得左我地張單
搞到係度留多左兩個鐘

行多2,3km先到另一個ski resort再上山
去到上山個位已經差唔多日落
但係仲要上多300m



上到起營嘅湖已經9點半
起埋營都就天黑
啱啱先食完嘢，所以嘢食都無煮就瞓

但係！
今晚幾好天，所以我地點幾兩點就起身影左陣星

終於係Pyrenees第一次影星
影左一陣就起雲了

而4點幾銀河個位會再好啲
所以我恰多陣4點起身再影多轉先瞓

月出左所以條銀河無咁明顯
快快手影完就瞓死了

睇落一路都幾荒漠 有車路嗎?
諗其實山上啲resort點樣運物資上去

有
resort個啲都係有車路

Day 16

依舊都係非常好天
因為尋晚我4點幾起身影左轉星，所以8點幾先醒
執執下嘢都搞到10點幾先出發

一出發跨過一個pass之後就迎嚟今日嘅主角
Pic du Midi d'Ossau


根據guidebook表示，呢座山係Symbol of Pyrenees
一過pass見到佢嘅時候真係好震撼，影左好耐相
呢個都係全程比較深刻moment之一

今日全段路程都係向著佢行
最後會係佢隔離嘅pass經過，去到終點嘅山屋
所以可以係唔同角度欣賞呢座咁特別嘅山

首先係落到一個chill嘅湖
好多人係度曬太陽
我地係影下相抖下之後就繼續落

落到最底有條河，有啲人都落去浸下水降溫
我地就係隔離食晏
食完就要上山，一開始都幾斜

行下行下就無咁斜，仲見到唔同feel嘅Pic du Midi d'Ossau



過左呢個湖就迎嚟成條HRP第一次行boulder field


坦白講我都係第一次行呢啲，步步為營
但係啲歐洲人行呢嘅勁快
不過就唔係好長，無幾耐就接返斜坡
再落就見到今晚間山屋


即刻對返杯啤

不過我地多數都唔會住山屋
而係係隔離起營，然後入山屋食早晚餐


食完晚餐，山屋出面起左雲海
加埋日落，又影左陣

之後就去恰左陣再起身影星

LM

山上有好多湖仔 幾得意
巴打相機用單反定無反?

係 沿途好多湖
咩大細都有

我用無反的
Sony A7IV

靚到

Day 17

以一個好靚嘅金光開始，呢間山屋嘅位置真係無敵

今日嘅路難度係E
因為中間有段可能會有雪
每次難度E個陣，Guidebook都有提供一段variant避開

一開始全是下坡
落左700m左右嚟到呢個低谷位


係呢度發現枝pole收左皮

之後就狂上1000m
好大段都係好悶嘅上斜


上到咁上下就望返Pic du Midi d'Ossau

過晒沉悶嘅上斜就嚟到一個比較得意嘅位

本身以為會幾險
但其實落腳位都幾大，行落都幾fun


行到咁上下嚟到呢度，之後就落下面個湖食個晏
原本個度有間山屋，不過好似因為大風雨冧咗
我地原來諗住問下間山屋之後嘅路有無雪
但係而家無得問，安全起見唯有行variant


Variant嘅開始係跨過一個pass，上都無咩大問題
只係食完晏有少少飯氣攻心，唔太想行
但落就比較大級，加上我落斜個平衡都麻麻地
所以搞左好耐

之後就係好長嘅上上落落，中間經過好多湖
但係個人好攰，都無乜心情欣賞
呢段路有少少懷疑做咩仲行落去


終於都到山屋
原本guidebook話呢間山屋一定要book先得
而我地又因為長期收唔到network，所以聯絡唔到
諗著打定輸數要再行前啲起營(呢間山屋外面唔俾起營)
不過入到去竟然佢又俾我地half board
當刻因為真係好攰，真係好感動
就係咁就成為HRP嘅第一次half board山屋
好似係55歐一個人


山屋的晚餐，幾好食

前兩晚都有影星，今日又行到好攰
本身諗住今晚休息下唔影了
但係第一次瞓山屋大通鋪唔太慣咁焗，又有人有鼻鼾
半夜瞓得唔好都係出左去影



第二朝就俾partner話做咩唔叫