將軍澳私/居上車盤討論區（10)

364個電視位又係少難搞

如果真係驚漏水，咁最好唔好買二手樓，或者只買新樓然後十年放咗佢。
因為所有同水有關嘅野都一定會漏，只係時間問題。防水層，水管全部都係有壽命，到期就會漏，漏就要換。
真係要問反而係要點維修，貴唔貴，邊個負責。
少嘅喉曲可能係1千幾百，多啲嘅可能係廁所企缸防水，煩啲嘅係窗邊膠老化入水。無論你係shk 樓華懋樓都一樣會有，要避嘅係難整甚至冇得整。
舊式啲嘅樓起咗二三十年好似新都城富麗類型都相對易處理，反而近十幾年一啲黑廁樓就真係唔知點處理條又高又窄嘅通風槽，或者玻璃牆樓維修保養成本如何。

大門至客廳源頭應該係食水喉，公家地方搵管業處整就得，如果係單位內就裝修時換咗佢。室內間隔牆正常唔會特別做防水。
房就多數係窗邊膠老化入水，入咗窗台底滲咗入附近牆身。
新都城好多窗啲膠邊都廿幾年，如果要買嚟自住就最好搵鋁窗公司搭棚重做防水，做完就冇咩野，不過都要幾萬蚊。
恒地樓住過幾間石屎大路野冇咩問題。

呢個真，所以我自己睇左君傲將中都會，見到黑廁我都無考慮，正如你所講，廿幾三十年後啲通風槽都幾難搞

同埋想問下如果預自己住10年換樓，建唔建議上多少少上新都？雖然細啲但係防守力應該好啲？

新都上蓋實係好, 不過你預自己住10年, 要留一舊錢做大維修

fd 住緊話成日漏水
但aa話新都城手工係tko最好

AA水你啫

手工好就笑話嚟，差又唔係好差好又不見得，平將中維景一截，呢個配套呢個價又冇咩好講，
唔知你用邊度比，我自己租過幾間未試過有問題。街坊聽嚟嚟去去都係廁所浴缸頂條鐵渠，一千幾百換完就完事，不過總有19樓上唔想整結果要搵滲水辦做色水。

水浸哂
遮都無帶輕鬆地鐵返屋企

見到樓上講怡心
望左望，點解怡心個三房同兩房差唔多價

睇邊隻房啦, 雞脾型果隻3房門口對正lift 口, 一嚟風水唔好, 二嚟私隱度好低, 等lift 果陣可以聽到佢哋屋企講乜
同埋睇過幾個單位, 客廳窗望嘅景都唔係咁好

入咗fb個康城group睇勁熱鬧好多公家位漏水
早兩日先打完風而家又大暴雨

將中 384 406 436
擇擇上 大家會點排？

384 >> 406 >>>>>>>>>>>> 436

將南有冇事？無乜人講應該無事？

有無link?

成個將軍澳應該都冇乜大鑊野
西貢區相對冇咁大雨

本身位置已經比較吊腳
如冇單位海景更加冇賣點
樓價反映一切
但防守性會差d

領都唔計

康城頭3期誠哥樓就係咁
賺到盡 起樓質素差到
往後幾十年樓就係業主之間幾派人
加管理公司不斷角力
無了期執修都唔會解決到問題
將軍澳樓賣天水圍呎價咁係咁既原因

最近睇緊馬鞍山同寶琳啲樓，其實點解寶琳例如三寶會平過馬鞍山市中心既樓，寶琳既樓係LOCATION上唔係好好多咩，定係馬鞍山有海濱個VIBE令到嗰到啲樓有PREMIUM

406 不了
個電視買大小小都放唔到