基督教連登堂2023年8月13日主日崇拜：啊仔，聽我話

多謝主，因為我都有得一齊睇神講既野

係呀，咁樣講冇錯。

不過講開又講，得救仲包括埋今生得救，爭左神既罪比神免左只係個開始，既然有返條命就可以靠主活得好好地

暫定經文 出3:1-22
暫定講題 未諗到
暫定大綱
（1）神聖臨在 出3，19
（2）法老心硬 出3，7-14
（3）搶掠埃及 出3，12
（4）得救事奉 出3，20-21
應該太長要分兩次

我都想知
猶太教係唔認耶穌 不過信神
islam 係唔認佢係神
咁佢哋上唔上到天堂？

我真係想象唔到三為一體
即係有三個人格
佢自己變身做人然後俾撒旦誘惑再上十字架？

最係一段第一點
你話到好奇妙
點睇演化論？
點睇人類同猩猩嗰啲係astonishingly similar 同埋猩猩嗰啲似乎有emotions?

最後一段第5點
我開始信有神
係因為超自然力量
即係啲人真係有驅魔實跡

我唔會賞試證明有神
the whole point of faith is faith
神嘅智慧唔應該咁輕易用人嘅方法證明到

想問exodus 21:2-6, 21, 22, 32 點解會咁階級之分
點睇21:23-25

你問得好好，呢D條例好有意思，關乎到佢既既身份同歷史，點樣係當時既社會環境做屬神既人，好值得詳細講下（應該下星期/下下星期）。

簡答下：階級幾時都有，唔會全部人都係摩西。D人條例係保護緊佢地，教緊佢地適當咁對人。以X還X係限制，參考創34章。

天堂係同永恆既神一齊既地方。
以我既理解，你想同神一齊，或者你唔想同神一齊，神都大憐憫到會比你，因為神已經透過耶穌基督成就拯救。
其實神用左佢既智慧，將兩堆人自動分類（林前1:21）。

其實我地要好小心，避免標籤化，唔係所有猶太人結果都係一樣，唔係所有Muslim 結果都係一樣，甚至講得盡D，唔係所有基督徒結果都係一樣（講緊人睇落/自認既基督徒）。

未到最後一刻，你都唔會知神會唔會特別去救某一個人，呢個恩典亦都同佢個信仰冇關。（可以救左都係得佢知或者佢身邊既人知）

神睇人既內心（撒上16:7）。內心係點，講出黎做出黎自然係點（太15:18-19）。每個人各自既結局，係睇下有冇遵行神旨意同神聯合（太7:21-23）。
一個人既結局，留返比神睇就夠 （約21:21-22）。

所以即係
為咗嗰啲人而特登set 嘅law?
算係就住嗰啲人嘅習慣而做嘅compromise?

畢竟社會制度維持咗咁耐，好難叫所有人立即改變


例如舊約有法例係以牙還牙，以眼還眼
到新約耶穌就反而教猶太人如有人打你右臉，連左臉也轉過來讓他打

舊約年代可能唔少人當被傷害後，會擊甚至殺害對方
所以舊約寫以牙還牙，係指報伏不應超過自身原本受的傷害
新約年代猶太人道德水平高咗，耶穌便教導人更進一步去寬恕別人

我真係想象唔到三為一體
即係有三個人格
佢自己變身做人然後俾撒旦誘惑再上十字架？

我都想像唔到，因為神高層次過呢個世界既所有野。
位格(person)，係一個翻譯完都唔知係咩既神學名詞，唔係講緊人格，而係拉丁文persona，意思係戲劇入面既面具：戴左個面具，就做果個角色做既野。



所以個意思係神用三個角色向人啟示。

就用以弗所書1:3-14做例子，聖父揀選教會，聖子流血拯救，聖靈作印記（身份記認+攞貨單），神用左三個角色賜福比人。

我諗可以想像一對互相信任同支持既父母（多個一個persona），有個聯名戶口（神性），啊爸用黎幫個仔交學費，啊媽用黎幫個仔買玩具（對人既唔同祝福）。

耶穌上十字架，係神既恩典，係佢自己揀由頭到尾都遵行天父旨意。其中一個重要結果係擊敗撒但既罪惡權勢。
而因為耶穌都受過魔鬼試探並且得勝，我地就知道有唔犯罪既可能，方法係好似耶穌咁聽晒天父話。

約翰福音10:17-18
//17 父愛我，因為我把生命捨去，好再把它取回來。
18 沒有人能奪去我的生命，是我自己捨去的。我有權把生命捨去，也有權把它取回來；這是我從我的父所領受的命令。”//


其他遲下有多D時間再繼續答

請問如何判斷某聲音或想法是出自於聖靈還是私慾？唔該

最係一段第一點
你話到好奇妙
點睇演化論？
點睇人類同猩猩嗰啲係astonishingly similar 同埋猩猩嗰啲似乎有emotions?

