大家覺得三顧草廬，劉備係見左三次諸葛亮 or 去三次先見到

諸葛亮：出師表 (227年)
先帝不以臣卑鄙，猥自枉屈，三顧臣於草廬之中，諮臣以當世之事。

陳壽：三國志 (約280年)

時先主屯新野。徐庶見先主，先主器之，謂先主曰：「諸葛孔明者，卧龍也，將軍豈願見之乎？」

先主曰：「君與俱來。」庶曰：「此人可就見，不可屈致也。將軍宜枉駕顧之。」由是先主遂詣亮，凡三往，乃見。

背景：
劉備 200年駐新野，至 207年見諸葛亮。
諸葛亮 197年開始係南陽隆襄陽一帶。

見左三次，頭兩次「諮」詢，第三次諸葛亮寫左份report 叫隆中對
頭兩次都無影，第三次諸葛亮一早袋定隆中對比劉備睇

去左3次 第3次先見到

但可能頭2次諸葛亮有心唔見劉備

如果頭兩次專登唔見都幾博
如果劉備只係去兩次, 佢份report 係咪燒左佢

《隆中對》

自董卓已來，豪傑並起，跨州連郡者不可勝數。曹操比於袁紹，則名微而衆寡，然操遂能克紹，以弱爲彊者，非惟天時，抑亦人謀也。今操已擁百萬之衆，挾天子而令諸侯，此誠不可與爭鋒。孫權據有江東，已歷三世，國險而民附，賢能爲之用，此可以爲援而不可圖也。荊州北據漢、沔，利盡南海，東連吳會，西通巴、蜀，此用武之國，而其主不能守，此殆天所以資將軍，將軍豈有意乎？益州險塞，沃野千里，天府之土，高祖因之以成帝業。劉璋闇弱，張魯在北，民殷國富而不知存恤，智能之士思得明君。將軍旣帝室之冑，信義著於四海，總攬英雄，思賢如渴，若跨有荊、益，保其巖阻，西和諸戎，南撫夷越，外結好孫權，內脩政理；天下有變，則命一上將將荊州之軍以向宛、洛，將軍身率益州之衆出於秦川，百姓孰敢不簞食壺漿以迎將軍者乎？誠如是，則霸業可成，漢室可興矣。

亮仔：鄙人有料，即管睇下邊個夠誠意

但去三次先見到都好奇怪, 新野去南陽騎馬來回都6個鐘, 點解劉備唔等到佢返黎, 而要來回三次

個諗法其實似
你已經係香港好出名嘅明星

依家有荷里活嘅大公司招募你
調高黎賣下都正常嘅

阿亮根本冇諗過出山
佢覺得冇人配得起做佢主公
係大耳賊用誠意打動佢

分分鐘來回三次係特登

唔似「無諗過出山」喎

佢自比管仲樂毅, 都係大功臣
另外隆中對內容全部都係劉備角度出發
唔通劉表孫權搵佢三次又叫佢聯吳搶荊州咩

果陣諸葛亮已經26歲, 古代15歲出仕算失業左11年
如果劉備只去兩次見唔到, 佢又自比管仲樂毅比到50歲, 會唔會比人當佢痴線

應該唔會咁串掛

我係偏向第三次先見到

劉備 本身入主徐州 又比呂布打爆
跟住曹操比佢做豫州牧
佢又痴袁紹度要打曹操
點撚知過完檔先發現痴錯人
北方玩完 自己就走佬係荊州等死

見諸葛亮果陣劉備真係起兵後最霉咁滯
無晒計先試下搵臥龍
比我係臥龍都會擺下下馬威

你咪就係講中左
唔通其他人搵佢三次佢又聯吳搶荊
如果劉備唔搵佢
其他人搵佢，佢真係唔會出山
條友睇人跟
自傲不凡，唔係個個叫到佢出山
唔會因為冇主公而求其搵條友跟

因為唔知武侯幾時返屋企，萬一佢一頭半個月唔返 咁劉備無理由曠工半個月架

劉備髀肉復生
應該勁得閒

其實文言文嘅三次，係虛詞，其實係解多次，唔係絕對三次。

唔洗上馬打仗姐 唔一定唔洗做行政事務

無野撈成日搵水鏡學院班友 R 水吹

「凡三往，乃見」個乃係咪解三次後先見到

但係三國志先主傳入面：凡三往，乃見個凡字解作總計嘅意思

點解東漢末15歲唔出仕就當失業
(太祖)年二十，舉孝廉爲郎，除洛陽北部尉，遷頓丘令
曹操二十歲先入仕
(先主)年十五，母使行學，與同宗劉德然、遼西公孫瓚俱事故九江太守同郡盧植
劉備十五歲仲讀緊書喎
係孫權因為孫策等人用先15做官
孫權，字仲謀。兄策旣定諸郡，時權年十五，以爲陽羨長。
但係孫堅
年十七，與父共載船至錢唐，會海賊胡玉等從匏里上掠取賈人財物，方於岸上分之，行旅皆住，船不敢進。堅謂父曰：「此賊可擊，請討之。」父曰：「非爾所圖也。」堅行操刀上岸，以手東西指麾，若分部人兵以羅遮賊狀。賊望見，以爲官兵捕之，卽委財物散走。堅追，斬得一級以還。父大驚。由是顯聞，府召署假尉。
孫堅要十七歲先做官
興平元年，從袁術。術甚奇之，以堅部曲還策。
孫策咁年少有為都十七歲先入仕
十五歲除非孫權咁有個軍閥老豆同諸侯大哥,唔係好難做官呀

呢句搞下氣氛姐

主要想講劉備急，諸葛亮一樣「等」緊明主
上面有人講佢頭兩次「扮」唔係度吊高黎賣
如果扮失左佢呢世都一件臥龍

原文係：

由是先主遂詣亮，凡三往，乃見。因屏人曰：「漢室傾頹，姧臣竊命，主上蒙塵。孤不度德量力，欲信大義於天下，而智術淺短，遂用猖獗，至于今日。然志猶未已，君謂計將安出？」亮荅曰….

注意，係劉備覺得時機成熟，所以主動去入正題
問之前重要屏退旁人，咁慎重，唔會一黎三唔識七就亂去問
（雖然我一直唔知史傳入面依類機密對話係點傳落嚟，但姑且當係可信）
我傾向係頭兩次都見到，而且係有傾過，傾完劉備覺得孔明真係勁，先會咁做

否則一黎就咁問，唔講對方會嚇親，如果對方係神棍就顯得劉備太白痴了

比較想知 佢靠咩生活 冇返工冇錢

有鬼野做咩
借啲意，話去拜訪賢材
順手去食野＆叫雞一日遊