[Thru-hike] 法西邊界 Haute Rouste Pyrenees 全走

補充下
Half board即係瞓一晚加早晚餐

瞓大房完全係身處「鼻鼾中心」
夜晚靚

真係
所以我地都比較少入山屋瞓

Day 18

今日無咁好天
好大煙霞

尋日其實行多左，所以今日路程好短
只係過一個high pass就到目的地
只係我連續幾晚影星，休息少左
所以recover得唔係好夠
起行個陣個陣仲係個種懷疑自己嘅狀態

Anyway，都係要繼續行

一路上一路上
中間好似kick親，擦傷左手指公塊皮

中間啲路有少量雪
踩人地行過嘅路小心過就ok


呢個pass位於法西邊界，過過之後又入返法國境內
上到pass望返轉頭啲湖幾正

其實每次上到pass都幾特別
向前望有新嘅風景，好似開左新嘅地圖咁
向後望又可以望到自己嘅努力

係個pass度我地停低食個晏
之後就同partner分道揚鑣

因為呢個pass可以上到guidebook講嘅其中一個classic summit - Grande Fache
係其中一個3000m嘅peak

Partner見今日有時間又順路就想上埋
我就自覺能力不足

加上隻鞋爆左，所以我自己落去先



落去嘅路話長唔長話短唔短
個幾兩個鐘先落到去，不過去到都只係兩點幾

去到見到我地嘅trail buddy(早幾日識嘅人)
其實呢幾日係終點都間唔時會見到佢地
都會吹下水，一齊飲下啤酒
只不過今日比較齊人，好有feel
大家一齊分享下呢幾日點行，嚟緊又點行之類
好有一齊行嘅感覺


起營~

傾到咁上下就到晚飯時間
我地早幾日襯收到network就book左早晚餐

好多人

幾好食，仲要任添！

食完就參觀下間山屋
因為呢間特別大，可以容納123個人

入面勁新淨

之後發現個個出曬去
跟埋出去先發現有人set緊樂器

原來佢地係一隊jazz band，特登抬樂器上山
會山屋接山屋咁表演

食完個晚飯
係海拔1800m無公路、無網絡嘅地方
竟然有人表演音樂
望著週圍嘅山，聽著佢地彈奏嘅音樂
成件事好歐洲，同時亦都令我好有"這就是活著"嘅感覺
而家諗返起都有啲感動

聽聽下開始落雨
佢地搬埋啲嘢入屋內繼續彈
去9點左右就完，我都返入營瞓了

打打下又咁長
不過連登up圖真係好煩
幾乎張張都要up幾次先up到

係海拔1800m無公路、無網絡嘅地方
竟然有人表演音樂

有網絡就唔少人走去玩電話 冇人欣賞了
講緊好多年前 冇智能電話嘅年代
去類似青年旅館/hostel嘅人多地方 人與人之間真係好多交流
而家唔係冇 不過少咗了

Day 19

今日路程都短
一開始就一直上，直至上到個high pass


中間又係有少少雪

過左個pass，落少少就沿著山腰行



呢度開始就可以見到今日嘅主角 - Vignemale
係Pyrenees入面比較出名嘅山，特別在佢有條glacier

山腰呢度可以見到無咁出名嘅Vignemale南面
事係好後悔無影到

之後過左Vignemale隔離嘅一個high pass再落就到今日嘅終點
中間仲有個家庭一家大細一齊落啲碎石路
個𡃁仔(6歲左右)輕輕鬆鬆快我勁多



落到去就會見到Vignemale著名嘅north face
有少少Dolomites三尖峰嘅味道
(利申：未去過)

係呢個環境飲杯啤酒都心曠神怡啲

本身想落嚟痴山屋晚餐
可惜full了，得早餐有位
唯有食自己啲脫水糧
我地都order左picnic(聽日午餐)

hea左好耐，終於起營
食個晚飯就瞓了
中間有起身影星，但係都唔少雲就唔post了

師兄1機2鏡 腳架 連埋 camping gear ,煮食用具, food bag 水袋 total都係11.5kg? 我岩岩都行完法瑞嗰邊返嚟 但係成20kg好辛苦



條路線日夜溫差點？

係，未連嘢食、gas等等消耗品

因為都橫跨6月尾去到8月中，溫度都有唔同
不過日頭多數20-25度
夜晚就10-15度
好似係，唔太記得

好正

想知總共60日點樣補自己啲乾糧係咪沿途都會有店買到gas/脫水飯

中間會路經細town會有shop補給
或者我地section之間會rest day出city補給

靚
見有張相條路幾窄兼旁邊就係山坡 (之前都見巴打有貼類似) 畏高患者真係驚驚

條路行落其實都闊
畏高就真係可能會有啲淆啦

Day 20
今日係Section 2嘅最後一日
一早起身執嘢入山屋食早餐

少掛住奶茶，係山屋用茶包沖左碗熱奶茶
食食下見到開天即刻衝出去影

金光加Vignemale

今日路程都唔短，但係我地食完早餐都影左陣相先出發
一開波全是上斜，由2100m上到2700m


一路近距離j Vignemale


上到2700m個pass再落少少就經過間山屋
係全Pyrenees海拔最高嘅山屋
(係，Pyrenees就係咁矮)


