大家覺得三顧草廬，劉備係見左三次諸葛亮 or 去三次先見到

如果而家Hr in諸葛亮會點

有冇相關顧問工作經驗？ 冇啊
有咩最高學歷？ 冇 自己睇書
之前兩次見工點解no show? …
你覺得自己值萬二蚊？ 返去等消息啦
仲有冇問題要問？

其實真係未必 話就話諸葛村夫 但佢老師係水鏡 佢岳父又大撚把錢 佢自己都被水鏡吹到上天 佢屋企可能真係有道木門都未定 同埋去左佢岳父到瞓 去水鏡學院同FD屋企吹水吹過夜 跟得水鏡都唔荒窮 即係大單位 咁啱去宿一宵都合邏輯

關羽有機會係前線同樂進對峙緊

因為呂蒙出手，所以要撤退守護南郡而有文聘傳：「與樂進討關羽於尋口，有功，進封延壽亭侯，加討逆將軍。又攻羽輜重於漢津，燒其船於荊城」既事出現

一黎啦
唔係都唔會赤壁之前琮左右及荊州人多歸先主。 劉備自己都泥菩薩都唔多人去搵孫權
二黎就係硬實力上係劉(表)強孫弱
赤壁生死大戰孫權只能出兵三萬
《江表傳》曰：權拔刀斫前奏案曰：「諸將吏敢復有言當迎操者，與此案同！」......權撫背曰：「公瑾，......五萬兵難卒合，已選三萬人，船糧戰具俱辦，卿與子敬、程公便在前發，孤當續發人眾，多載資糧，為卿後援。卿能辦之者誠決，邂逅不如意，便還就孤，孤當與孟德決之。」
劉表自己係南收零、桂，北據漢川，地方數千里，帶甲十餘萬
三國志卷6
可見實力有一定差距,曹操係官渡之後用左八年先消滅袁氏(仲要係兩袁內亂先食左)
孫權要食劉表除非孫權一戰定乾坤消滅荊州大部兵力,否則明顯無十年以上做唔到

當時關羽去左益陽
先主引兵五萬下公安，令關羽入益陽。
三國志卷32
肅住益陽，與羽相拒。
三國志卷54
關羽同樂進打好有可能係劉備同劉璋開戰前
明年，曹公徵孫權，權呼先主自救。先主遣使告璋曰：「曹公徵吳，吳憂危急。孫氏與孤本為脣齒，又樂進在青泥與關羽相拒，今不往救羽，進必大克，轉侵州界，其憂有甚於魯。魯自守之賊，不足慮也。」乃從璋求萬兵及資（寶），欲以東行。璋但許兵四千，其餘皆給半。
三國志卷32

歷史學不嬲用年份同埋邊個杜撰作最準 後世著書立說都係參考之前嘅資料 出師表年份近同諸葛本人親自認證 就緊係跟佢啦

其實關鍵係龐統之死
令到原本駐守荊州即諸葛亮要即時過益州幫手
變相無人可以控制到關羽

諸葛亮帶兵入蜀係龐統死前已經入左,唔關龐統死唔死事
璋復遣李嚴督綿竹諸軍，嚴率眾降先主。先主軍益強，分遣諸將平下屬縣，諸葛亮、張飛、趙雲等將兵溯流定白帝、江州、江陽，惟關羽留鎮荊州。先主進軍圍雒；時璋子循守城，被攻且一年。
三國志卷32
諸葛亮帶兵入蜀係圍攻雒縣之前
進圍雒縣，統率眾攻城，為流矢所中，卒，時年三十六。
三國志卷37
龐統死於圍攻雒縣之時
所以得證,諸葛亮入蜀不在龐統死後,更不得證兩者有因果關係
如果係真想放/可以諸葛亮返去荊州,咁點解唔法正/劉巴/黃權坐鎮成都,諸葛亮返江陵呢?
又唔係得龐統一個軍師係咪先?
所以更加間接證明左諸葛亮坐鎖成都係有必要性,唔關龐統事

劉琮有蔡氏等大族支持，但年幼，注定任人擺佈
劉琦身體羸弱，好少會支持一個短命的繼承人

所以有啲理解劉表引劉備入荊州

諸葛亮喺未入蜀果陣邊有控制關羽嘅權利同能力
佢喺荊州同廢人冇分別喎
最強嘅內政冇野做
軍事關羽大佢幾級
謀略有龐統甚至劉備都比佢強
要控制關羽劉備修書一封叫佢唔好妄動就得

真係節制到關羽嘅係黃權或者徐庶 或者簡雍

順手去埋 碰下運氣

入蜀前亮署左將軍府事，督三郡點會無嘢做
相反關羽個襄陽太守只係遙領
二爺重武輕文，你畀邊個佢都當臭四
但係美鬚公一事佢有問孔明，至少睇到佢係信得過佢
不過除非有兩個孔明，如果唔係佢點都要入蜀

