大家覺得三顧草廬，劉備係見左三次諸葛亮 or 去三次先見到

未必
佢個老師就係唔出山嘅司馬徽
真係冇人睇得上山做名士品評天下群雄又有何不可

我覺得頂盡5千
眾所周知主戰場d兵力全部都係東吳出
劉備淨係負責閘後路都可以俾曹操走得甩
條路都已經夠窄 嗰度可以有幾多兵力
當然有人話係特登放曹操走平衡勢力
呢個就睇你點睇

唔只 劉表單騎入荊個時 外有袁術內有宗賊
前幾任荊州刺史都係死於非命
佢可以外驅袁術 內除賊人 可謂治世之能臣

同埋嗰陣劉表煩緊邊個繼承
涉及到權力鬥爭全部都好"禮計"
好難可以好完美咁處理
袁紹已經大大個人版
所以諸葛亮唔想埋堆都合理

如果係咁少 三國志卷一講（太祖）至赤壁，與備戰，不利。於是大疫，吏士多死者，乃引軍還。備遂有荊州、江南諸郡。
而完全唔講周瑜程普兩部係完全唔合理
所以劉備同周瑜程普兵力無可能差咁遠

我覺得某程度上都係講俾曹操聽愛嚟打飛機嘅啫
當時劉表個朵應該係冇咁臭

但係劉備當時有咁多兵咩
就算當你真係有咁多兵
我係諸葛亮都唔會出咁多呀 又唔係有錢有糧

袁術現代睇好似好廢咁
但係當其時用袁家個朵都好有號召力
所以話劉師傅唔係咁易㗎 劉表真係勁

曹操本身個戰略係搶荊州同攻劉備
唔係魯肅介入曹操同劉備就變對決戰

同埋赤壁後係劉備斷曹後路? 所以會唔會曹操只見到劉備見唔到周瑜

另外赤壁前曹操同孫權關係一路都好曖昧：
劉表係曹操既敵人，孫權係劉表既敵人，
敵人既敵人就係......
孫權不斷攻江夏其實「間接」幫左曹操統一北方

所以成個戰爭本質都可以重新再討論

關
明知關羽唔睇唔起東吳
都唔擺個外交高手喺度維繫住

坐高鐵好快啫

唔關關唔關羽事啦
東吳奪荊係成個東吳嘅戰略方計,唔係關羽得罪孫權而先出兵
唔通湘水盟定之前關羽鬧孫權使者所以孫權先出兵咩 非也

我相信諸葛亮自己親述多過其他轉述
係三次都有見面而且有傾(咨詢)對策

覺得白衣渡江唔係「偷襲」兩隻字就解析到
係地勢 + 戰略 + 勢力均衡問題

勢力均衡簡單黎講係孫權原本係大好多
到「借荊州」只係大少少
到湘水之盟已經平起平坐
到劉備稱漢中王, 孫權變左細細細佬

無論係孫權定周瑜定孫策定呂蒙定魯肅, 只要有少少野心, 呢個時間都一定攻荊州

關羽應該衰在睇唔起東吳對東吳無太大戒心 加上兩個二五仔先搞成咁

少少唔認同有二點
1. 唔係魯肅介入曹操同劉備就變對決戰
當時情況係劉琮束手,馬騰入朝(三國志卷36:後騰與韓遂不和，求還京畿。
典略:十（五）年，徵為衛尉，騰自見年老，遂入宿衛。),劉璋臣服(三國志卷31:璋聞曹公徵荊州，已定漢中，遣河內陰溥致敬於曹公。三國志卷1:益州牧劉璋始受徵役，遣兵給軍。)
當時情況已經好明顯,曹操對手最後真係得返兩個,就係江夏劉備(琦),江東孫權
諸葛亮講今操芟夷大難，略已平矣，遂破荊州，威震四海。英雄無所用武，故豫州遁逃至此。係無誇張,曹操真係差不多掃平四海了