演化evolution ，可以分開做兩種。

一種係微觀既演化microevolution ，就係一個物種入面，有某D特質既一群更加能夠適應環境，導致呢一類成為大多數（或者全部）。
例如有一類細菌，同外界既交流有限制，當佢地暴露係抗生素入面，就比一般同品種既細菌更加生存到，到死剩佢地，佢地又有機會生返多，就成為抗藥性既細菌。
之但係咁，其實抗生素係一個好極端既環境，當係正常環境，佢地吸收營養既速度都係比一般既同類細菌慢超多，所以正常情況之下佢地係少數，少營養既話係佢地死先。

另一種係宏觀既演化macroevolution ，講緊由一個物種開始，透過某些突變（例如基因同環境），結構出現重大轉變，例如生出原本冇既器官，或者由猩猩變成人。
以我所知，冇任何有力既證據支持。搵到既化石，一係猩猩一係人。
當然人生苦短，無論得定係唔得，係唔會有足夠時間見證到成個過程。
呢個係一個信仰黎。有D人信得盡D，信埋生命係由無生命既野演化出黎。
呢個信仰建基於極長時間既隨機，同埋係全個過程中間，成個生態維持到。所以佢有兩個弱點：（1）生出各類複雜生物既成個演化大方向，係同熱力學第二定律既預計相反。（2）有好多物種既生存，需要透過多方面精確配合。

早前隔離post 就講緊隻扮蟻后既毛毛蟲，橫掃蟻丘變蝴蝶。如果係演化出黎，我想像唔到佢地淨係扮到一半果時點解唔絕種。





除左猩猩之外，我睇過人講狗都有emotions ，不過我未養過唔知。
猩猩同人都真係有好多方面相似，不過唔同既更加多，特別係語言同抽象思考，再進一步就靈性spirituality 。關於呢樣，我特登睇過資料先黎答，的確觀察到西非有猩猩會向樹掟石頭同叫，但係比起其他原因（中意聽聲、溝通），宗教儀式只係一個較冇可能同較引人注目既猜測。




聖經講得好直接：動物還動物，人還人。

第六日既創造入面，用左首尾呼應既倒影結構，突出核心：神賜福人，人要繁衍、增多，遍滿大地，主宰大地，統管海陸空各類生物（其中當然包埋猩猩）。
而結構之間既唔同都突出左人受造係按神形象。

A 1:24-25 神造動物。神睇落好好。
B 1:26-27 神按自己形象造人。
X 1:28 神賜福人。
B’ 1:29 神將食物賜比人。
A’ 1:30-31 神將食物賜比動物。神睇落全部野都非常好。

創世記1:24-31
//24 　神說：“地要生出各類有生命的動物，就是各類牲畜、爬行動物、地上的野獸。”事就這樣成了。
25 於是，　神造了各類地上的野獸、各類牲畜，以及地上各種各類爬行動物。　神看見這很美好！
［神創造人類］
26 　神說：“我們要照我們的形象，按我們的樣式造人，要讓他們管理海裡的魚、天空的飛鳥、牲畜和整個大地，以及一切在地上活動的爬行動物！”
27 於是，　神照著自己的形象創造了人，照著　神的形象創造了他們，男和女，他都創造了。
28 　神就賜福給他們，　神對他們說：“要繁衍、增多，遍滿大地，主宰大地；也要統管海裡的魚、天空的飛鳥和一切在地上活動的野獸。”
29 　神說：“看哪！整個地面上所有結種子的草穀豆蔬、所有果子裡有種子的樹，我都賜給你們作食物。
30 至於地上各種野獸、天空的各種飛鳥、各種在地上活動的有生命的動物，我把所有草穀豆蔬等植物都賜給牠們作食物。”事就這樣成了。
31 　神看見自己所造的一切的確非常美好！有晚上，有早晨，這是第六天。//

可以大概向呢個方向理解，而個重點係教導。

希伯來原文，翻譯做律法果個字係Torah ，之後引申到成個摩西五經都叫Torah （律法書）。Torah 就係教導咁解。呢堆教導同時做左以色列人既律法，不過中文（其實英文同絕大部分其他文都應該係）冇一個字完全表達到晒教導同律法兩個意思。

神教佢地做自由人，因為要信佢先做到，所以外邦既拜偶像風俗絕對唔跟得。
但係社會結構冇必要改晒佢，反而對每一類恰得既人，神教以色列去愛。
好似教小朋友咁，學做慣啱果樣先。
正如春絲提過，耶穌既教導照講當時有既奴僕，但係直情反轉左：做大果個服事人（路22:26）。