我地就係間山屋抖下食個brunch
呢個就係尋日order山屋嘅picnic
有條bar、一塊cheese、一塊包、一舊蛋糕仔、少少pasta with cheese
望著雲海食，chill到

但我唔小心再嗌左個plate of the day
飽到sir


之後就係漫長嘅落山
途中唔小心跣低左一次同埋又細拗左一次


終於落到個湖，望返轉頭都幾靚


再之後就係個平原漫長嘅上上落落，少悶

終於落到個town
呢個town叫Gavarnie
算係Pyrenees比較出名旅遊spot
最出名就係個cirque

town入面有間好正嘅餐廳

我地當晚就2個人分左呢盤肉
佢有個爐比你燒
盛惠人頭30歐

食飽飽就瞓lu
嚟緊幾日都rest day

講漏左個Section 2總結

Section 2係我最中意嘅一段
景好靚之餘，仲有一大班trail buddy一齊行
仲要大家嘅plan都差唔多，所以幾乎日日見
比起Section 1好大段都係得我地兩個個種感覺差好遠
同埋Section 2都係最好天影得最多星嘅一段

有氣勢
見到盤肉好似好正咁 燒肉送啤酒一流

正啊
仲要咁啱個日落山講起想食日本燒肉
雖然有啲唔同，但都一流

Day 21-24 - rest day

第一日基本上就係抖足全日
除左洗衫咩都無做過


下一日我地搭車經Lourdes去左Tarbes嘅Decathlon補給
因為我又爛pole又爛鞋
又要買過新

買完嘢就返返Lourdes過夜
Lourdes係一個天主教嘅觀光城市
我地都去睇左一場彌撒

之後就返返Gavarnie
準備下一日又再back to trail

見好天就落街影下星
係，無錯Gavarnie係街都影到星

影完就休息準備下一日再行過

呢啲地方 車路連路燈都冇 全無光害 睇夜空觀星一流
(其實歐洲啲車路 出咗城就冇燈 得啲反光柱)

Day 25

事緣係我地係Gavarnie見到呢啲畫幾靚
買左啲做紀念品，但係又唔想孭住行全程
所以本身諗住出發前一日寄走佢
點知郵局無開
搞到今朝早先去郵局寄，來來回回搞左勁耐
搞到12點先出發

不過今日其實都只係2個鐘上返山
因為諗住順路行附近一個classic summit
所以計劃係係終點山屋擺低嘢，攞細袋上summit再落返去食晚餐之類

但係我地去到山屋又懶得執返個細袋出嚟又盛
就諗住聽日先上再繼續行(都順路)

所以係間山屋出面hea左勁耐

其間有直升機嚟幫山屋做補給
都係第一次咁啱見到

到臨食晚飯先起營
起營都搞左一陣
因為佢塊地都好多牛屎，唔易搵好位
終於搵到個靚位諗住起個陣
成堆牛過嚟圍住我，對峙左一陣都係撤退
唯有再搵過先起到


山屋的晚餐
(其實仲有湯、包同甜品，有啲山屋仲會有cheese
不過我多數淨係影低主菜)
咁啱同枱嘅家庭食唔得多，所以食到勁飽

食完晚餐就係山屋出面散下步
(山上好多歐洲人都係咁，所以間唔時我地都會)



見到咁靚雲海，即刻衝返營攞機影!!!

影到就天黑就返營瞓了
半夜又有thunderstorm係我地上面過
好似都有落冰雹
不過可能因為試過了，唔太驚了
我醒一醒知道有thunderstorm之後就瞓死了

犀利，留名等睇

又有雲海呀
自己咁耐見過一次咋

Day 26
今日一起身就落雨
所以最後放棄上summit
就咁過high pass就落山

有一刻有條彩虹仔
一攞機已經無左


上到pass開始大雨
即刻攞返件hard shell著

一路淋雨一路落

落到咁上下就停雨
再過個平原就去到湖邊

好天好多

係湖邊食左個晏之後全程都係公路落山
都4-5km

已經變成曬到要擔遮

之後已經到終點campsite
快手沖個涼就洗埋衫再晾埋


campsite餐廳的晚餐
好好好食
Guidebook話係excellent meal，果然無錯

餐廳仲有本紙本guidebook
紙本揸上手係有feel啲