荃灣二手上車邊度好(18)

差條橋就爭好遠啦
位置係決定屋苑嘅景觀
商場周邊配套
一個望工廠一個望海景
根本就相差一班
過多條橋就雀啦，唔通又黐埋嚟咗一線？

無揸車 幾鐘意佢個露台夠大 唯一係樓齡大啲同唔近西鐵站

全城大2房座向多數唔係向北就向西，萬景就全部向東南，黎緊冬天應該感受到個分別大唔大

駁唔到，但有樣野映日灣絕對係一線，租金回報係一線特別係細單位

反而中意佢係中間喎，兩邊站都去到

咁佢個呎價都唔平嘅
嗰啲一房今時今日都去到20,000尺

都係純粹分享意見啫，唔係邊個啱

又拉埋雀講10分鐘落到地鐘站啊 飛人

因為爵悅庭係計荃灣西呀嘛

拿 大家睇到啦
邊到西

啲三房大單位全部向西
所以夠晒西

想問一下有冇人識海灣花園？感覺佢6-7分鐘步程去到荃灣西站唔錯，價錢唔貴，但樓下商場好殘，唔知大家點睇？性價比高唔高？

所以雀悅庭咁多人跳樓歸西

睇地址

荃城滙 = tw ?
柏傲 = tw ?
環宇 = tw ?

自己填

有AEON有百佳有酒樓有七仔有文具舖有大快活有快餐店算係咁啦

戴返個頭盔先嗰個係AEON嘅living plaza

睇過VR都唔想住... 仲要同憶京對望...

都無咩 啊 以前 有朋友租 過 1 座中高層單位 d 側四四方方 方便擺傢俬

d 𨋢 終於換過曬 係新 ge
https://www.hk01.com/突發/176011/電梯急升-荃灣海灣花園電梯急升28層-夫婦被困傷頭頸送院命危

樓下有泳池 同埋燒烤爐 咁lo

商場 就算9數啦 得返補習社 中醫 12 蚊店 百佳 一間 19 酒樓 大快活咁 黎緊 好似 話 會開返 間酒樓..

要食好西 都係出返荃灣市中心吧啦

唔係想反駁d咩, 由荃新天地二期dynasty個住宅入口經橋行去映日入口30秒都唔洗wo

映日過多條橋係到雀, 但由映日天橋入口行到去個樓梯位起碼都3分鐘, 咁都有得類比？

Dynasty位置係咪一線相信可以有唔同睇法, 但單純講位置dynasty同映日一定係同級la

個人意見, 純講位置最衰係柏傲灣, 除非住緊向正海享受無敵海景, 如果唔係好處享受唔到, 壞處去邊都日曬雨淋就食到正, 非海景都係揀返其他好d

住緊海之, 住落唔差,覺得幾舒服
缺點師兄都講左, 大致認同
連住商場架閪lift 真係好慢
識搭就搭odelice 隔離果個隱蔽入口既lift
都講下海之既優點
1. 有海, 係廳可以望出露台方向睇海景, 比呢個數買樓,景觀都好緊要
2. 私隱度高d, 比較全城,全城單位一係向公路嘈, 大塵, 一係圍城露台互望
海之露台,由其前排露台大致做到單邊, 相比係好d
3. 平台大, 呢個就個人喜好, 平台大到足夠散步/跑步
但亦係缺點, 搭lift 距離遠左, 到月台時間都長左
4. 樓下商場夠用, 用如心比較, 生活野齊d
5. 保安嚴, 鐵管理正常發揮
6. 夠靜 係d 船有時有聲, 影響唔大

我已經回覆咗啦，位置location 同時間會影響周邊配套同埋佢嘅景觀，上面自己回覆咗啦，我都費事再講，如果你都係覺得冇分別嘅，我都無謂再評論啦
講返柏傲灣，買得佢就梗係買向海啦，唔通向北嗰啲咩？佢最殺惜就係個海景，靚仔有平台上落的士，小朋友直落公園放電，想要橋嘅唔會買佢入得佢就預咗無橋，不過都係嗰句價錢亦反映晒，三個都各有千秋

其實三個盤都冇問題嘅，只不過買家一定係根據自己嘅需要去衡量，所以有時會覺得海之戀比較差囉，不過海之戀高質素嘅產物，講真係前排嗰一堆

其實講景觀就人人都唔同 睇個人喜好 同埋最緊要係入屋睇 齋睇積同座向 會唔夠全面

同意 如果夠彈藥的話 不論買邊個屋苑 只要係買屋苑入面高tier既貨（就好似柏傲全海為例）都唔會死錯人（自住）投資就另當別論

其實唔太理解你個邏輯 照你咁講, 係咪要細分到柏傲向海單位就係一線位置location, 向返荃灣公園就二線位置location?

不過認同幾個屋苑各有捧場客, 的士去到門口呢d基本野之外, 講配套大部份咪又係大家一落樓就荃灣公園, 或者過條馬路就到公園, 開積景觀外型會所都各有各長處

向海d 價都硬硬地
睇過向市景都唔錯
但要夠高