「非」正常人類：南非開普敦遊記

係！！！！！尋日星期五終於完咗了暫時市區情況正常可以放心！



結局係：政府應承俾返扣押咗嘅的士出嚟，的士工會Santaco接受咗政府嘅條件。但其實成個禮拜之前政府已經係開緊一樣嘅條件，冇任何改變。如果佢哋肯早啲接受嘅話，依個禮拜嘅槍擊案死人燒車根本一早都唔需要發生。

公佈就淨係話死咗五個人。但係喺呢度買槍好容易，睇到新聞嗰種情況冇可能傷亡咁少

屌公道一定攞唔返，唯有希望盡快平安

感謝墨魚
多謝你嘅支持呀你哋每個支持都係我繼續寫落去嘅動力因為依邊upload相真係太慢啦

仲有五日就返香港了

嚟緊嘅行程應該係
- Kalk bay
- Cape point 好望角
- Boulders beach 企鵝沙灘
- Skydive and paragliding
- Sand dunes quad bike

原本有諗住嚟依度挑戰bungee jump，因為係全世界最高嘅！但係最後發現唔揸車嘅話，個地點真係好唔就腳，揸車都要六、七個鐘先到。

咁就好掙扎緊自唔自駕好

絕對推介！呢度唔揸車嘅話冇咁好玩。因為一個景點距離一個景點，中間相隔好遠。特別係入黑後喺條街行真係唔安全

泊車方面唔使擔心依度最多就係空地
今日去個海灘，啲車就嚟多過海灘上嘅人

想請教吓樓主一個人自由行 唔自駕遊
得閒join吓day tour
會唔會覺得唔夠好玩?

我自己都係咁 自己一個靠Uber出行
依度嘅人超熱情，對遊客亦都幾好。所以其實只要open minded、肯去接受人哋嘅文化、嘗試新事物，自己一個都可以好好玩！

同時當然都要注意安全呀自己一個
我好似淨係post呢邊好嘅一面，但其實治安真係比較差，所以最緊要去旅行好玩都要保護自己。

同埋如果自己一個人去嘅話，真係要做足功課先！

例如依度街上面有好多人行乞，佢哋會話自己冇嘢食可唔可以買嘢食比佢哋。你鍾意可以買，但係唔鍾意冇心情可以直接行開或者同佢哋講話no need no money之類。完全係可以拒絕佢哋嘅！

太陽落咗山之後唔好自己一個喺非旅遊區嘅街度行。

Long street 有好多人會呃你去ATM，同你講話可以幫你申請免費交通。

電話相機AirPod 出咗旅遊區就收埋入袋，財不露眼。就算諗住call車，都入去商場或者店舖入面call，唔好拎部手機係出面條街度等。

有咩唔對路要勇敢say no

多謝樓主詳細嘅分享
我最擔心就係安全問題
但今年真係好想獨遊南非

唔好咁講！我想所有人都玩得開心盡興然後安全咁樣返到香港
所以都想分享啲自己曾經差啲中伏或者聽過人哋中伏嘅經歷，起碼大家留個心眼。
希望你嚟南非會有個獨一無二嘅旅行體驗啦

南非旅行係連登比較少見
支持樓主出多啲文
等一眾想去南非嘅巴絲多啲資訊參考

【 開普敦版南豐紗廠 - Hout bay 】

今日去咗Hout bay，呢個係一個漁港碼頭亦有魚市集，距離市中心大概25分鐘車程。嗰度有一個Bay Habour Market市集可以行吓，同埋可以搭船出去seal island睇海獅仔！

途中經過一個Township ：Imizamo Yethu 。喺依邊Township有一個特別嘅意思，係指黑人居住區。種族政策嘅時候，黑人淨係批准可以住去呢啲地方，時至今日仲係有好多窮人冇能力搬走。

