「非」正常人類：南非開普敦遊記

開始食lunch了我唔客氣啦

有Main dishes, soup, starters, desserts, etc etc
猛男要由甜品開始食




同出面啲餐廳質素一樣咁好，由入到嚟到而家所有體驗都好好，冇嘢可以投訴

食完嘢就check-in間房了 希望同相嘅一樣咁靚

Lm

好睇，留名

今年4月去過，樓主記住去埋camps bay睇日落

依度就係我間房啦，正常一張king size床，有個小小壁爐，出面仲有個露台太正了




仲有浴缸添！但係我開出嚟嗰啲水係有啲青黃色的有少少驚，應該就未必會浸浴啦！



喺外面睇就係咁嘅！每個人都有間少少嘅屋仔叫做cottage 見到都有好多係自己揸車過嚟嘅！就咁泊喺出面就得

我已經去咗signal hill 睇日落了遲啲paragliding會喺sea point嗰邊降落，順便去埋！

話說有冇推介嘅非洲菜餐廳嚟咗咁耐都冇食過一間真係好食嘅

會唔會去Wakanda？

下午食飽check in 完，1700準時去排隊上車入去睇動物！野生動物最主要出沒於黃昏，或者係清早，呢兩個時候係最容易見到動物嘅蹤跡。BIG 5 IM COMING


呢個就係我哋會搭嘅越野車，一架車大概可以載20個乘客。



Hello介紹翻！呢個就係我哋今日Game drive嘅司機加導遊！我特登走埋去睇過，佢哋身上同埋架車上都係冇槍的。



首先架車會駛入咗草食動物區先，經過電網之後就係肉食動物獅子老虎豹嘅區域。佢哋會盡量分隔開草食動物同埋肉食動物，防止啲草食動物比肉食動物食晒。



無諗過原來係可以駕駛到同啲野生動物咁近，咁近距離咁樣見到動物。見到有河馬、斑馬、長頸鹿、黑牛、大笨象、犀牛、Spingbok⋯⋯



嗰種親眼望到大自然壯麗嘅景色同埋野生動物嗰種原始嘅生活真係好衝擊我依個都市人。成個感覺係影相影唔到出嚟嘅，真係要親眼睇先真正沉醉喺成個生態帶嚟嘅震撼。



呢隻大笨象其實同我哋架車嘅距離真係勁近！只要佢fing 一 fing個鼻其實就已經打到我哋。司機話唔驚！啲動物會將架車連同埋上面嘅乘客作為一個整體，當架車係一個好大型嘅動物咁樣，所以唔會隨便過嚟攻擊我哋。大笨象真係好巨型，起碼有五個人打橫並排咁闊。當佢行近我哋架車嘅時候真係會感受到威脅。親眼睇同喺電視睇嘅震撼程度係好唔同，用肉眼都可以見到佢身上嘅紋理好清晰，望到佢郁嘅時候啲皮膚喺度震動。

Springbok好可愛！係南非欖球隊嘅代表動物呢！依邊欖球係一種常見嘅運動，南非嘅荷蘭人Dutch好鍾意玩。最近好似南非欖球呢邊又有比賽，見到好多運動舖都買佢哋嘅衫，佢哋都好proud of 自己嘅國家隊。

除咗係代表南非欖球，Springbok可以拎嚟整成肉乾，呢邊有好多依種肉整成嘅腸仔同肉乾。我試過食吓，唔係香港嗰啲有蜜汁嘅牛肉乾豬肉乾。味道係超級raw、有啲乾、無添加嘅原始肉絲味道，我唔鍾意。好多人會買返去做手信，但係我就麻麻了。

過咗去電網後面嘅係肉食動物嘅棲息地。BIG 5入邊豹係最難見嘅，因為佢哋實在跑得太快啦！我哋依團人今次見到獅子。



大隻啲好多毛毛喺頭嘅就係獅子仔仔；獅子女女，就係冇咁多毛髮嘅喺度，舔緊自己嘅嗰隻貓貓。獅子嘅毛喺太陽，下面係會閃閃發光

可惜仲未見到老虎同埋豹！希望聽日最後嗰程game drive會見到。

全部相都無加filter我覺得已經好靚好夠。其實呢邊同大自然真係好近，景色真係好靚、地方又好大好闊落。覺得自己同大自然之間嘅bonding強咗好多，呢個係喺香港好難發生嘅事。

