「非」正常人類：南非開普敦遊記

去左幾多日同邊

未到好多人
但都未至於「咁冷門」
南非不嬲都係世界旅遊熱門地方

留名

樓主，lihkg 個upload 圖既server 好似有size restriction，如果張相太大既話下半張相會灰左
你day 1 既相基本上都係咁
要勞煩你重新up 過

[ 繼續live ]

早晨！今朝早我嗰區繼續load shedding 。

起身去做個gym先！不過gym room都一樣停電，啲跑步機停哂。




依個係停電下嘅supermarket ，好似好光猛咁係因為依家係正午十二點。大家都習慣咗停電下繼續如常生活。

原來係咁！我仲以為係因為呢度網絡好差，所以upload唔到

感謝告知！！！！！

返來了！而家係依邊中午12:30，瞓耐咗啱啱做完尖！

依家喺依間cafe 度，好似好出名嗰啲國際大獎
諗緊食咩，有冇提議！

之前講過呢度有間Cafe好出名，連啲當地人都好鍾意佢哋嘅咖啡豆。今日就去睇吓。

自從示威之後都冇出過去市區，今日終於第一次出城去睇吓個環境係點。So far Uber 係比平時貴咗20幾蚊之外又唔覺得有特別堵塞。

原本佢嘅Menu好多嘢、好多配搭可以揀。
咖啡豆都有四種可以揀，全部都係佢哋自己喺店入邊有個大爐磨




但係佢哋話因為taxi strike令到佢哋好多員工都返唔到嚟，所以準備唔到咁多嘢食，就推出咗一個taxi strike menu。



叫咗個Egg Benedict同flat white。食嘢先！

lm

好！今晚返到去就WhatsApp佢！
再同大家live！

我想睇呀屌你老母臭閪 躝啦

Lm

以下依一篇唔係遊記，只係我個人嘅小小感想。

因為開普敦呢邊Taxi strike嘅持續（的士工會Sataco嘅聲明話會延續到今個禮拜四，為期七日。）所以市面上面有好多店舖都冇開門。冇咩地方好去，我又去咗另一間Cafe度坐下。

依間Cafe嘅職員好chill好年輕，見到我係亞洲人面孔走過耐同我傾咗好多偈。咁通常第一句見到外國人，當然會問佢係邊度嚟嘅。我話我係香港嘅人，問佢哋有冇聽過香港。佢哋話緊係有啦。

每次聽到有南非人話知道香港呢個城市，其實我都幾驚訝。因為香港實在真係太細啦！隔籬枱咁啱有個客人一八年之前去過香港，佢又過咗嚟同我哋一齊傾偈。佢話好鍾意香港，但係就算依家通咗關之後都唔夠膽再去了。然後我哋又就住香港嘅局勢傾咗好耐。

喺依邊有人問起我喺邊度嚟嘅，我都一定答係香港人，再問佢哋有冇聽過香港。

有時候我聽到佢哋都知道香港同中國係有分別嘅時候，我係好開心。同佢哋相比之下，我同時都慚愧自己對於南非嘅政治局勢，實在太見識淺薄了。

Jupas 9號放榜，而家入大學嘅Freshmen已經係05年啦！有時候，我會覺得其實唔可以怪責佢哋係港豬。唔好講一四年啦，一九年嘅時候，佢哋都只係初中生。點會咁有感覺、咁有切膚之痛？

一九年之後，老師唔准教、家長唔想佢哋識、考試唔會考、政府甚至立法唔准講。喺呢個環境之下，其實真係唔可以怪得佢哋對政治唔了解、唔敏感、唔想知。

面對六四，我哋都會因為「鄰國嘅事情唔關我哋事」、「建設民主香港比建設民主中國更有必要」。而唔明白8964民運嗰班老一輩香港學生領袖成日屌新一代嘅學生領袖唔關心。

可能對於依家入學嘅大學生嚟講，佢哋都一樣覺得有嘢比建設民主香港更重要。又或者簡單啲嚟講，佢哋根本就感受唔到政治有幾殘酷。就好似六四唔係發生係我哋身邊一樣。因為佢哋冇經歷過慘痛嘅時刻、所有事唔係發生係佢哋身邊。我經歷過同樣嘅悲痛，就唔會建立到想像嘅共同體，就唔會認同自己係香港依個民族。

