「非」正常人類：南非開普敦遊記

我想表達嘅意思係非洲依塊大陸板塊呢！
唔好意思，係我表達得唔清楚！

多謝支持
保證唔會爛尾！！！！！！！！！

啊！！！！！！！
對唔住啊！因為依邊網絡好差，我冇Double check過就post咗出嚟。可能有啲圖原來我仲未upload哂，搞到出到嚟淨係出到半張圖。

唉太心急了
依家知道了！感謝提醒！以後唔會了

留名睇影女

感謝樓上巴打分享生蠔！

我都食咗幾次生蠔，依幾次都喺係V&A waterfront嗰邊嘅海傍餐廳。價格嚟講對當地人比較貴，都係遊客為主。對香港人嚟講就係好抵屌！！！



喺遊客區度，半打生蠔HKD 60+-，已經講緊係有質素保證、環境同服務好好嗰種餐廳。食扒、肉類嗰啲都好平，大概HKD 100 有200gram。
當然如果討論米芝蓮餐廳嘅話，當然一定唔止呢個價

因為Cape Town係海港城市，再加上依家天氣凍盛產生蠔，係生蠔愛好者嘅天堂啊

Waterfront 冇咩特別 但安全 遊客區
可以試呢間 Baia Seafood Restaurant

嚟緊呢幾日諗住入市區睇吓個示威進行成點。

有間Cafe喺市區都好想去試，叫做Truth coffee，2015年拎咗Daily Telegraph 選出嘅the world's best coffee shop。喺開普敦有超級多咖啡店，仲要好多小店、唔係連鎖大集團嗰隻最抵錫！嚟咗依度之後每日至少一杯咖啡要睇吓依間真相咖啡有幾猛料！



之後就會去Safari 睇Big five。人生第一次想問有無啲乜嘢要注意！

感謝分享！已bookmark

想問個有啲廢嘅問題
當地啲白人同黑人會唔會做朋友一齊出街？
定普遍都係白人圈子黑人圈子咁自成一角？

好正 以前睇住Ming 仔d 片就好想去
注意安全呀

有冇野生動物睇？

一啲都唔廢！唔好咁講！
其實都經常會見到白人黑人一齊玩嘅組合
呢邊文化都比較多元
後生嘅冇乜所謂
可能係老嘅因為以前嘅歷史原因就比較少見到咁樣嘅組合

我係依邊已經一個月，時間唔係好長。
但係我覺得返香港之後，我應該最唔習慣嘅係啲人冇咁熱情
依邊真係好warm culture

係啊！非洲真係人生bucket list之一！
去完南非更加想去東非親親大自然了

嚟緊有！會去safari！
希望可以睇到哂Big 5

生蠔

Wine tasting 篇

大家好！我終於返嚟啦，尋日去咗wine tasting 飲咗太多酒打唔到文。

南非好多酒莊，所以cape town 嘅遊客都鍾意去附近嘅region wine tasting，價錢仲要好平吓。我係喺網上買咗city pass，一個價錢包含好多唔同嘅活動可以揀，你一日內可以去到幾多就仼去。除咗一日嘅City pass之外，仲有兩日三日四日唔知幾多日可以俾你揀。我喺其他app搵返，淨係報依個價錢都唔貴！



依個Day trip會去晒附近三個regions 入面三間唔同嘅酒莊進行wine tasting。呢個行程包括15杯紅、白、氣泡酒，再配對返適合嘅朱古力、芝士、果仁之類嘅小食做pairing。鍾意嗰個酒莊嘅走都可以即場落order，佢哋會再送到去你嘅home address，唔使擺入行李箱度揹返去咁麻煩。



朝頭早八點半旅遊巴出發！成團人有大概30個，會去三個regions：Paarl、Franschhoek、 Stellenbosch，至於嗰啲酒莊嘅名唔好意思我已經唔記得了



平日都有好多遊客都有join呢個活動，當中都有幾個係同我一樣solo traveler。不過其實我唔係好識飲酒的，所以冇乜好獨特嘅見解，純粹分享吓行程


喺第一個酒莊嗰度品酒嘅時候，識到同枱一對之前住過喺香港嘅英國父子，兩仔爺過嚟開普敦旅行。

白人爸爸係純正英國人早幾年喺香港唔知邊間銀行做金融，喺香港生活咗10年。個仔就係英日混血，同我同年紀，喺英國出世細個跟屋企人嚟咗香港讀書，而家喺英國唔知邊間大學讀醫科。