見到隔離post有個女仔去咗東非，好佩服好羨慕！我已經開始想安排自己下一次過嚟非洲再深度遊嘅Trip了。

見到啲獅子仔嘅相又灰咗
再up過希望今次up到！

唔會了感覺都好似好正
係咪推介？

推介利申去過有黑豹睇仲有好多好貴嘅金屬

見非洲動物真係開心 希望樓豬見齊big5

更新翻：

係Cape Town嘅Taxi strike已經死咗5個人，示威持續，而示威者係有持槍。

當中令我最心噏嘅係其中一個死者係一個媽媽。佢當時只係揸緊車送佢嘅孫仔翻學被槍殺。而佢嘅孫仔孫女當時喺車上目擊佢嘅死亡。

//“He proceeded to shoot her five times, and went back into the car and left. My main objective is to take my mother home to Mpumalanga for her burial this weekend,” he said.//

https://www.youtube.com/watch?v=nta-CdCdk2M

今晚再出safari嘅遊記。屌好似平行時空咁。人命喺度好似唔值錢咁，死咗咁多人都無人care。

完咗了依家已經翻番去cape town
見唔齊Big 5，睇唔到老虎同豹呢

想問吓物價如何

慘

飲食方面，只要唔食亞洲嘢都大概平過香港一半。
交通以Uber為主，平過香港起碼3/4

真係唔好意思呀！ Safari已經寫好晒了，只係爭upload相，次次都upload唔到。

呢邊真係唔好打算搶演唱會飛，網絡慢到
一陣出去搵間Cafe坐低用佢哋嘅Wi-Fi睇吓會唔會好啲大家等我！

本身成個Tutor係包夜晚有得一班房客一齊圍住個火爐燒棉花糖睇星星，可惜天氣唔好取消咗。依度成個safari園區有酒吧、spa同啲兒童設施中心，一應俱全。夜晚就去咗依度嘅bar飲杯野。




後面支酒係南非大象酒Amarula，酒精濃度17%嘅溝女甜酒。
同Baileys 味道、定位好似，都係香香甜甜嘅朱古力味奶酒。不過價錢平好多。仲有佢會將部份嘅收益捐去保育大象，個人覺得可以買返香港做手信。

叫個bartender 大哥整咗杯朱古力酒，仲叫我拎埋個杯返房，話送哂俾我做手信
飲完成個人都好好瞓！（呢邊係有消費文化嘅，一般都係10%）
可惜依度嘅酒店入邊係冇拖鞋同牙刷，仲有啲水係青黃色嘅，冇得浸浴。



第二朝一早起身，出發第二次嘅safari game drive。今朝係零度，凍到不自覺地流鼻水。我份人少見多怪本身真係以為非洲係冇冬天㗎大家記得帶夠衫！



今次見到長頸鹿、斑馬、鴕鳥、河馬同獅子。朝頭早個陽光曬落去獅子嘅毛髮嗰度真係好有型。
個導遊大哥話依家係鴕鳥嘅交配季節，見到啲雄性鴕鳥傻更更咁樣追住雌性鴕鳥叩頭求交配，嗰隻雌性鴕鳥走夾唔唞。



玩唔夠皮，完哂個tour包嘅兩個safari game drive後我再報咗quad bike game drive出去再近距離零阻隔啲睇動物。



Quad bike係一種電力驅動嘅四驅越野電單車，基本上毫無技術駕駛含量。今次係我第一次嘗試，自己揸車勁爽，啲風吹過嚟，你隔離就係一大片一望無際嘅草原



每次去完safari game drive都超級肚餓，明明坐喺車上淨係睇動物影相。可能係因為天氣嘅緣故燒耗晒啲卡路里，所以又係早餐自助餐了！！！



可惜仲係見唔到豹仔同埋老虎，留低咗個遺憾俾我，下次再嚟非洲。

Safari 之旅告一段落

到最後要去到V&A waterfront 用佢哋嘅Wi-Fi先upload到相upload到我就放低心頭大石了

但食到手心咁大隻嘅生蠔同蝦仔食完先記得影但一樣要share！因為太好食了又新鮮個汁有少少腐乳蝦醬味




買咗啲post card準備寫俾朋友了不過聽人講話依度寄信人哋收到嘅機會率得50%，考慮緊寄唔寄好同埋呢度街上面係冇郵箱嘅！要寄信要喺郵局辦公時間走過去。



估下埋單幾錢估中寫張postcard俾你哋

唔鍾意睇咪唔好睇
人哋咁俾心機打咁多字解釋咁多嘢，有埋圖個排版又整得好好睇睇
你呢啲特登走埋去花時間留言潑人冷水嘅人真係好撚乞人憎

忍唔住想問一句：究竟你呢啲撚樣係咩心態？

想問樓主宜家taxi strike 係咪完左？黎緊8月尾去有啲擔心啲交通同路況