但係我覺得好殘酷嘅係，睇返以往香港嘅社會運動一定會有學生領袖嘅參與，甚至係作為帶領嘅角色。呢個亦係香港嘅學生會，同世界各地其他大學學生會嘅唔同。而家八大學生會淨係剩返兩間，仲要只係名存實亡。Freshmen 唔認識政治、唔想認識政治、冇渠道認識政治。其實我都唔知道香港點樣繼續落去。

最後Cafe個黑人哥哥問我：你覺得香港有冇機會戰勝到共產黨？我覺得呢個問題真係好難答。我話歷史同我哋講暴政必亡，所有國家都會走向民主化嘅道路或者滅亡，無一個政權有例外。可能我哋依家只係喺歷史嘅開端，仲未望到個結尾。我仍然相信有一日香港民族會有屬於我哋嘅政府。離散嘅港人會再返返嚟。

哎呀，搞到成篇嘢都好似藍橘子嗰啲網絡小說咁樣。但全部都係真實發生的。臨瞓前突然感性下想同大家分享。

好啦香港嘅大家早晨！我去瞓先啦！希望大家今日過得開開心心Have a nice day ！

//可能對於依家入學嘅大學生嚟講，佢哋都一樣覺得有嘢比建設民主香港更重要。又或者簡單啲嚟講，佢哋根本就感受唔到政治有幾殘酷。就好似六四唔係發生係我哋身邊一樣。因為佢哋冇經歷過慘痛嘅時刻、所有事唔係發生係佢哋身邊。我無經歷過同樣嘅悲痛，就唔會建立到想像嘅共同體，就唔會認同自己係香港依個民族。//


唔好意思打錯字！唔係好識得點樣引用其中一段，成篇quote哂搞到大家要碌好耐希望我咁樣reply改得啱。

依個係上面提到，今日下晝去嘅嗰一間Cafe，叫做： Heaven coffee



佢係一間喺教堂入面嘅咖啡店。我之前都未見過咁樣嘅cafe，坐喺室內可以對住個十字架嘆咖啡，覺得好特別。但我信奉飛天意粉神，所以就揀咗坐室外。

可惜我太遲去啦！四點先去到，人哋就快收工，好多嘢食都賣晒了（依邊嗰啲Cafe大概四、五點就會閂門）

我叫咗一個Brownie同埋一杯holy cow（surprise me嘅意思）。我到最後都唔係太飲得出佢係一杯乜嘢嚟，真係唔好意思淨係知道有奶，都幾多下，所以唔係齋啡，我淨係識咁多

嘢食質素正常，環境氣氛好好，人流唔多，所以一啲都唔趕可以慢慢chill 吓。職員唔使講我會比100分！埋單HKD$35。臨走之前一定會再嚟！

笑死睇返AIDS嘅report，睇嚟你真係有諗過
我淨係搭過纜車上去，未夠膽行住，落club哥勁

感謝先生唔好打交！

holycow個名幾搞笑
以為淫野嚟

我都係上網search先知
佢再三確認我知唔知係咩⼃⼀⼁⼃⼂⼃

今日係最期待嘅環節去Safari ！今次預約嘅係Aquila Private Game Reserve，距離開普敦一個鐘車程，算係依度最近嘅safari！好期待呀！



好期待好想睇Big 5！不過今日天氣唔好，有啲細雨，希望唔會影響到。




我係喺佢哋官網嗰度預約，會喺佢哋嗰度住埋Stay 兩日一夜！成個行程total HKD1400+ 700 (Pick-up round transport from Cape Town)，包Karoo Cottage + buffet lunch + buffet dinner + buffet breakfast 同兩個game drive（Evening and Morning safari）。



因為而家係淡季，所以費用會平啲。



司機9:00嚟接我哋，提早咗到，依家喺個酒店附近行吓。依度啲設施超靚！



上網睇咗原來呢度嘅自助餐都有四星級！好誇張依個價錢嘅講

一陣check in後入到房再同大家room tour! 上網睇到間房就大概係咁的！



不過依度出咗Cape Town，收唔到手機網絡，淨係可以連佢哋酒店嘅Wi-Fi，可能出post會好delay