拎個長al，叫返幾隻當地名妓玩下

行山
唔係平地

北伐無可能
曹操實在太肥
中軍一到徐晃就成功反推
合肥援軍仲要未到

北伐要成功其實要用諸葛亮個策略：天下有變 + 兩路北伐

諸葛亮自己同關羽都做唔到,
但考慮到佢地北伐果陣都年老, 依家唔伐等唔切, 死後無人follow 呢單野

兩樣都唔係 係諸葛亮自己去見劉備

劉備屯於樊城。是時曹公方定河北，亮知荊州次當受敵，而劉表性緩，不曉軍事。亮乃北行見備，備與亮非舊，又以其年少，以諸生意待之。坐集既畢，眾賓皆去，而亮獨留，備亦不問其所欲言。備性好結毦，時適有人以髦牛尾與備者，備因手自結之。亮乃進曰：「明將軍當復有遠志，但結毦而已邪！」備知亮非常人也，乃投毦而答曰：「是何言與！我聊以忘憂耳。」亮遂言曰：「將軍度劉鎮南孰與曹公邪？」備曰：「不及。」亮又曰：「將軍自度何如也？」備曰：「亦不如。」曰：「今皆不及，而將軍之眾不過數千人，以此待敵，得無非計乎！」備曰：「我亦愁之，當若之何？」亮曰：「今荊州非少人也，而著籍者寡，平居發調，則人心不悅；可語鎮南，令國中凡有游戶，皆使自實，因錄以益眾可也。」備從其計，故眾遂強。備由此知亮有英略，乃以上客禮之。

水鏡八奇漫畫情節嚟㗎咋大佬

有一講一,雖然話諸葛亮在荊州無做野無權力係些許荒謬
但係巴打講諸葛亮署左將軍府事係劉備平定成都之後嘅事
成都平，以亮為軍師將軍，署左將軍府事。先主外出，亮常鎮守成都，足食足兵。
三國志諸葛亮傳
但係好難想像劉備左將軍幕府會交比之前唔係兩把手嘅臣下掌管
督三郡(使督零陵、桂陽、長沙三郡，調其賦稅)點會無嘢做之外
先主留諸葛亮、關羽等據荊州，將步卒數万人入益州。......
諸葛亮、張飛、趙雲等將兵溯流定白帝、江州、江陽，惟關羽留鎮荊州。
三國志先主傳
排名分先後的話諸葛亮行先,無分先後的話至少說明關羽同諸葛亮係同級
亮與關羽鎮荊州。
而當諸葛亮走左之後關羽先留鎮荊州
三國志諸葛亮傳
諸葛亮本傳都係一樣講法
先主領荊州牧，闢為從事，年未三十，擢為長沙太守。先主入蜀，諸葛亮鎮荊土
三國志廖立傳
長沙太守廖立嘅傳直接係講諸葛亮留鎮荊州

所以好明顯,諸葛亮最起碼都係同關羽一同留鎮荊州,可能仲稍為高少少權力
再比少少個人意見,由關羽傳同諸葛亮傳睇到
關羽係以羽為襄陽太守、蕩寇將軍，駐江北
諸葛亮管理嘅零陵、桂陽、長沙三郡都係荊南郡,所以可以諸葛亮主力係江南做後援同管理,關羽係江北頂住曹操嘅軍事壓力
而且話控制關羽劉備修書一封就可以會唔會有少少遊戲中嘅兒戲,成都同江陵距離甚遠,如果劉備可以親自管理洗咩要比關羽假節鉞大權,現實唔係遊戲,由荊州送信去成都再由成都送信去荊州帶黎嘅信息滯後令到荊州同成都根本無可能直接管理
而話黃權或者徐庶 或者簡雍可以節制到關羽我唔明有咩證據支持,比如簡雍作為劉備係北方帶黎嘅老臣,做左大半世無諸葛亮幾年嘅職升得快,成個本傳只有271字,只記錄左兩件事蹟,憑咩覺得佢可以節制關羽留鎮荊州?
唔係比個人名就話可以就可以架
黃權係降臣,先唔講佢有冇諸葛亮咁西利,你叫劉備派個降臣去關羽頭上管佢,怕唔係第二日就馬上嘈交,需知關羽係連馬超上位都會寫信去問下諸葛亮咩事嘅人,你依家仲要佢去比個降臣去管?
謀略有龐統甚至劉備都比佢強
我就未見過邊個謀主兵聖會自己帶兵帶到率眾攻城，為流矢所中，卒。
作為善謀嘅兵家應該深知主帥安危係一軍重中之重,自己無關羽咁嘅武力仲要唔小心可見龐統自己謀略用險嘅局限
而且整個龐統傳係龐統投劉之後佢就只有取蜀上中下三計嘅記載,唔明邊到睇得出佢勝於諸葛亮

我覺得攻下襄陽已經去到盡,再前唔可能

呢單野同三國志本傳矛盾, (劉備去隆中之前唔識諸葛亮), 所以唔可信。
但係都有唔同解讀：

1. 魏略純粹抹黑，唔想劉備君臣變成千古美談
2. 魏略聽d唔聽d，其實係另一個人，另如係徐庶或其他附近士人

臣松之以為亮表云「先帝不以臣卑鄙，猥自枉屈，三顧臣於草廬之中，諮臣以當世之事」，則非亮先詣備，明矣。雖聞見異辭，各生彼此，然乖背至是，亦良為可怪。 唔該引魏略引埋後面裴松之自己分析,因為魏略係記載敵國史料個時真係一本科幻小說黎
比如禪時年數歲，竄匿，隨人西入漢中，為人所賣。.....初禪與備相失時，識其父字玄德。比舍人有姓簡者，及備得益州而簡為將軍，備遣簡到漢中，舍都邸。禪乃詣簡，簡相檢訊，事皆符驗。簡喜，以語張魯，魯（乃）洗沐送詣益州，備乃立以為太子。
話劉禪同劉備失散到益州先認返依種幻想劇情

當年好多同輩人都未死,比如趙雲,諸葛亮唔可能公然係上表到欺君啦

應該可以攻陷襄陽，魏過唔到漢水

是,但係關羽兵實在太少,全殲于禁七軍已經係意料之外