呢張係喺車入面透過車窗影出去嘅。其實平時都會經過唔同嘅Township。只係一直覺得好似直接影到人哋個樣唔太尊重，當然都會有危險啦。



由踏入到踏出依個呢個市集淨係15分鐘嘅時間。入邊啲嘢仲少過南豐紗廠。仲要係對於冇養寵物嘅人黎講，行街去行南豐紗廠嘅嗰隻程度。我連影相都唔知道有咩好影了，下次都係唔好太相信Google review。


呢張係無意中出現嘅蒲公英

唔好睇到黑人哥哥個樣好惡好大份咁！係我影得衰！實際上佢勁好人超級溫柔又welcoming，瘋狂請我試食雪糕，仲要每一匙羹都好大嚿雪糕。我真係諗佢哋咁樣俾法，會唔會蝕㗎？最後叫咗個叫Addiction 嘅口味，係雲呢拿based 嘅杏仁碎雪糕。



名：Sinnfull ice cream
食物：雪糕同窩夫。
價錢： $15港紙一大球
裝修：我覺得幾有非洲感覺，應該叫做工業風？

【 Seal island 大型海獅見面會 】


睇吓個啊叔幾chill！

呢度其中一樣最出名嘅活動係⋯Seal 海豹島！
開普敦喺冬天嘅時候會有好多海豹同埋企鵝。依度嘅水上活動例如surfing 都好出名。喺Hout bay呢個港灣就可以搭遊艇出去海豹島嗰度睇嗰一大班海豹喺度懶洋洋曬太陽。



呢啲你睇吓佢個樣幾可愛。

海豹同海獅我其實唔係好分到，兩個都一樣咁可愛。
🦭🦭🦭依個emoji真係好嬲抽



https://wuo-wuo.com/topics/widlife/64-comparison-and-similar-animals/641-i-was-with-him-is-not-the-same-seals-fur-seals-sea-lions-innocently-tell

去完個市集之後，沿着往沙灘嗰個方向直行就會到專門有遊艇來往海豹島嘅碼頭。我好彩地趕上三分鐘後開嘅船 成人船飛係港幣$70左右，但係冇得落船嘅。全程三十分鐘左右都係船度睇完就走！



坐船嘅時候，相入面嘅隔離依個白人叔叔走過來同我傾偈。（好搞笑，呢度啲人見到你係亞洲人、係遊客、自己一個咁樣就好鍾意走過來同你傾偈。我冇試過有一日出街係冇人同我依個學生哥遊客傾偈。）

佢話佢經常搭依架船出去睇海豹，因為依架船嘅主人係佢嘅好朋友。佢話佢1960年代就住喺依邊，嗰陣時海灣上仲係得一棟白色屋仔，佢就係住喺嗰度。依家已經喺有一連串沿着海岸線而興建嘅新式住屋了。



呢度有啲似係香港西環碼頭嘅感覺。分別係，西環碼頭好多後生仔女喺度影相打卡，喺Hout bay依度嘅人數同香港比一半都冇。同埋係一家大細過嚟Family day較多，同小朋友過嚟睇吓魚仔動物仔，咁又一日了。

因為依個係一個碼頭！所以佢依度附近又有魚市場同埋海鮮餐廳。我一直覺得喺碼頭附近食嘅海鮮，一定係即劏即食，會新鮮啲。佢嘅魚市場規模唔係好大，大概正常一間餐廳嘅面積左右。但真係見到有個池，佢哋會喺度劏魚嘅，好似百佳/酒樓。



魚市場隔籬就係一個做海鮮快餐嘅外賣店，啲人喺度排隊買完炸魚薯條、魷魚圈、炸蝦炸海鮮嗰啲之後，會坐喺出面對住個海食，又或者外面都有啲座位可以坐低嚟食。真係好開心！唔知係咪心理作用，覺得啲炸魷魚圈都新鮮啲而且真係好大份

原來漁夫真係會食漁夫之寶


要小心唔好俾啲海鷗偷走啲嘢食


題外話今日嘅日落好靚

收皮啦on9仔，你老母臭閪

嚟咗呢度成個月！今日第一次搭火車！

因為之前成日聽人講呢度嘅火車並唔安全，所以一直以來都冇搭。今日去咗Kalk bay，佢係好多手工藝品店同埋咖啡店聚集嘅一個海灘。臨走諗住去買番啲手信帶返香港，而經過依個車站。過嚟嗰陣喺Uber上面沿途經過已經覺得呢個海灘好靚。