舉一個學得識既人做例子，就係大衛王，佢聽左一個人恰人既故事，就嬲到飛起，講左律法條文本身，講埋條文背後愛既教導。
（其實係佢又姦又殺恰完人全家，神先叫先知講呢個故事比佢聽）

撒母耳記下12:1-6
//1 耶和華差遣拿單去見大衛。拿單來到大衛那裡，對他說：“在某一座城裡有兩個人，一個富有，一個貧窮。
2 富翁有極多牛羊；
3 窮人只有一隻買來的母羊羔。窮人飼養這母羊羔，讓牠在自己及兒女身邊長大，把自己的一點餅分給牠吃，把自己的杯分給牠喝，讓牠睡在自己的懷裡，就像自己的女兒一樣。
4 有一天富翁家裡來了客人，他捨不得拿自己的牛羊去款待到訪的客人，就奪了窮人的母羊羔去款待到訪的人。”
5 大衛對那富翁憤怒極了，就對拿單說：“我指著永活的耶和華起誓，做這事的人該死！
6 那母羊羔他必須賠償四倍，因為他做這事毫不顧惜別人。”//

Thanks, 但係都係判斷唔到時機未到/永不適合/無所謂

最後一段第5點
我開始信有神
係因為超自然力量
即係啲人真係有驅魔實跡

我唔會賞試證明有神
the whole point of faith is faith
神嘅智慧唔應該咁輕易用人嘅方法證明到

都多謝你分享，我都講少少聖經睇法。


由聖經既寫作年代去到好近代，無神論都完全唔係一樣流行既諗法，聖經都費事講咁多，就咁一句：傻豬先信冇神。

詩篇14:1
//1 愚昧人心裡說：“沒有　神！”他們敗壞，行事可憎，無人行善。//

由受造既世界已經睇到神既大能同神性，係好清楚見到。

羅馬書1:20
//20 其實自創世以來，　神那些不可見的特性，就是他永恆的大能和神性，一直都清晰可見，從他所造的萬物裡就可以領悟，叫人無法抗辯。






信神，就可以求告佢既名而得救。

羅馬書10:13-14
// 13 因為“凡求告主名的人，都會得救。”
14 這樣，人沒有相信他，怎能求告他呢？沒有聽見他，怎能相信他呢？沒有宣講的，怎能聽見呢？//

神既智慧最震撼到我就係，佢用左人覺得好蠢既方法黎拯救人，就係耶穌自己釘十字架。咁樣，自以為有智慧既人唔信神咁樣拯救，反而冇左個拯救。
使徒保羅甚至用左句反話「神既愚蠢」講神既智慧

哥林多前書1:19-25
//19 事實上，經上記著：“我要消滅智慧人的智慧，廢棄聰明人的聰明。”
20 智慧人在哪裡？經學家在哪裡？這現世時代的雄辯家在哪裡？　神不是使世上的智慧變成了愚蠢嗎？
21 因為，在　神的智慧裡，既然世人憑恃智慧而不認識　神，　神就樂意用我們宣講的愚蠢信息去拯救那些相信的人。
22 猶太人要求神蹟，希臘人尋求智慧，
23 我們卻宣講被釘十字架的基督；這對猶太人是可厭的，對外族人是愚蠢的，
24 但對那些蒙召的人，不論是猶太人還是希臘人，基督卻是　神的能力，　神的智慧。
25 因為，　神的愚蠢比人更有智慧，　神的軟弱比人更有力量。//

多謝樓主覆得咁詳細
我得閒睇吓

希望幫到你，歡迎追問
睇返發現勁多typo

就千祈唔好向我（地任何一個），要向神，我都係同大家一齊做佢工人（啟22:9）

多謝你條問題，過咁耐先打得完個答案，唔好意思。我個答案會係，「認識」聖靈就知。

（1）「認識」(Hebrew: yada')，我係講緊親密既深入認識，有體驗既熟識。

創世記4:1
//1 亞當和妻子夏娃親近(yada')，夏娃就懷孕，生了該隱，她說：“我靠耶和華得了一個男孩。”//

當你同一個人熟到一個點，咁就聽佢講一句野你都認得係佢講。
對聖靈，都係一樣。如果唔熟都想就咁憑一句野認得，未免太難。


（2）資料上既認識：聖經講既聖靈，係做好多種類既野。

以弗所書6:17
//並且要戴上救恩的頭盔，拿起聖靈的利劍，就是　神的道，//

提摩太後書3:17-17
//16 全部聖經都出自　神的靈，對教導、指責、使人歸正、培訓人行義都有益處，
17 好讓屬　神的人完全勝任，裝備好做一切的善工。//

約翰福音16:7-8，13-14
//7 但我把真相告訴你們：我去對你們是有益的。如果我不去，保惠師就不會到你們這裡來；如果我去了，就會差他到你們這裡來。
8 他來到的時候，就會在罪、在義、在審判各方面指證世人的過錯。

