基督教連登堂2023年8月13日主日崇拜：啊仔，聽我話

日日打丁 無資料信耶跚


講緊我自己

明白。
我自己覺得個質素好到我想呢個星期揀一篇照抄

你係咪想講 無資格信耶穌？

唔需要任何資格架。如果要資格，全世界冇一個人有資格。

神既恩典，就係佢連最不堪既人都接納，連自己都睇唔起自己既人，神都愛，神都拯救。
掃羅將神既教會趕盡殺絕，神竟然都揀佢做使徒。

羅馬書5:6-8
//6 當我們還軟弱的時候，基督就按所定的時候，為不敬虔的人死了。
7 事實上，很難會有人願意為義人死；為了好人，或許還有人有勇氣去死；
8 但是，當我們還是罪人的時候，基督就為我們死，　神就是這樣表明他自己對我們的愛了。//



掉返轉頭，當你覺得自己想做好但冇能力做好，耶穌會比到能力你，你就知道佢有幾真。

哥林多後書12:9-10
//9 他卻對我說：“我的恩典足夠你用，因為我的能力在人的軟弱上顯得完全。”所以，我更樂意誇自己的軟弱，好讓基督的能力住在我裡面。
10 因此，我為基督的緣故，就以軟弱、凌辱、苦難、迫害和困苦為喜樂，因為我甚麼時候軟弱，甚麼時候就剛強了。//

琴晚趕出post一路寫，本來唔係好知講咩好，突然間神教左我點寫埋落去，所以掌聲比佢

1. 上十架（受苦）

2. 受死

3. 復活



烏鴉口都要講句

上帝係啟示錄點煮重基督徒米、4福音耶穌點執劑法利賽人同點具體要求信佢既人有咩行動同有咩心理準備，無就緊係要感恩，希望無但好似有


「你們要進窄門。因為引到滅亡，那門是寬的，路是大的，進去的人也多；
引到永生，那門是窄的，路是小的，找着的人也少。」

(聖經．和合本, 馬太福音 7:13-14)



利申：亂講

唔好意思，借左你地方用

加油

華人教會名錄-深水埗區
https://church.oursweb.net/slocation.php?w=1&c=HK&a=%E4%B9%9D%E9%BE%8D&t=%E6%B7%B1%E6%B0%B4%E5%9F%97%E5%8D%80

我自己唔熟呢區，試下比D一般既意見。
如果要揀教會返，我會睇佢信D咩，即係信仰聲明 statement of faith，如果同信經相乎（使徒信經、尼西亞信經，之類），又高舉聖經，唔以自己出版既刊物做權威，咁我會當係「正常」。

逐間睇的確會睇到蚊訓，所以可以由個宗派判斷到，傳統大宗派就基本上實係正常。

就以第一頁為例，播道會、禮賢會、中華基督教會、長老會，我都會自動判斷做正常。
冇宗派/非傳統大宗派唔代表唔正常，只不過要㩒入去睇清楚佢信咩。

另外要留意某類教會較極端/有爭議，第7頁就有間基督復臨安息日會，我自己就唔會入喇。

絕大部分都會寫清楚崇拜時間，照計個網有（真係冇既話，堂會門口都應該要有），就咁行入去就得。

通常係星期日朝早，但亦都有其他既時間（例如星期日晚或者星期六晚），好睇間教會係點。

（另外通常會有其他聚會，團契/小組/查經 等等，負責人會講到比你知係點。）

例如可蘭經話耶穌冇死，但聖經話耶穌有死，咁根據laws of non-contradiction，兩個只能有一個係啱，咁即係一係可蘭經係啱，一係聖經係啱，只可以揀一個。

咁問題來啦，咁我點知呀？歷史上有冇證據呢？邊個早啲呢？有冇證人呢？

都明我講乜？

如果有心，宗教比較過你會搵到答案

例如比較教義

或者比較文本

多謝你條問題，你問得好好。

我試下由幾個角度睇。其餘既就唔該其他巴絲補充。

（1）By probability

係你面前有一粒骰 🎲
唔叫你試擲，就咁問你擲到6既概率，咁by probability 就係1/6。
咁如果比你試擲，你就可以係咁試，試擲60次，600次，6000次，睇下係咪真係大概出到10次/100次/1000次6。

你計probability 既過程入面，其實當左粒骰係fair die，出每一面個概率係一樣。
到你真係試擲，可能你會發現到其實係unfair die，例如可以差唔多次次都出6。
而當你冇得試/未試過，因為唔知，就只有假設呢粒係fair die ，先有得計落去。
如果你未試過，但係有其他人試過擲，咁佢地既data 就好幫到你落一個更加合符事實既假設。

同樣，去到睇邊個係神，都適合用盡晒歷世歷代已有既資料（尤其係話自己來源係神既資料），先可以建基係一個最合理既假設上面繼續睇落去（而唔係當某某係神全部機會均等）。

（2）神搵人 vs. 人搵神

人係會用好多個方法搵神，如果唔係就唔會有咁多宗教。人會覺得呢個係神果個係神，又或者練到自己進入某個境界。咁係點既呢？最直接就係問下話自己搵到既人，睇下佢用咩方法，結果係點樣。絕大部分佢地都已經死晒，但係有文字記錄可以睇返佢講過咩、做過咩、有咩經驗之類。

