<名偵探柯南>集中討論區16

點解之前netflix 上完又落返架嘅？

https://youtu.be/olFGm5h4sFQ?si=kFfINqeB3pQq11WQ
27年了

有無人估下小哀M27有分鐘戲

十分鐘左右已經好好

私心希望有返m24咁上下

仲未知幾時有新漫畫

難啲 M27主打基德
咁九成係講基德又扮新一接近小蘭激嬲柯南
咁行新蘭線點會推小哀

$$$
依家柯南賣人設多過賣推理
依家最受歡迎周邊最賺錢 除咗主角柯南
就怪盜基德 赤井 安室 灰原 平次 小蘭呢啲人設受歡迎僅次主角

如果佢夠姜，就出越水七槻逃獄
之後世良同柯南見到佢諗住捉佢
點知平次見到越水決定協助佢
嚟返場東西+真假決戰

其實依家劇場版都知賣人設係視保證
近幾年都怪盜基德 赤井 安室 灰原 平次輪流做主角
M21 平次
M22 安室
M23 基德 京極真
M24 赤井
M25 安室
M26 小哀
M27 基德 平次
之前個D就主要柯南單人做主角推理/動作戲為主某D案件 近幾年真係搵其他受歡迎角色做單元主角

所以咪話如果佢哋夠膽 不如直接出高人氣但好耐冇出嘅角
例如白馬，越水，英理，洋子，魯邦

調返轉太耐冇出有風險
可能當初出個陣受歡迎嘅
但耐咗 新觀眾又唔識
做劇場版又要吸舊觀眾又要吸新觀眾先保證票房收入

反而我咁諗
如果新觀眾唔識可以當係一套普通電影
舊觀眾更加可以當懷舊
而且如果電影做得好，可能可以吸引新人睇返以前啲內容

又賣快蘭肯定俾人屌到仆街
上次m23玩夫目前已經搞到基德人氣急插
今次主役仲敢玩可能票房差過m23成為最大跌幅劇場版

如果係咁就真係襯托M26同小哀lor

其實M23京極真出場都係類似玩法
但係要諗班人點出最合理
例如真要同圓子一齊出 英理要同毛利大叔
而且要長期keep住有出場個D先得
越水單元角色 就算當時個單案受歡迎 冇睇過唔認得先佔多數
始終真 英理呢啲去到盡50集甚至20-30集點都有1集半集出場 點都多人認得

柯哀黨集結
始終柯南同小哀係唔同衝突同冒險之中互相理解培養出感情(無論係友情 友達以上定愛情 唔同讀者有唔同理解)
觀眾代入到點解小哀會愛上柯南 柯南點解對小哀有特別感情(姑勿論個「特別感情」係唔係愛情)

反而小蘭同新一我真係代入唔到
可能因為故事開始前乜都未做 佢哋人設上已經係注定一對
我都未見證到就要接受
我「知道」新一好愛小蘭 但我代入唔到新一愛喺邊度

但係越水人氣高到青山要作個世良去頂佢個位

當初係 但依家好忟水
唔識佢嘅一定多過識佢

其實和葉一樣
平次唔出，佢都冇份

由美Dan都係
好掛住佢同秀吉

唉 我都好鍾意佢

其實好多角色係依附某啲重要角色先有出場機會
和葉係依附平次 但平次自己可以獨立出場整個「關西偵探傳」獨自破案 但和葉獨自出場就冇嘢可以寫
步美光彥元太一定要依附少年偵探團/阿笠博士先有劇情
小哀可以以科學家身份同佢才智做好多野 唔使下下依附主角柯南先有劇情
圓子要出場 都九成係佢同閨蜜小蘭一齊去玩先得 即係依附緊小蘭嘅角色
就算去到所謂女主角小蘭 但個人設都係依附柯南/新一先有野寫

始終劇場版同電視動畫/漫畫唔同
電視動畫/漫畫可以試好多野
最多炒車炒咗1集
反正個節目時段唔會1集炒車就cut你 廣告贊助都係

但劇場版一炒車 就票房仆直 直接反映喺收入個度
所以最緊要穩陣
搵個單元角色做主角咁危險肯定冇可能
可能當初出個一個單元時當時好多觀眾喜歡 但依家肯定冇人識

更何況客路都唔同
會keep住追電視動畫/漫畫通常都係長期fans
但入場睇電影個D可能係長期fans 可能係路人客 可能係細個睇過下依家來懷緬下
佢哋個認知可能只係停留喺知道「有個偵探俾黑衣組織落藥變咗小朋友 之後為咗變返大而追查個神秘組織順便做返老本行查案 主角柯南同身邊幾個熟人都識嘅」
點會知道呢啲單元角色

Anyway雖然我係柯哀黨員
但係都幾肯定係小哀單戀柯南
柯南雖然對小哀有「特別感情」
但只係友達以上嘅靈魂拍檔
應該冇諗過係男女之情(冇定冇發覺 可能得柯南先知)
而小哀知道柯南心入面已經小蘭 亦覺得自己曾經係黑暗世界嘅人配唔起所有野都咁完美嘅柯南 所以個感情係隱藏 冇諗過真係行動

不過如果柯南知道小哀個感覺再反思自己點睇佢
或者同小蘭嘅感情假如出現問題(始終新蘭戀係建築嘅泡沫之上 冇得相見 大家唔理解大家近況同諗乜 新一次次聽電話都hea 9小蘭 小蘭一直唔想新一做佢最鍾意嘅偵探推理狂 呢啲嘢最後新蘭會唔會解決到定一次過爆曬?)
有哂呢啲情況或者柯哀先有進展
否則只會停留喺原地 小哀暗戀柯南但唔會行動 柯南當人友達以上但唔會細思有冇愛情定友情

柯南所有野都咁完美
仲要咁多次唔要命咁去救小哀 俾佢生存嘅勇氣
小哀都係血肉之軀 點會唔中招
所以唔好怪小哀愛上個有婦之夫 柯南應該仲大責任
更何況故事未完 仲有機會逆轉