所以肅對曰：「向察眾人之議，專欲誤將軍，不足與圖大事。今肅可迎操耳，如將軍，不可也。何以言之？今肅迎操，操當以肅還付鄉黨。品其名位，猶不失下曹從事，乘犢車、從吏卒、交遊士林、累官故不失州郡也。將軍迎操，欲安所歸？願早定大計，莫用眾人之議也。」權歎息曰：「此諸人持議，甚失孤望；今卿廓開大計，正與孤同，此天以卿賜我也。」今治水軍八十萬眾，方與將軍會獵於吳。唔通真係要同孫權射老虎咩
可見孫權自己都好清楚,一係同劉備合作打,一係就投降,無第三個可行選擇,所以雙方合兵唔係偶然而係必然。
2.同埋赤壁後係劉備斷曹後路?
NO,備與瑜等復共追。曹公留曹仁等守江陵城。逕自北歸。三國志卷54
周瑜同劉備係一齊追曹操
而不論係 武帝紀
三國志卷一講（太祖）至赤壁，與備戰，不利。於是大疫，吏士多死者，乃引軍還。備遂有荊州、江南諸郡。
武帝紀只講劉備,可能係曹操只覺得劉備係佢最大對手,因為天下英雄唯操與使君耳?

先主傳 吳主傳 定周瑜傳都明確記載係雙方合兵破曹
權遣周瑜、程普等水軍數萬，與先主并力，與曹公戰於赤壁，大破之，焚其舟船。先主與吳軍水陸並進，追到南郡，時又疾疫，北軍多死，曹公引歸。 三國志卷52
瑜、普爲左右督，各領萬人，與備俱進，遇於赤壁，大破曹公軍。公燒其餘船引退，士卒饑疫，死者大半。備、瑜等復追至南郡。
三國志卷54
權遂遣瑜及程普等與備並力逆曹公，遇於赤壁。時曹公軍眾已有疾病，初一交戰，公軍敗退，引次江北。
三國志卷47
只有程普傳無提過劉備
與周瑜爲左右督，破曹公於烏林，又進攻南郡，走曹仁。
三國志卷55
大部分都係記錄周程同劉備合兵先係陸上挫敗曹操再燒船退敵
再兩軍共同追擊
無劉備只負責追擊且只有劉備追擊嘅說法
而且
《山陽公載記》曰：公船艦爲備所燒，引軍從華容道步歸，遇泥濘，道不通，天又大風，悉使羸兵負草填之，騎乃得過。羸兵爲人馬所蹈藉，陷泥中，死者甚衆。軍旣得出，公大喜，諸將問之，公曰：「劉備，吾儔也。但得計少晚；向使早放火，吾徒無類矣。」備尋亦放火而無所及。
劉備係追唔上曹操,所以見唔到曹操(同當年劉備做逃跑大師個時一樣)
只有江表傳話劉備
江表傳曰：備從魯肅計，進住鄂縣之樊口。諸葛亮詣吳未還，備聞曹公軍下，恐懼，日遣邏吏於水次候望權軍。吏望見瑜船，馳往白備，備曰：「何以知（之）非青徐軍邪？」吏對曰：「以船知之。」備遣人慰勞之。瑜曰：「有軍任，不可得委署，儻能屈威，誠副其所望。」備謂關羽、張飛曰：「彼欲致我，我今自結託於東而不往，非同盟之意也。」乃乘單舸往見瑜，問曰：「今拒曹公，深為得計。戰卒有幾？」瑜曰：「三萬人。」備曰：「恨少。 」瑜曰：「此自足用，豫州但觀瑜破之。」備欲呼魯肅等共會語，瑜曰：「受命不得妄委署，若欲見子敬，可別過之。又孔明已俱來，不過三兩日到也。」備雖深愧異瑜，而心未許之能必破北軍也，故差池在後，將二千人與羽、飛俱，未肯係瑜，蓋為進退之計也。孫盛曰：劉備雄才，處必亡之地，告急於吳，而獲奔助，無緣復顧望江渚而懷後計。江表傳之言，當是吳人欲專美之辭。
但係江表傳大量採用吳人史料,幫東吳人美化醜化他國人唔係第一次,同三國志其他記戴相沖不足採信