個車站第一眼望到就覺得好誇張呀！太靚啦一定要搭一次！




好誇張！原來南非Cape Town嘅火車係咁靚㗎！由Kalk Bay（台灣譯做：卡爾克灣/卡克灣；未搵到香港嘅翻譯）一直開到開普敦市中心。車程唔密！大概半個鐘至廿分鐘先有一班車。

啲車站起喺海濱附近，望住一望無際嘅海岸線
靚到好似海報咁樣！靚到好似宮崎駿入面嘅動畫咁樣！靚到好似色彩飽和度+50咁樣！詞窮了
唔講仲以為喺日本鎌倉！依條列車線值得比全世界知道！！！！太興奮喇，要推介！



我喺星期一嘅中午坐，全程一直都有位坐。不過我就冇搭到去市中心，中途就落咗車了。

見到有啲小朋友着住校服都自己一個坐依個列車，我諗都幾安全。不過冇諗到佢哋嘅車站入面都係可以食煙食大麻的。

一張由頭站坐到最尾嘅成人車票大約HKD4，車程大概一個鐘至一個半鐘左右。

多人去過, 同特唔特別係兩回事
屌你老母

呢一度係佢哋嘅的士站，入邊一架架、好似我哋小巴咁嘅大細嘅就係佢哋嘅的士。我哋平時認識嘅的士唔同，呢度嘅的士上班唔識嘅人一齊等車一齊上去，沿途經過你想落嘅站就同司機大哥大叫有落（好似我哋嘅小巴咁。）

的士亦都係開普敦依度市民最主要出入嘅交通工具，所以之前Taxi strike 嘅時候搞到全城有好多店舖都因為員工返唔到嚟，而開唔到門

依家的士示威完咗，佢哋返返嚟了。平時佢哋會喺條街度大叫招客，開頭嚟嘅時候都覺得幾有趣，經過示威之後就⋯⋯



同埋佢哋呢度啲紅綠燈唔係好work
啱啱嚟到呢度嘅時候企喺交通燈面前等咗5分鐘都一直係紅燈，到最後係見到身邊啲人完全唔理交通燈，照樣行過。我先學識咗佢哋係唔理交通燈嘅。

好似成日講呢度嘅好嘢，覺得係時候都要講返一啲現實少少嘅問題。

即係：Homeless同埋失業率！

南非嘅失業率一直都高企，即使疫情前已經有好多人搵唔到工作。

一嚟係依邊嘅就業機會唔係好多，唔算話好多企業。政府掛住貪污，都冇乜多餘錢多餘心力去搞好經濟（不過有心力去同中國建交，唔希望會踏上斯里蘭卡後塵）

如果你係大企業你都唔會揀喺南非呢啲冇乜消費能力、人均GDP又低嘅地方開分店啦特別仲要罪案率咁高！所以依度係冇乜國際大企業、大品牌的。



依度嘅失業率竟然有26%26%有幾多？對比返香港剩係得6、7%，可想言之呢度嘅失業問題有幾嚴重
咁啲人冇工返、冇收入、比唔起屋租同埋支付生活雜費，唯有迫於無奈成為homeless嘅一份子。

疫情之後，更加多企業要執笠，令到失業率持續上升。同埋開普敦一直都係遊客城市，旅遊業係佢哋嘅重要收入源頭之一。要封城隔離，旅客入唔到境，冇咗呢個收入來源經濟就更加差。



經常都會見到馬路上面有無家可歸嘅人過去問啲車主行乞，大多數都唔會攻擊人嘅。所以唔使驚！
有好多都真係未必要錢，淨係會問你有冇食物。

早幾日先去完Cape Point南非真係太靚

Franschhoek、 Stellenbosch啲環境係咪好正？

唔知有冇你入鏡？

樓主你有無join d day tour?

lm