咁掉返轉頭諗，如果你係神，想搵人，你會點搵呢？咁做得神，用咩方法都得架啦，但係你會想用個清楚唔會搞錯既方法黎搵，包括做D人做唔到既神蹟：
•可以整好細緻精密同好靚既野，
•可以直接講野比人聽，
•可以做D人想神做既野（即係聽祈禱，不過唔會全部做晒，例如一個人想落雨一個人想晴天），
•可以將世界既規則反轉，等等。
甚至可以自己做埋人，黎到地上同人一齊生活。
咁人見到呢D事，就知道神係度，同埋神係點

（3）證明係神

人最叻既證明方法，有兩種。

第一種係邏輯推理，就係諗得清楚D諗晒所有情況，「根據現有資料一定要有呢個結論」，呢個係數學同哲學既範圍。
呢個方法係絕對唔會錯，但佢既限制，在於你要驗證晒D前題先，而當你一路問落去問「咁佢個前題點解啱」，去到最尾你會發現一係要講個信字（大家都係咁睇個世界架啦），一係離晒地唔係講緊人話，一係兩樣一齊

第二種係實驗模型，就係係咁試，整理觀察所得（仲可以試埋寫條式出黎計），「次次都係咁所以下次應該都係」，呢個係自然科學既方法，可以用落：物理、化學、生物、地質、天文，等等。
呢個方法既限制，係:
(a) 佢有錯既可能，所以嚴格黎講唔係一種證明;
(b) 你要個對象肯比你無限狂試，所以大多數情況係唔會用落人身上（就算心理學既問卷都要特登出D重覆問題，驚人亂填）。

所以，其實兩種方法都唔適合用落神身上研究神，除非佢先比左你信得過既關於佢既資料（第一種方法），同埋除非佢肯比你試（第二種方法）。

（4）幾多個神

係一個神定係好多個神共存，我地試下用上述既邏輯推理睇下。

(a) 如果係一個神，咁就成個天地都佢做出黎，成個歷史既走向都係佢話事，人既結局由佢決定，等等。（咁係邏輯上合理，雖然我地未必明佢點解咁決定，但係佢可以有一個好一致既原因。）

(b) 如果係好多個神，咁呢好多個神就一係要和平分工，一係要爭過打過

(i) 如果佢地和平分工，所有野都係同心合意，你信一個同信晒成堆都冇衝突，其實咪同(a) 既情況冇分別（即係當緊(a)既「神」就係(b)(i)既成堆神既整體）

(ii) 如果佢地要爭過打過，咁去到最尾點都有個贏有個輸，咁輸左果個其實都唔係神啦。（咁打和係咁打落去呢？係咁既話，又邊度仲咁得閒，一路打一路創造個世界出黎？）
所以，剩返既，一係得一個（即係(a)既情況），一係得一堆完全一齊既（即係(b)(i)既情況）。

（5）基督教既神

最後，你入得黎呢個post 度問，都話埋比你知基督教既神係點。

•佢係三位合一（即係上述(b)(i)=(a)）：聖父、聖子、聖靈，都係100%神。
•冇其他神。
•佢（聖父）創造左成個天地、所有生物、人。
•佢係歷史入面同人講野，而且用人既手寫左聖經講佢自己係點，一直流傳到而家。
•佢自己成為人黎到地上，就係~2000年前既（聖子）耶穌基督，為人同遭遇都符合一早寫左既舊約聖經（即係應驗左之前預言），而佢亦都係在生既時侯都講定自己點樣受苦、受死、復活，並且照做（即係應驗左佢對自己既預言）。
•佢（聖靈）住係每一個信佢既人入面，隨時安慰、帶領、幫助、提醒。
•佢講過就實會做，將人唔應得既禮物送比人，而人犯罪應得既報應，當人悔改佢就唔報落人身上。佢接納每一個人，用犧牲既愛同不變既愛去愛每一個人，只要信佢就可以同佢一齊。

咁我點知佢係真呢？

1、聖父既創造係好奇妙，讀科學既人特別會明白，當睇到好遠好遠，好細好細，或者唔同動植物，都唔難見到，如果你睇紀錄片，好多時個旁述都不由自主咁讚歎：「真係奇妙！」。（要例子既話有好多，不過你話信有神，我諗唔洗特別講）
2、聖經既歷史有好多考古既佐證，由出埃及記（舊約第二卷書，~1400-1200 BC）開始就有。
3、耶穌時代既人，包括反對佢既猶太人，同埋當權既羅馬人，都有記錄耶穌同門徒既事，其中有講到耶穌既超自然力量，同埋耶穌門徒既反應，由耶穌釘十字架佢地驚死，到公然行出黎講耶穌復活左既180°改變，都同聖經符合。
4、親身見過耶穌復活既人，就算要受酷刑受死，都堅持見證耶穌復活左。
5、淨係講我自己，我都經歷過超自然神蹟，同聽到聖靈同我講野（多數既形式係諗起一段我好唔熟既經文/句子，又啱晒個情況安慰到我/阻止到我亂黎）。

又真係，有人陪既話係會好。
唔係個個都自動好熱情招呼，有唔少返教會既人都某程度怕醜，例如我
不過神睇住既。
魚巴，我為你祈禱

所以，既然神咁想同人講野，你同佢講講野佢都會應你，呢個係對於你自己黎講最好既證明。聖經就話神一定會應既。

馬太福音7:7-8
//7 “你們要祈求，就會給你們；要尋找，就會尋見；要叩門，就會給你們開門。
8 因為凡祈求的就得到，尋找的就尋見，叩門的就會給他開門。//

祝福你，撚巴，我為你祈禱

其實諗返起，日日打丁我都係過來人，雖然我唔太講究，但係我都好清楚係咩一回事。
神救左我，都一樣救到你。

多謝你同你地支持我去事奉

世界唔平安，神比我地有平安