順帶一定，魯肅時代，呂蒙果次襲荊州都搶左三郡
當時關羽無帶兵出征的

孫權一定清楚曹操拎左北方打埋荊州之後下個唔係劉墇就係佢
佢打江夏係為左擴張 食埋荊州 達至魯肅嘅二分天下 先有資格同曹操抗衡 所以佢地本身利益就有衝突 只不過劉表真係太勁 孫權到佢死之前都食唔落 令曹操可以投放精力係北方
利申: 斷鳩估

係估唔到江陵麋芳不戰而降
之後朱然只有五千兵加上城中有疫病情況下,對抗曹真、夏侯尚、張郃嘅魏軍主力都可以守半年
可見江陵嘅堅固
你麋芳身為劉備國舅,由劉備起兵就跟到依家幾十年,跟住可以不戰而降,關羽點估到佢個腦諗咩

我覺得唔係唔夠打
孫權三征江夏都係嬴
八年，權西伐黃祖，破其舟軍，惟城未克，而山寇復動。還過豫章，使呂範平鄱陽，（會稽）程普討樂安。太史慈領海昏，韓當、周泰、呂蒙等爲劇縣令長。
十二年，西征黃祖。虜其人民而還。
十三年春，權復征黃祖，祖先遣舟兵拒軍，都尉呂蒙破其前鋒。而淩統、董襲等盡銳攻之，遂屠其城。祖挺身亡走，騎士馮則追梟其首，虜其男女數萬口
三國志卷47
係孫權實力太弱,食得太慢,開始有起色曹操都已經南下了

其實反而想知關羽死唔去嘅話有無可能真係北伐成功 假假地關二哥都叫做軍神
又或者赤壁後偷雞食左劉備 真係二分天下 會唔會變成魏吳南北朝

曹操南下時，「別遣羽乘船數百艘」我估關羽應該都有帶左劉備軍一萬精銳走，劉琦係江夏都過萬人。
劉備走佬唔知死淨幾多人，咁最少都出到二萬人。
江夏係劉表軍最重要既前線基地，軍需物資應該好足夠。

劉備傳「與曹公戰於赤壁，大破之，焚其舟船。先主與吳軍水陸並進，追到南郡，時又疾疫，北軍多死，曹公引歸」
曹操傳「《山陽公載記》曰：公船艦爲備所燒，引軍從華容道步歸，遇泥濘，道不通，天又大風，悉使羸兵負草填之，騎乃得過。羸兵爲人馬所蹈藉，陷泥中，死者甚衆。」

劉備出左幾多力就見仁見智

原來係太廢 打嬴都食唔落 分分鐘係怕左啲地方豪強
話曬佢啊哥係江東個陣喊打喊殺暴力鎮壓 孫櫂上位用咁耐時間懷柔
可能荊州啲豪強唔想跟孫權

是有的
先主引兵五萬下公安，令關羽入益陽。
三國志卷32
唔通劉備叫關羽單拖去益陽咩
「猾虜乃敢挾詐！」及羽與肅鄰界，數生狐疑，疆場紛錯，肅常以歡好撫之。備既定益州，權求長沙、零、桂，備不承旨，權遣呂蒙率眾近取。備聞，自還公安，遣羽爭三郡。肅住益陽，與羽相拒。肅邀羽相見，各駐兵馬百步上，但諸將軍單刀俱會。
三國志卷54
魯肅傳寫明雙方帶曬兵準備開打,只係佢地最後無打到姐

去三次見三次。後人神化諸葛亮先寫到佢扮晒嘢匿埋唔見。其實嗰陣啲人住啲好簡陋嘅草屋，門都可能冇，求其搵塊布或搵綑柴擋住吓就算，匿得去邊？裝入去一眼睇晒啦。童子話佢出咗門，係咪好似現代人咁飛轉日本定台灣？定荒山野嶺有個大mall行成日食飯睇戲唱埋K？邊有咁多地方去，就算話去擺賣，墟市都唔係年中無休日日開，一個月先開幾日，劉備都唔會揀墟期先搵佢啩。所以，除非條友瓜咗，古代好少走去人哋屋企刮人會刮唔到