13 但是當真理的靈來到的時候，他就會引導你們進入一切真理。他不是憑自己說話，而是把他聽見的都說出來，並且要把將來的事轉告你們。
14 他要榮耀我［耶穌］，因為他要把從我領受的傳達給你們。//

你試下睇晒成本聖經留意聖靈，仲會搵到其他好多。

小結一下，符合神心意既說話先會係聖靈既說話，而神既心意係要讀好多聖經先熟習（就咁睇神既屬性都唔及睇佢實際點行事）。


（3）經歷上既認識：正如上面講過下，有經歷就會熟，熟就會認得。

呢度有少少例子，既然隔離問到，呢度放埋，可以參考下。

基督教連登堂2023年8月20日主日崇拜：神聽到，神顧念，神睇到，神知道（上）
https://lih.kg/bBDhNpV
#31 回覆 - 分享自 LIHKG 討論區

通常神同我地講野，都係唔係我地本身期望。咁我地聽到呢類聲音果時，起碼知道唔係自己諗。

聽聖靈把聲，有得做就做，唔係既話就變成慣左唔聽，咁既話就會越黎越少聽到（既然佢講完我地唔應）。我記得之前，有好多次好似聽到神叫我向陌生人傳福音咁，我停左係度窒機，然後個機會就咁過左。（我而家都唔係次次聽，不過起碼我盡量做緊。）

如果要我總結，聖靈既聲音，好多時關注人既需要，一係我地自己既需要（安慰、鼓勵），一係其他人既需要（復和、傳福音）。如果我地用神憐憫既眼去睇人同事，而聽到指向相同方向既聲，咁就知係出自聖靈。

（4）私慾既聲音

撒旦既聲音就有時好易認，例如
指控（啟12:10）：佢都係咁啦。明明係佢衰先。

私慾，係自己想唔係神想，所以聽左做左係唔會親近左神。有時要留意既，係聖靈帶我地入真理敬拜，私慾帶我地做宗教活動。一把聲就話難分，成個過程有冇神同在就比較容易分。

關於教會決策，甚至建堂，我自己就無咩參與過（除左會友大會舉手贊成通過教會盤數），比唔到任何意見，只係可以搬字過紙咁講，就算諗到好周詳，都可以有其他人諗得同樣周詳但係持相反意見，如果討論係傷和氣唔合一，肯定至少一邊既諗法唔係來自聖靈。

多謝你詳細的回覆，說得真好！
睇聖經嘅閱讀次序係點？順住睇？隨機睇？按興趣睇？（如果聖靈冇同我講睇邊章邊節）
另外，除左application之外，有冇咩重要野要做/諗？

唔洗客氣

我自己就基本上順序睇，有時有D讀經計劃唔係完全跟書卷排列，如果睇晒冇漏我覺得都ok。

我諗視乎你對聖經既熟悉程度，未睇過晒就建議順序速讀一次先，大概知道咩野係邊度（尤其係摩西五經），聖靈要搵經文同你講起碼都有。
睇過就可以詳細D諗，問下問題，點解佢咁寫，點解好似有矛盾咁，之類。
好多時唔明個原因係我地同古代猶太人既文化差太遠，所以點都要有D參考資料。

隨機睇，係驚冇左個連貫性。
按興趣睇，係驚冷落左D唔引人興趣既書卷，例如唔知幾時先睇到約伯記（中間）同耶利米書？

不過我都聽過係有系統咁睇之外，加上主題式咁睇，按返自己個需要，覺得唔平安果時特別睇下講平安既經文，咁樣特別容易代入去有感受。（利申：未試過）

我諗application 係唔洗特登諗（唔知咁講會唔會太激進），唔洗特別搵個聖經人物出黎做榜樣或者鑑誡。唔係話同生活冇關係，而係與其特登搵應用出黎，不如留返比聖經自己講，因為最大既應用就係價值觀改變，而呢樣好多時來自發現原來神係咁樣性情，又或者發現原來神係咁樣睇人/睇事。

睇聖經注意事項，我唔識好有系統咁講，可以參考下面個playlist ，我聽左頭五十幾集都覺得大致上好好（雖然有D位唔係明晒）。

https://m.youtube.com/watch?v=7OJq1wXWKA0&list=PLWaiUZn3gz2OFvpyFKnRCM5UzdO4ve5IZ&index=1&pp=iAQB