佢哋坐喺我一左一右。英國人文化比較客氣，係咁同我講話好鍾意香港，話之前住喺跑馬地覺得好舒服。聽到佢哋講話二零年之後就決定搬返英國就估到咩事了。

枱面上面擺放左幾隻芝士、橄欖、麵包同埋果醬。個酒莊職員會一邊喺度介紹啲酒有咩咁特別、適合配啲乜嘢一齊食。



喺第二個酒莊嘅時候，坐喺我隔離嘅男仔係喺Johannesburg過嚟solo trip嘅見習律師。佢只係大我一兩年咋由未飲酒去到飲咗酒之後，成團人喺酒精嘅影響之下都勁friendly勁熱情。

明明大家唔同國家唔同城市唔同文化都傾得好開心，仲同咗幾個人交換Instagram再約。



第三個酒莊裏面有我最期待嘅環節：Belgium chocolate pairing with wine。
勁開心，莊園嘅人擺到超靚！
不過味道就好甜好甜⋯⋯唔知係咪為咗配返啲酒。



啲酒莊嘅環境勁靚！我仲係唔係好識得欣賞紅酒。白酒氣泡酒OK ，但我已經唔記得晒佢哋啲名了。
呢個行程推介俾solo traveler，可以感受吓依邊嘅文化特色又識吓朋友仔！

［LIVE] 停電篇

寫在停電嘅時候，本身諗住影相，拎起手機撳入相機嗰度先發現成條街黑掹掹乜嘢都影唔到

喺南非生活除咗罪案率同Homeless問題之外，我覺得最影響旅客嘅絕對係load shedding 停電。依個term我真係黎到先第一次聽。

//Load shedding requires switching off parts of South Africa's electric grid in a planned and controlled manner due to insufficient capacity or to avoid a countrywide blackout. The higher the stage, the more electricity needs to be saved and the longer the blackouts last for.//

南非咁大個國家，竟然係得一間電力公司供應電力：Eskom。

Eskom係一間stated owned enterprise 國企，壟斷咗全國嘅電力市場。南非成個國家都好貪污，依間電力公司都唔例外。所以啲發電設施日久失修，經常壞，導致依個國家成日需要停電。

（其實關於南非嘅政治，我都好想講吓。可惜我唔夠班，希望有熟悉嘅巴打可以幫我補充。）

政府甚至推出咗個app ：ESP，去通知市民今日各區幾時需要load shedding ，等大家做好準備。如果大家想去南非玩嘅話，真係要download呢個，超有需要。



我喺度已經過咗一個月，試過連續停電48小時，真係極度唔方便。雪櫃啲嘢壞晒、熱水爐冇晒熱水，冬天要沖凍水涼

因為唔止係住宅，連餐廳商場都需要停電。所以有啲餐廳同埋房屋會興建咗自己嘅小規模發電設施，供應自己短暫所需嘅電力。不過都淨係供應到短期少量嘅用電咋！

成件事真係好黐線。一個國家竟然成日需要停電，完全唔夠電力供應，依樣嘢唔係最黐線。最黐線嘅係個原因係因為政府貪污。

講起政府，前排去Cafe識咗一個南非鬼妹，廿到尾左右喺embassy度翻工嘅白人。同佢幾好傾，佢仲留咗佢電話號碼俾我話得閒嘅時候可以搵佢約下見面。而家諗緊臨走之前好唔好WhatsApp下佢約佢出嚟飲杯咖啡。絕對唔係鹹濕！純粹想同佢傾吓南非嘅政局、社會問題、國際關係之類之類，上堂private tutorial但係又驚隔咗幾個禮拜先搵佢好似有啲唔禮貌

日頭嘅時候都可以擺低電子產品，做吓其他嘢。
夜晚好似而家咁樣黑晒真係唔知有咩好做，仲有半個鐘我依區先停完電

搵啦！當識個朋友都好呀

好想去 開普敦 坐 UH-1 直昇機 tour
LM

我又諗住十月出高加索遊記
利申：去完 打緊

打2個月？

打得慢係咁
一日得一兩個鐘打 又要諗下點寫

開住post寫會因為趕工啲文質素會下降